ଆୟୁର୍ବେଦରେ ଅଶ୍ୱଗନ୍ଧାକୁ ଏକ ଶକ୍ତିଶାଳୀ ଔଷଧ ଭାବରେ ବିବେଚନା କରାଯାଏ। ଯାହାକୁ ସେବନ କଲେ ଅନେକ ରୋଗରୁ ଉପଶମ ମିଳିଥାଏ।କ ମୁଖ୍ୟତଃ ଯଦି ଆପଣ ଏହାକୁ ମହୁ ସହିତ ମିଶାଇ ଖାଆନ୍ତି, ତେବେ ଏହି ମିଶ୍ରଣ ଆପଣଙ୍କ ଶରୀର ପାଇଁ ସର୍ବୋତ୍ତମ। ଏଥିରୁ ଅନେକ ଲାଭ ମିଳିପାରିବ। ଜାଣନ୍ତୁ ଏ ସମ୍ପର୍କରେ…
ଚାପ ହ୍ରାସ ପାଇବ :
ଅଶ୍ୱଗନ୍ଧାରେ ପ୍ରାକୃତିକ ଆଡପ୍ଟୋଜେନ ଥାଏ, ଯାହା ଚିନ୍ତା ଏବଂ ଚାପକୁ ହ୍ରାସ କରେ।ଏହାକୁ ମହୁ ସହିତ ମିଶାଇ ସେବନ କଲେ ଅଧିକ ଲାଭଦାୟକ ହୋଇଥାଏ।
ପାଚନକ୍ରିୟା ଉନ୍ନତ କରେ:
ଅଶ୍ୱଗନ୍ଧା ଏବଂ ମହୁ ଉଭୟ ପାଚନ ପ୍ରକ୍ରିୟାକୁ ମଜବୁତ କରିବାରେ ସାହାଯ୍ୟ କରେ। ଏହା ଭୋକ ବଢ଼ାଇଥାଏ, ଗ୍ୟାସ୍ ଏବଂ ଏସିଡିଟି ହ୍ରାସ କରିଥାଏ।
ଭଦ ନିଦ ହୁଏ:
ଯଦି ଆପଣଙ୍କର ଅନିଦ୍ରା ଅଛି କିମ୍ବା ନିଦ ବାରମ୍ବାର ବାଧାପ୍ରାପ୍ତ ହେଉଛି, ତେବେ ରାତିରେ ଏହି ମିଶ୍ରଣ ସେବନ ଲାଭଦାୟକ ହୋଇଥାଏ। ଏହା ମନକୁ ଶାନ୍ତ କରେ ଏବଂ ଗଭୀର ନିଦ୍ରା ଆଣିବାରେ ସାହାଯ୍ୟ କରେ ବୋଲି ଆୟୁର୍ବେଦରେ ଉଲ୍ଲେଖ ରହିଛି।
ଥକ୍କାପଣ ଦୂର ହେବ:
ଦୁର୍ବଳତା, ଥକ୍କାପଣ କିମ୍ବା କମ୍ ଶକ୍ତି ଥିବା ଲୋକଙ୍କ ପାଇଁ ଏହି ମିଶ୍ରଣ ଅତ୍ୟନ୍ତ ଲାଭଦାୟକ। ଅଶ୍ୱଗନ୍ଧା ଷ୍ଟାମିନା ବା ଶକ୍ତି ବୃଦ୍ଧି କରିବାରେ ସାହାଯ୍ୟ କରେ, ଯେତେବେଳେ ମହୁ ସହିତ ମିଶାଇ ସେବନ କରାଯାଏ।
ରୋଗ ପ୍ରତିରୋଧକ ଶକ୍ତି ବୃଦ୍ଧି କରେ:
ଏହି ମିଶ୍ରଣ ଶରୀରର ରୋଗ ସହିତ ଲଢ଼ିବାର କ୍ଷମତା ବୃଦ୍ଧି କରେ। ଭାଇରାଲ, ଥଣ୍ଡା ଏବଂ କାଶ ଭଳି ସମସ୍ୟାରୁ ସୁରକ୍ଷା ମିଳିଥାଏ ଏବଂ ଶରୀର ଶୀଘ୍ର ସୁସ୍ଥ ହୁଏ।
ଏହାକୁ କେବେ ଏବଂ କିପରି ସେବନ କରିବେ ଜାଣନ୍ତୁ:
ରାତିରେ ଶୋଇବାର ୩୦ ମିନିଟ୍ ପୂର୍ବରୁ ଅଶ୍ୱଗନ୍ଧା ଏବଂ ମହୁ ସେବନ କରନ୍ତୁ। ଏହା ଆପଣଙ୍କୁ ଭଲ ଏବଂ ଗଭୀର ନିଦରେ ଶୋଇବାରେ ସାହାଯ୍ୟ କରିବ। ଏହାକୁ ଖାଇବା ପାଇଁ, ଗୋଟିଏ ଚାମଚ ଖାଣ୍ଟି ମହୁ ନିଅନ୍ତୁ, ଏଥିରେ କିଛି ଅଶ୍ୱଗନ୍ଧା ପାଉଡର ମିଶାନ୍ତୁ, ଏହାକୁ ଭଲ ଭାବରେ ମିଶାଇ ସେବନ କରନ୍ତୁ। କିଛି ଦିନ ମଧ୍ୟରେ ଆପଣଙ୍କର ଉପରୋକ୍ତ ସମସ୍ୟା ସବୁ ଦୂର ହେବ।
