ମୁମ୍ବାଇ: ଅଭିନୟ ଦୁନିଆରେ ଏପରି ଅନେକ ଷ୍ଟାର ଅଛନ୍ତି, ଯେଉଁମାନେ ନିଜ କ୍ୟାରିୟରରେ ଏପରି କାର୍ଯ୍ୟ କରିଛନ୍ତି, ଯାହାଙ୍କୁ ମୃତ୍ୟୁ ପରେ ମଧ୍ୟ ସେମାନେ ଦର୍ଶକଙ୍କ ହୃଦୟରେ ରହିଯାଇଛନ୍ତି। ଏହିପରି ଜଣେ ଅଭିନେତା ମାଲାୟାଲମ ଫିଲ୍ମ ଇଣ୍ଡଷ୍ଟ୍ରିର ଜଣାଶୁଣା ସୁପରଷ୍ଟାର ପ୍ରେମ୍ ନାଜିର ଥିଲେ। ତାଙ୍କର ଅଭିନୟ ଏତେ ବଳିଷ୍ଠ ଥିଲା ଯେ, ସେ ସେହି ସମୟ ମଧ୍ୟରେ ପ୍ରତ୍ୟେକ ଫିଲ୍ମ ନିର୍ମାତାଙ୍କର ପ୍ରଥମ ପସନ୍ଦ ହୋଇ ରହିଥିଲେ। ୧୯୭୯ରେ ସେ ଗୋଟିଏ ବର୍ଷରେ ୩୯ଟି ଫିଲ୍ମ କରିବାର ରେକର୍ଡ ସୃଷ୍ଟି କରିଥିଲେ।
ପ୍ରେମ ନାଜିର ତାଙ୍କ ଅଭିନୟ କ୍ୟାରିୟରରେ ଅନେକ ଫିଲ୍ମରେ କାମ କରିଥିଲେ। ସେ ତାଙ୍କ ଅଭିନୟ କ୍ୟାରିୟରରେ ୭୦୦ରୁ ଅଧିକ ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଥିଲେ। ସେଥିରେ ସେ ପ୍ରାୟ ୪୦ଟି ଫିଲ୍ମରେ ଡବଲ ରୋଲ୍ କରିଥିବା ଦେଖିବାକୁ ମିଳିଥିଲା।
ପ୍ରେମ ତାଙ୍କ ସମଗ୍ର କ୍ୟାରିୟରରେ ଅନେକ ବ୍ୟାକ୍-ଟୁ-ବ୍ୟାକ୍ ହିଟ୍ କରିଥିଲେ। ସେ ଏକ ରୋମାଣ୍ଟିକ ହିରୋ ଭାବରେ ସ୍ବତନ୍ତ୍ର ସ୍ଥାନ ସୃଷ୍ଟି କରିଥିଲେ। ରୋମାନ୍ସ କିଙ୍ଗ୍ କୁହାଯାଉଥିବା ଶାହାରୁଖ ମଧ୍ୟ ତାଙ୍କ ପଛରେ ରହିଯାଇଥିଲେ। ଏହି କାରଣରୁ ସେ ପ୍ରଥମେ ମାଲାୟାଲମ ସୁପରଷ୍ଟାର ମାନ୍ୟତା ପାଇଥିଲେ। ୫୦ ଦଶକରେ ତାଙ୍କର ସର୍ବାଧିକ ମହିଳା ପ୍ରଶଂସକ ଥିଲେ। ସେ ଇଣ୍ଡଷ୍ଟ୍ରିରେ ବେଶ ଲୋକପ୍ରିୟ ଥିଲେ। ୧୯୫୬ରୁ ୭୬ପର୍ଯ୍ୟନ୍ତ ସେ ଅନେକ ସାମାଜିକ ଏବଂ ଧାର୍ମିକ ଫିଲ୍ମରେ କାମ କରିଥିଲେ। ତାଙ୍କର ଉତ୍କୃଷ୍ଟ କଳା ସାରା ଦେଶରେ ମାଲାୟାଲମ ଇଣ୍ଡଷ୍ଟ୍ରିକୁ ଏକ ସ୍ବତନ୍ତ୍ର ପରିଚୟ ଦେଇଥିଲା।
