ଚଣ୍ଡିଗଡ଼,୫।୧: ଢ଼ିଲା ସୁରକ୍ଷା ବ୍ୟବସ୍ଥା ଯୋଗୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର ପଞ୍ଜାବର ଏକ ଫ୍ଲାଏଓଭରରେ ୨୦ ମିନିିଟ୍ ଧରି ଫଶି ରହିଥିଲା। ଏହି ଘଟଣା ଉପରେ ସନ୍ଧ୍ୟାରେ ସ୍ପଷ୍ଟି କରଣ ଦେଇଛନ୍ତି ମୁଖ୍ୟମନ୍ତ୍ରୀ ଚରନଜିତ ସିଂ ଚନ୍ନି।
“ବିକ୍ଷୋଭ ସ୍ଥଳଠାରୁ କିଛି ଦୂରରେ ପ୍ରଧାନମନ୍ତ୍ରୀଙ୍କ କାରକୁ ରୋକା ଯାଇଥିଲା। ବିକ୍ଷୋଭସ୍ଥଳରୁ ଆନ୍ଦୋଳନକାରୀଙ୍କୁ ଘଉଡ଼ାବା ଲାଗି ୧୦ରୁ ୨୦ ମିନିଟ୍ ଲାଗେ। ଏ ସମ୍ପର୍କରେ ପୂର୍ବରୁ ପିଏମ୍କୁ ସୂଚନା ଦିଆଯାଇଥିଲା। ତାଙ୍କୁ ଅନ୍ୟ ବାଟ ବାଛିବାକୁ ପ୍ରସ୍ତାବ ଦେଇଥିଲୁ। ସୁରକ୍ଷା ବ୍ୟବସ୍ଥାରେ କୌଣସି ପ୍ରକାର ଅଭାବ ନ ଥିଲା। କୌଣସି ଆକ୍ରମଣ ହେବାର ପରିସ୍ଥିତି ମଧ୍ୟ ନ ଥିଲା ” ବୋଲି ମୁଖ୍ୟମନ୍ତ୍ରୀ ଚନ୍ନି ଏକ ଖବରଦାତା ସମ୍ମିଳନୀରେ କହିଛନ୍ତି।
ଆଜିର ଘଟଣା ପରେ କୌଣସି ଅଧିକାରୀଙ୍କୁ ସସ୍ପେଣ୍ଡ କରାଯିବ ନାହିଁ ବୋଲି ସ୍ପଷ୍ଟ କରିଛନ୍ତି ମୁଖ୍ୟମନ୍ତ୍ରୀ।
ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବା ପାଇଁ କାହିଁକି ବିମାନ ବନ୍ଦର ଗଲେ ନାହିଁ ? ଏହି ପ୍ରଶ୍ନର ଉତ୍ତର ଦେଇ ମୁଖ୍ୟମନ୍ତ୍ରୀ କହିଛନ୍ତି, ମୋତେ ଭଟିଣ୍ଡାରୁ ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବାର ଥିଲା। କିନ୍ତୁ ମୋ ସହ ଯେଉଁମାନେ ଥିଲେ, ସେମାନଙ୍କ ରିପୋର୍ଟ ପଜିଟିଭ ଆସିଥିଲା। ସଂକ୍ରମିତଙ୍କ ସିଧାସଳଖ ସଂସ୍ପର୍ଶରେ ଆସିଥିବାରୁ ମୁଁ ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବାକୁ ଯାଇ ନ ଥିଲି।
