ଲାହୋର,୧୧।୭: ପ୍ରଥମ ଥର ପାଇଁ ଜଣେ ମହିଳା ବିଚାରପତି ପାକିସ୍ତାନର ଲାହୋର ହାଇକୋର୍ଟ (ଏଲଏଚସି) ରେ ଦାୟିତ୍ୱ ଗ୍ରହଣ କରିଛନ୍ତି। ଜଷ୍ଟିସ ଆଲିଆ ନୀଲମ ମଧ୍ୟ ଗୁରୁବାର ଶପଥ ଗ୍ରହଣ କରିଛନ୍ତି। ଶପଥ ଗ୍ରହଣ କରିବା ପରେ ପଞ୍ଜାବର ରାଜ୍ୟପାଳ ସଲିମ ହାୟଦାର ଖାନ ମଧ୍ୟ ତାଙ୍କୁ ଅଭିନନ୍ଦନ ଜଣାଇଛନ୍ତି। ଏହି ସମାରୋହରେ ପଞ୍ଜାବର ମୁଖ୍ୟମନ୍ତ୍ରୀ ମରିୟମ ନୱାଜଙ୍କ ବ୍ୟତୀତ ବିଚାରପତି, ଓକିଲ ଏବଂ ସରକାରୀ ଅଧିକାରୀଙ୍କ ସମେତ ଅନେକ ଅଧିକାରୀ ଉପସ୍ଥିତ ଥିଲେ। ପାକିସ୍ତାନର ଆଇନ ମନ୍ତ୍ରଣାଳୟ ଇସଲାମିକ ରିପବ୍ଲିକ ଅଫ ପାକିସ୍ତାନର ସମ୍ବିଧାନର ଧାରା ୧୯୩ ଅନୁଯାୟୀ, ଲାହୋର ହାଇକୋର୍ଟର ବିଚାରପତି ଭାବରେ ଜଷ୍ଟିସ ଆଲିଆ ନୀଲମଙ୍କ ନିଯୁକ୍ତିକୁ ଅନୁମୋଦନ କରି ଏକ ବିଜ୍ଞପ୍ତି ଜାରି କରିଛି।
ଜଷ୍ଟିସ ନୀଲମ ଏଲଏଚସ ବିଚାରପତିଙ୍କ ବରିଷ୍ଠତା ତାଲିକାରେ ତୃତୀୟ ସ୍ଥାନ ପାଇଛନ୍ତି। ଗୁରୁବାର ରାଜ୍ୟପାଳ ଭବନରେ ତାଙ୍କର ଶପଥ ଗ୍ରହଣ ସମାରୋହ ଅନୁଷ୍ଠିତ ହୋଇଥିଲା। ଏହାପୂର୍ବରୁ ୨୦୧୮ରେ ଜଷ୍ଟିସ ସଇଦା ତାହିରା ସଫଦର ମଧ୍ୟ ବାଲୁଚିସ୍ତାନରେ ହାଇକୋର୍ଟର ପ୍ରଧାନ ବିଚାରପତି ଭାବରେ ନିଯୁକ୍ତ ହୋଇଥିଲେ। ୨୦୨୧ରେ ଜଷ୍ଟିସ ଆୟେଶା ମଲିକ ମଧ୍ୟ ପାକିସ୍ତାନର ସର୍ବୋଚ୍ଚ ନ୍ୟାୟାଳୟରେ ନିଯୁକ୍ତ ହୋଇଥିବା ପ୍ରଥମ ମହିଳା ବିଚାରପତି ହୋଇଥିଲେ। ପାକିସ୍ତାନ ଇତିହାସରେ ପ୍ରଥମ ଥର ପାଇଁ ଜଣେ ମହିଳା ଲାହୋର ହାଇକୋର୍ଟରେ ବିଚାରପତି ଭାବରେ ଶପଥ ଗ୍ରହଣ କରିଛନ୍ତି।
