ନୂଆଦିଲ୍ଲୀ,୪।୬: ନିର୍ବାଚନ ବିଶ୍ଳେଷକ ତଥା ସମାଜସେବୀ ଯୋଗେନ୍ଦ୍ର ଯାଦବ ଲୋକ ସଭା ନିର୍ବାଚନ ୨୦୨୪ର ଟ୍ରେଣ୍ଡ୍ ମଧ୍ୟରେ ଏକ ବଡ଼ ମନ୍ତବ୍ୟ ଦେଇଛନ୍ତି। ମୁସଲମାନମାନଙ୍କ ବିଷୟରେ ସେ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ସମ୍ପ୍ରଦାୟ ପାଇଁ କିଛି କହି ନାହାଁନ୍ତି। ତେବେ ନିର୍ବାଚନ ଫଳାଫଳ ଏବଂ ସଂଖ୍ୟାଲଘୁଙ୍କ ଉପରେ ତାଙ୍କର ମନ୍ତବ୍ୟର କୌଣସି ପ୍ରଭାବ ପଡି ନ ଥିଲା। ଟ୍ରେଣ୍ଡ ଦର୍ଶାଉଛି ଯେ ଏଥର ପିଏମ ମୋଦିଙ୍କ ପାଇଁ ଏହା ଏକ ବ୍ୟକ୍ତିଗତ ପରାଜୟ।
ସେ କହିଛନ୍ତି,ଏହି ନିର୍ବାଚନର ସବୁଠାରୁ ଲଜ୍ଜାଜନକ ଘଟଣା ହେଉଛି ଦେଶର ପ୍ରଧାନମନ୍ତ୍ରୀ ପଦରେ ଠିଆ ହୋଇ ବୃହତ୍ତମ ସଂଖ୍ୟାଲଘୁଙ୍କୁ ଅନୁପ୍ରବେଶକାରୀ ବୋଲି କହିଛନ୍ତି। ମୁଁ ଭାବୁଛି ନିର୍ବାଚନ ବ୍ୟବସ୍ଥା ଏବେ ମଧ୍ୟ କାମ କରୁଛି। ଏହି ଗଣତନ୍ତ୍ରରେ ଲୋକମାନେ ଏହି ବ୍ୟବସ୍ଥା ଉପରେ ବିଜୟୀ ହୋଇଛନ୍ତି। ମୁଁ ପୂର୍ବରୁ କହିଥିଲି ଯେ ଯଦି ଭାଜପା ୩୦୦ ରୁ ଗୋଟିଏ କମ ସିଟ ପାଏ ତା’ହେଲେ ଏହା ପାଇଁ ଏହା ଏକ ନୈତିକ ପରାଜୟ ହେବ, ଯଦି ଏହା ୨୭୨ ରୁ କମ ଗୋଟିଏ ସିଟ ପାଇବ ତେବେ ଏହା ଏକ ରାଜନୈତିକ ପରାଜୟ ହେବ ଏବଂ ଯଦି ଏହା ୨୫୦ରୁ କମ ସିଟ ଜିତେ ତେବେ ଏହା ବ୍ୟକ୍ତିଗତ ପରାଜୟ ହେବ। ତେଣୁ ଏଥର ଫଳାଫଳ ନରେନ୍ଦ୍ର ମୋଦିଙ୍କ ପାଇଁ ଏକ ପ୍ରକାର ବ୍ୟକ୍ତିଗତ ପରାଜୟ ଅଟେ।
