ନୂଆଦିଲ୍ଲୀ,୩୧।୩: ରବିବାର ରାଜଧାନୀ ଦିଲ୍ଲୀର ରାମଲିଲା ମଇଦାନରେ ବିରୋଧୀ ଦଳର ମେଗା ରାଲିରେ ରାହୁଲ ଗାନ୍ଧୀ ସମ୍ବୋଧିତ କରିଛନ୍ତି। ଏହି ସମୟରେ ସେ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହାତଗଣତି କୋଟିପତିଙ୍କ ସହାୟତାରେ ଲୋକ ସଭା ନିର୍ବାଚନର ମ୍ୟାଚ ଫିକ୍ସିଂ କରୁଛନ୍ତି। କେନ୍ଦ୍ର ସରକାରଙ୍କ ବିରୋଧରେ ଅଭିଯୋଗ କରି ସେ କହିଛନ୍ତି ଯେ ନିର୍ବାଚନ ଆରମ୍ଭ ହେବା ପୂର୍ବରୁ ଆଉ ଦୁଇ ଖେଳାଳି (ହେମନ୍ତ ସୋରେନ ଏବଂ ଅରବିନ୍ଦ କେଜରିୱାଲ) ମଧ୍ୟ ଗିରଫ ହୋଇଥିଲେ।
ରାହୁଲଙ୍କ ଭାଷଣ ପୂର୍ବରୁ ସୋନିଆ ଗାନ୍ଧୀ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ପତ୍ନୀ ସୁନୀତା କେଜରିୱାଲଙ୍କ ସହ ମଞ୍ଚ ଉପରେ ବସିଥିଲେ। ପୂର୍ବତନ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ପତ୍ନୀ କଳ୍ପନା ସୋରେନ ମଧ୍ୟ ତାଙ୍କ ସହ ଥିଲେ। ସୂଚନାଯୋଗ୍ୟ, ଉଭୟ ଅରବିନ୍ଦ କେଜରିୱାଲ ଏବଂ ହେମନ୍ତ ସୋରେନଙ୍କୁ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଗିରଫ କରିଛି। କେଜରିୱାଲଙ୍କ ଗିରଫଦାରୀକୁ ବିରୋଧ କରିବା ପାଇଁ ଏହି ମେଗା ରାଲି ଡକାଯାଇଥିଲା ଏବଂ ନିର୍ବାଚନ ପୂର୍ବରୁ ଏହା ଇଣ୍ଡିଆ ମେଣ୍ଟର ନେତାଙ୍କ ଏକ ବିଶାଳ ସାଧାରଣ ସଭା ଥିଲା।
ରାହୁଲ ଗାନ୍ଧୀ ଆହ୍ବାନ କହିଲେ, ‘ଏହା ଭୋଟ ପାଇଁ ନିର୍ବାଚନ ନୁହେଁ ବରଂ ସମ୍ବିଧାନ ଏବଂ ଗଣତନ୍ତ୍ରକୁ ବଞ୍ଚାଇବା ପାଇଁ ଏକ ସଂଗ୍ରାମ।’ କଂଗ୍ରେସର ବ୍ୟାଙ୍କ ଆକାଉଣ୍ଟଗୁଡିକ ‘ଫ୍ରିଜ’ ବିଷୟରେ ଉଲ୍ଲେଖ କରି ସେ କହିଛନ୍ତି, ‘ଯଦି ନ୍ୟାୟପୂର୍ଣ୍ଣ ଭାବେ ଭୋଟ ନ ଦେବେ, ତେବେ ମ୍ୟାଚ ଫିକ୍ସର୍ ଜିତିଯିବେ। ’ସେ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିରୋଧୀ ଦଳ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁନାହାଁନ୍ତି। ନିର୍ବାଚନ ପୂର୍ବରୁ ସେ ଦୁଇ ମୁଖ୍ୟମନ୍ତ୍ରୀଙ୍କୁ ଜେଲକୁ ପଠାଇଥିଲେ। ସେମାନେ ଆମର ସମସ୍ତ ଖାତା ଫ୍ରିଜ କରିଛନ୍ତ। ନିର୍ବାଚନ ପୂର୍ବରୁ ଆପଣ ଏହା କାହିଁକି କଲେବୋଲି ସେ ପ୍ରଶ୍ନ କରିଛନ୍ତି। ଆପଣ ଏମିତି କରି ପାରିବେ।
