ନୂଆଦିଲ୍ଲୀ,୨୪।୧୦: ଟିମ ଇଣ୍ଡିଆର କ୍ରିକେଟ କିମ୍ବଦନ୍ତୀଙ୍କୁ ୧୫ ହେଲା ଡାଇବେଟିସ। ତେବେ ସେ ଏନେଇ ବ୍ୟସ୍ତ ବିବ୍ରତ ନୁହନ୍ତି। ରକ୍ତରେ ଗ୍ଲୁକୋଜର ସ୍ତରକୁ ନିୟନ୍ତ୍ରଣ କରାଯିବ ସେ ନେଇ ସେ ଏକ ଯୋଜନା ପ୍ରସ୍ତୁତ କରିଛନ୍ତି। ପ୍ୟାଚ ହେଉ, ଗ୍ଲୁକୋମିଟର କିମ୍ବା ଇନସୁଲିନ ପେନ ହେଉ, ନୂତନ ଯୁଗର ପ୍ରଯୁକ୍ତିବିଦ୍ୟା ସହିତ ପୂର୍ବ ତୁଳନାରେ ବର୍ତ୍ତମାନ ଡାଇବେଟିସକୁ ପରିଚାଳନା କରିବା ସହଜ ବୋଲି ଭାରତର କ୍ରିକେଟ କିମ୍ବଦନ୍ତୀ କପିଲ ଦେବ କହିଛନ୍ତି।
ସେ ୧୫ ବର୍ଷରୁ ଅଧିକ ସମୟ ଧରି ଟାଇପ-୨ ଡାଇବେଟିସ ସମସ୍ୟାରେ ପୀଡ଼ିତ। ୧୯୮୩ ବିଶ୍ୱକପ ବିଜେତା ଅଧିନାୟକ କହିଛନ୍ତି ଯଦି ଲୋକମାନେ ନିଜର ଡାଇବେଟିସ କିପରି ନିୟନ୍ତ୍ରଣ କରାଯିବ ସେ ନେଇ ଅଜ୍ଞ ନ ହୋଇ ସଚେତନ ହୁଅନ୍ତି ତେବେ ଏହା ଅଧିକ ସହଜ ହୋଇ ପାରିବୁ। ଡାଇବେଟିସକୁ ପରିଚାଳନା କରିବା ପାଇଁ ସର୍ବୋତ୍ତମ କୌଶଳ ହେଉଛି କେବେ ଅଳସୁଆ ନ ହୋଇ ସକ୍ରିୟ ରହିବା। ପୂର୍ବରୁ ଇନସୁଲିନ ନ ଥିଲା। ତେବେ ଡ୍ରଗ ନିର୍ମାତାଙ୍କୁ ଧନ୍ୟବାଦ, ଯେଉଁମାନେ ଆମ ଜୀବନକୁ ଏବେ ସହଜ କର ପାରିଛନ୍ତି। ଆମେ କେବଳ ନିଜ ପକେଟରେ କଲମ ଭଳି ଇନସୁଲିନ ଉପକରଣ ନେଇପାରୁଛି ଏବଂ ପୂର୍ବପରି ଆରାମରେ ବୁଲି ପାରୁଛୁ।
ପୂର୍ବତନ କ୍ରିକେଟର ଯୁବବର୍ଗ ଏବଂ ଇନସୁଲିନରେ ପୀଡିତ ଲୋକଙ୍କୁ ଅନ୍ୟର ଡାଏଟ ଯୋଜନା କିମ୍ବା ବ୍ୟାୟାମ କାର୍ଯ୍ୟସୂଚୀକୁ ନକଲ ନ କରିବାକୁ ପରାମର୍ଶ ଦେଇଛନ୍ତି। ଆପଣଙ୍କ ଶରୀର ପାଇଁ କ’ଣ ଉପଯୁକ୍ତ ତାହା ଭାବିବା ଜରୁରୀ। ଆପଣଙ୍କ ଶରୀର କେତେ ବ୍ୟାୟାମକୁ ସହ୍ୟ କରିପାରିବ। ଆମ ସମସ୍ତେଙ୍କ ଶରୀର ଭିନ୍ନ ଭିନ୍ନ। ଯାହା ମୋ ପାଇଁ ଉପଯୁକ୍ତ, ତୁମ ପାଇଁ ଅନୁପଯୁକ୍ତ ହୋଇପାରେ। ଦୁଇ ଜଣଙ୍କୁ ଶରୀର କଦାପି ସମାନ ହୋଇପାରିବ ନାହିଁ।
ଅନୁଶାସିତ ହୋଇ ଜଣେ ନିଜର ଡାଏଟ ଯୋଜନା ଏବଂ କାର୍ଯ୍ୟକଳାପକୁ ଅନୁସରଣ କର, ତେବେ ଡାଇବେଟିସ ସହଜରେ ନିୟନ୍ତ୍ରିତ ହୋଇ ପାରିବ।
