ନୂଆଦିଲ୍ଲୀ, ୬।୧ : ଦେଶରେ କରୋନା ମହାମାରୀର ତୃତୀୟ ଲହର ଆରମ୍ଭ ହୋଇଥିବାବେଳେ ଏହା ଯୋଗୁ ସ୍ଥିତି ସଙ୍କଟ ଜନକ ହେବାରେ ଲାଗିଛି। ତୃତୀୟ ଲହର କରୋନା ଯୋଦ୍ଧାଙ୍କୁ ଟାର୍ଗେଟ କରିଛି। ଇତି ମଧ୍ୟରେ ଦେଶରେ ୧୦୦୦ରୁ ଅଧିକ ଡାକ୍ତର କରୋନାରେ ଆକ୍ରାନ୍ତ ହୋଇଛନ୍ତି।
ଦିଲ୍ଲୀ, ମୁମ୍ବାଇ, ପାଟନା, ଲକ୍ଷ୍ନୌରେ ଅଧିକରୁ ଅଧିକ ଡାକ୍ତର ଏବଂ ମେଡ଼ିକାଲ ଷ୍ଟାଫ୍ କରୋନରେ ଆକ୍ରାନ୍ତ ହେବାରେ ଲାଗିଛନ୍ତି।
ମୁମ୍ବାଇରେ ଗତ ୩ ଦିନରେ ୨୬୦ ଡାକ୍ତର କରୋନାରେ ଆକ୍ରାନ୍ତ ହୋଇଛନ୍ତି। ଗୁରୁବାର ସିୟୋନ ହସ୍ପିଟାଲରେ ୩୦ ଜଣ ଡାକ୍ତରଙ୍କ ନମୁନା ରିପୋର୍ଟ କରୋନା ପଜିଟିଭ୍ ଆସିଛି।
ଚଣ୍ଡିଗଡ଼ରେ ୨ ଦିନରେ ୧୯୬ ଡାକ୍ତର କରୋନାରେ ଆକ୍ରାନ୍ତ ହୋଇଛନ୍ତି। ପିଜିଆରେ ୧୪୬ ମେଡ଼ିକାଲ ଷ୍ଟାଫ୍ କରୋନା ପଜିଟିଭ୍ ହୋଇଛନ୍ତି। ଅନ୍ୟ ହସ୍ପିଟାଲରେ ୫୦ ଜଣ କରୋନା ଆକ୍ରାନ୍ତ ରହିଛନ୍ତି।
ରାଞ୍ଚିରେ ୧୭୯ ଡାକ୍ତର ଏବଂ ମେଡ଼ିକାଲ ଷ୍ଟାଫ୍ କରୋନାରେ ଆକ୍ରାନ୍ତ ହୋଇଛନ୍ତି। ସେହିପରି ଦିଲ୍ଲୀରେ ୧୨୦ ଡାକ୍ତର ଏବଂ ଅନ୍ୟ ହସ୍ପିଟାଲ କର୍ମଚାରୀଙ୍କ୍ ନମୁନା ରିପୋର୍ଟ କରୋନା ପଜିଟିଭ୍ ଆସିଛି। ଏମ୍ସ୍ର ୫୦ ଜଣ ଡାକ୍ତର କରୋନାରେ ଆକ୍ରାନ୍ତ ହୋଇଛନ୍ତି। ସଫଦରଜଙ୍ଗ ହସ୍ପିଟାଲରେ ୨୬ ଡାକ୍ତର, ରାମ ମନୋହର ଲୋହିଆ ହସ୍ପିଟାଲରେ ୩୮ ଜଣ ଡାକ୍ତରଙ୍କ ସହିତ ମୋଟ ୪୫ ଜଣ ଆକ୍ରାନ୍ତ ହୋଇଛନ୍ତି। ହିନ୍ଦୁ ରାଓ ହସ୍ପିଟାଲରେ ୨୦ ଏବଂ ଲୋକନାୟକ ହସ୍ପିଟାଲରେ ୭ ଡାକ୍ତରଙ୍କ ରିପୋର୍ଟ କରୋନା ପଜିଟିଭ୍ ଆସିଛି।
ପାଟନାରେ ୨୦୦ ଡାକ୍ତର କରୋନାରେ ଆକ୍ରାନ୍ତ ହୋଇଛନ୍ତି। କୋଲକାତାରେ ୭୦ ଜଣ ଡାକ୍ତରଙ୍କ ରିପୋର୍ଟ କରୋନା ପଜିଟିଭ୍ ଆସିଛି। ଲକ୍ଷ୍ନୌର ମେଦାନ୍ତ ହସ୍ପିଟାଲରେ ଜଣେ ଡାକ୍ତରଙ୍କ ସହିତ ୨୫ ଜଣ ହସ୍ପିଟାଲ କର୍ମଚାରୀ କରୋନାରେ ଆକ୍ରାନ୍ତ ହୋଇଛନ୍ତି। ପଟିଆଲା ମେଡିକାଲ କଲେଜର ୧୦୦ ଶିକ୍ଷାର୍ଥୀ କରୋନାରେ ଆକ୍ରାନ୍ତ ହୋଇଛନ୍ତି।
କରୋନାର ଦ୍ୱିତୀୟ ଲହରରେ ଲକ୍ଷେରୁ ଅଧିକ ଡାକ୍ତର ଏବଂ ମେଡ଼ିକାଲ ଷ୍ଟାଫ ଆକ୍ରାନ୍ତ ହୋଇଥିବାବେଳେ ସେମାନଙ୍କ ମଧ୍ୟରୁ ୨୦୦୦ ଜଣଙ୍କ ମୃତ୍ୟୁ ଘଟିଥିଲା।
