ମୁମ୍ବାଇ: ଅଭିନେତା ରୋନିତ ରୟ ତାଙ୍କ ବ୍ୟକ୍ତିଗତ ଜୀବନର ଖବରକୁ ନେଇ ଚର୍ଚ୍ଚାରେ ରହିଛନ୍ତି। ୫୭ ବର୍ଷୀୟ ଅଭିନେତା ପୁଣିଥରେ ତାଙ୍କ ପତ୍ନୀ ନୀଲମ ବୋଷ ରୟଙ୍କ ସହ ବିବାହ କରିଛନ୍ତି। ରୋନିତ ତାଙ୍କ ବିଂଶତମ ବିବାହ ବାର୍ଷିକୀ ଅବସରରେ ପୁନର୍ବାର ତାଙ୍କ ପତ୍ନୀଙ୍କୁ ବିବାହ କରିଛନ୍ତି।
ଆପଣ ଭିଡିଓରେ ୨୦ ବର୍ଷ ପରେ ସେମାନଙ୍କ ବିବାହର ଦୃଶ୍ୟ ଦେଖିପାରିବେ। ଅଭିନେତା ତାଙ୍କ ପତ୍ନୀଙ୍କୁ ପୂର୍ଣ୍ଣ ରୀତିନୀତି ସହିତ ବିବାହ କରିଥିଲେ। ଅଭିନେତା ତାଙ୍କ ପତ୍ନୀ ନୀଲମଙ୍କ ସହ ସାତ ଫେରା ବି ନେଇଥିଲେ, କପାଳରେ ସିନ୍ଦୁର ଲଗାଇ ଥିଲେ ଏବଂ ସମସ୍ତ ବିବାହ ରୀତିନୀତି ମଧ୍ୟ ସମାପ୍ତ କରିଥିଲେ।
ଭିଡିଓ ଶେୟାର କରିବାବେଳେ ରୋନିତ କ୍ୟାପସନରେ ଲେଖିଛନ୍ତି,‘ତୁମେ ମୋତେ ପୁନର୍ବାର ବିବାହ କରିବ କି?’ ସୂଚନାଯୋଗ୍ୟ, ରୋନିତ ଗୋଆର ଏକ ମନ୍ଦିରରେ ବିବାହ କରିଥିଲେ। ଏହି ସମୟରେ ସେ ଧଳା ରଙ୍ଗର କୁର୍ତ୍ତା-ପାଇଜାମାରେ ଦେଖିବାକୁ ମିଳିଥିବା ବେଳେ ତାଙ୍କ ପତ୍ନୀ ଏକ ଲାଲ ଯୋଡିରେ ବହୁତ ସୁନ୍ଦର ଦେଖାଯାଉଥିଲେ। ତାଙ୍କର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ପ୍ରଶଂସକମାନେ ଏହି ଦମ୍ପତିଙ୍କୁ ସେମାନଙ୍କର ବିବାହ ବାର୍ଷିକୀରେ ଅଭିନନ୍ଦନ ଜଣାଇଛନ୍ତି।
ସୋସିଆଲ ମିଡିଆରେ ଅଭିନେତା ଏହାର ଝଲକ ଦେଖାଇଛନ୍ତି। ସେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଅନେକ ବିବାହ ଭିଡିଓ ଶେୟାର କରିଛନ୍ତି, ଯେଉଁଥିରେ ଏହି ଦମ୍ପତି ୨୦ବର୍ଷ ପରେ ପୁଣି ସାତୋଟି ବିବାହ ଶପଥର ପୁନରାବୃତ୍ତି କରୁଥିବା ନଜର ଆସିଛନ୍ତି। ଏହି ସମୟରେ ରୋନିତ ଏବଂ ନୀଲମଙ୍କ ପୁଅ ଅଗସ୍ତ୍ୟ ବୋଷ ମଧ୍ୟ ତାଙ୍କ ପିତାମାତାଙ୍କ ବିବାହକୁ ଉପଭୋଗ କରୁଥିବା ଦେଖିବାକୁ ମିଳିଥିଲା।
