ଭୁବନେଶ୍ୱର,୭।୧୨(ବ୍ୟୁରୋ): ଦେଶରେ ମାଇନ୍ସ ଆଣ୍ଡ ମିନେରାଲ (ଡେଭେଲପମେଣ୍ଟ ଆଣ୍ଡ ରେଗୁଲେଶନ) ସଂଶୋଧନ ଆଇନ-୨୦୧୫ ପରେ ରାଜ୍ୟରେ ୩୫ଟି ଖଣି ନିଲାମ ହୋଇଛି। ସେହି ଖଣିଗୁଡ଼ିକ ହେଲା ସୁନ୍ଦରଗଡ଼ ଜିଲାର ଗୋରାବୁରାନି-ସାଗାସାହି ଲୁହାପଥର ଖଣି, ମାଲକାନଗିରି ଜିଲାର କୋଟାମେଟା ଲାଇମଷ୍ଟୋନ୍, କେନ୍ଦୁଝରର ଲାସର୍ଦାପଚେରୀ ମାଙ୍ଗାନିଜ, ସୁନ୍ଦରଗଡ଼ ଜିଲାର ନେତ୍ରବନ୍ଧ ପାହାଡ଼ ଲୁହାପଥର, କଳାମାଙ୍ଗ ଓ୍ବେଷ୍ଟ ଲୁହାପଥର ଓ ଖଟକୁରବାହଲ ଲାଇମଷ୍ଟୋନ, ଯାଜପୁର ଜିଲାର କମରଦା କ୍ରୋମାଇଟ, ରାୟଗଡ଼ା ଜିଲାର ଜଗଦଲପୁର ଗ୍ରାଫାଇଟ, ଯାଜପୁର ଜିଲାର ସୁରଆବାଲି କ୍ରୋମାଇଟ, କେନ୍ଦୁଝର ଜିଲାର ନୂଆଗାଁ ଲୁହାପଥର, ସୁନ୍ଦରଗଡ଼ ଜିଲାର ନାରାୟଣୀପୋଷି ଲୁହାପଥର ଓ ମାଙ୍ଗାନିଜ, ଠାକୁରାଣୀ, ବଲଦା ଏବଂ ଗନୁଆ ଲୁହାପଥର ଏବଂ କେନ୍ଦୁଝର ଜିଲାର ରଏଡା-୨ ଲୁହାପଥର ଖଣିକୁ ନିଲାମ କରାଯାଇଛି। ସେହିପରି ସୁନ୍ଦରଗଡ଼ ଜିଲାର ମହୁଲସୁଖ ଲୁହାପଥର ଓ ମାଙ୍ଗାନିଜ, ମୟୂଭରଞ୍ଜ ଜିଲାର ଗୋରୁମହିଷାଣି ଲୁହାପଥର, ସୁନ୍ଦରଗଡ଼ ଜିଲାର କୋଲମଙ୍ଗ ଲୁହାପଥର ଓ ମାଙ୍ଗାନିଜ, କେନ୍ଦୁଝର ଜିଲାର ସିଲଜୋରା-ପାଳିମାଟି ଲୁହାପଥର ଓ ମାଙ୍ଗାନିଜ, ଜରିବାହଲ ଲୁହାପଥର, ଜୁରୁରୀ ଲୁହାପଥର, କଟାସାହି ମାଙ୍ଗାନିଜ, ସୁନ୍ଦରଗଡ଼ ଜିଲାର କନ୍ଥେର-କୋଏରା ମାଙ୍ଗାନିଜ ଖଣି, ବାଦାମପାହାଡ ଲୁହାପଥର, କେନ୍ଦୁଝର ଜିଲାର ଗୁଆଳି ଲୁହାପଥର, ଯାଜପୁର ଜିଲାର ସୁକିନ୍ଦା କ୍ରୋମାଇଟ ଖଣି, କେନ୍ଦୁଝର ଜିଲାର କସିଆ ଲୁହାପଥର ଏବଂ ସୁନ୍ଦରଗଡ ଜିଲାର ନଦିଡିହି ଲୁହାପଥର ଓ ମାଙ୍ଗାନିଜ, ଗନ୍ଧାହାଲପଡା, ଜୁମକା ପଥିରିପୋଷି, ଚାନ୍ଦିପୋଷି, ଢୋଲଟାପାହାଡ, ନେତ୍ରବନ୍ଧ ପାହାଡ ଏବଂ ପୁରେଇବାହାଲ ପାହାଡ ଲୁହାପଥର ଖଣି। ବିଜେଡି ସଭ୍ୟ ସାଲୁଗା ପ୍ରଧାନଙ୍କ ଲିଖିତ ପ୍ରଶ୍ନର ଉତ୍ତରରେ ଇସ୍ପାତ ଓ ଖଣିମନ୍ତ୍ରୀ ପ୍ରଫୁଲ୍ଲ ମଲ୍ଲିକ ସୋମବାର ବିଧାନସଭାରେ ଏହି ସୂଚନା ଦେଇଛନ୍ତି।
