ନୂଆଦିଲ୍ଲୀ,୧୧।୫: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରାଯାଇଛି। ସେହିଭଳି ସଞ୍ଜୟ ସିଂଙ୍କୁ ଦିଲ୍ଲୀ ଲିକର୍ ପଲିସି ମାମଲାରେ ମଧ୍ୟ ଜାମିନ ମିଳିଛି। ତେବେ ଏହି ଆମ ଆଦମୀ ପାର୍ଟି (ଏଏପି) ନେତାମାନଙ୍କୁ ଜେଲରୁ ବାହାରକୁ ଆଣିବାରେ ଜଣେ କଂଗ୍ରେସ ନେତା ପ୍ରମୁଖ ଭୂମିକା ଗ୍ରହଣ କରିଛନ୍ତି। ଆମେ ଅଭିଷେକ ମନୁ ସିଂଭିଙ୍କ ବିଷୟରେ କହୁଛୁ, ଯିଏ ସୁପ୍ରିମକୋର୍ଟରେ ଉଭୟ ନେତାଙ୍କ ପାଇଁ ଯୁକ୍ତି କରିଥିଲେ ଏବଂ ସେମାନଙ୍କୁ ଜାମିନ ମିଳିଥିଲା।
ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ଚଳିତ ମାସରେ ଏକ ମାମଲାର ଶୁଣାଣି ବେଳେ ସୁପ୍ରିମକୋର୍ଟର ଜଷ୍ଟିସ ବି.ଆର ଗଭାଇ ସିଂଭିଙ୍କୁ ତାଙ୍କ ସମୟାନୁବର୍ତ୍ତୀତା ପାଇଁ ପ୍ରଶଂସା କରିଥିଲେ। ଜଷ୍ଟିସ କହିଛନ୍ତି ଯେ ଡକ୍ଟର ଅଭିଷେକ ମନୁ ସିଂଭିଙ୍କ ଠାରୁ ସମସ୍ତେ ଠିକ ସମୟରେ ସମସ୍ତ କୋର୍ଟରେ କିପରି ଉପସ୍ଥିତ ରହିବେ ତାହା ଶିଖିବା ଉଚିତ। ଏହା ଉପରେ ସଲିସିଟର ଜେନେରାଲ ତୁଷାର ମେହେଟ୍ଟା ମଧ୍ୟ କଂଗ୍ରେସ ନେତାଙ୍କୁ ପ୍ରଶଂସା କରିବା ସହ କହିଛନ୍ତି ଯେ ଡ. ସିଂହଭି କୌଣସି ଛୁଟି ନେଇ ନାହାଁନ୍ତି।
ସୁପ୍ରିମକୋର୍ଟରେ କେଜରିୱାଲଙ୍କ ପକ୍ଷରୁ ଯୁକ୍ତି ଦର୍ଶାଇ ଅଭିଷେକ ମନୁ ସିଂହଭି ମଦ ନୀତି ମାମଲାରେ ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ଙ୍କ ଅଭିଯୋଗକୁ ଭଲ ଜବାବ ଦେଇଥିଲେ। ଆଚରଣ ସଂହିତା ଲାଗୁ ହେବାର ମାତ୍ର ପାଞ୍ଚ ଦିନ ପରେ କେଜରିୱାଲଙ୍କୁ କିପରି ଗିରଫ କରାଯାଇଥିଲା ସିଂଭି କୋର୍ଟଙ୍କୁ କହିଛନ୍ତି। ଯେତେବେଳେ ସିଂହଭି ଏହି ପ୍ରସଙ୍ଗ ଉଠାଇଥିଲେ, ସେତେବେଳେ କେଜରିୱାଲଙ୍କୁ ଜାମିନ ପ୍ରଦାନ କରିବାକୁ ସୁପ୍ରିମକୋର୍ଟ ସୂଚନା ଦେଇଛନ୍ତି। ଶୁକ୍ରବାର ଯେତେବେଳେ ସେ ମଧ୍ୟବର୍ତ୍ତୀକାଳୀନ ଜାମିନ ପାଇଥିଲେ ସେତେବେଳେ ମଧ୍ୟ ଏହା ଦେଖିବାକୁ ମିଳିଥିଲା।
ଏଥିସହିତ ସଞ୍ଜୟ ସିଂଙ୍କ କ୍ଷେତ୍ରରେ ଅଭିଷେକ ମନୁ ସିଂଭି ସୁପ୍ରିମକୋର୍ଟଙ୍କୁ କହିଛନ୍ତି ଯେ ପାଞ୍ଚ ମାସ ଜେଲରେ ରହିବା ପରେ ମଧ୍ୟ ଏହି ନେତାଙ୍କ ବିରୋଧରେ କୌଣସି ପ୍ରମାଣ ଉପସ୍ଥାପନ କରିପାରିବ ନାହିଁ। ଇଡି ଏବଂ ସିବିଆଇର ସରକାରୀ ସାକ୍ଷୀ ହୋଇଥିବା ବ୍ୟବସାୟୀ ଦୀନେଶ ଆରୋରାଙ୍କ ବିବୃତ୍ତି ଆଧାରରେ ସଞ୍ଜୟ ସିଂଙ୍କୁ ଗିରଫ କରାଯାଇଥିଲା। ସିଂହଭି କୋର୍ଟଙ୍କୁ କହିଛନ୍ତି ଯେ ଆରୋରାଙ୍କ ୯ ଟି ବିବୃତ୍ତିରେ ସଞ୍ଜୟ ସିଂଙ୍କ ବିଷୟରେ କୌଣସି ଉଲ୍ଲେଖ ନାହିଁ, ଯେତେବେଳେ କି ଦଶମ ବିବୃତ୍ତିରେ ଏଏପି ନେତାଙ୍କ ନାମ ନେବା ପରେ ତାଙ୍କୁ ଗିରଫ କରାଯାଇଥିଲା। ୪ ଏପ୍ରିଲରେ ସଞ୍ଜୟ ସିଂଙ୍କୁ ଜାମିନ ପ୍ରଦାନ କରାଯାଇଥିଲା।
