ରିଷିଡା,୧୧।୧୦ (ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ରିଷିଡ଼ା ପାଣ୍ଡି ପୋଲିସର ମିଳିତ ଅପରେଶନ ସଫଳ ହୋଇଛି । ଗଜବାହାଲ ପଞ୍ଚାୟତ ଅନ୍ତର୍ଗତ ବଡ଼ଡୁଙ୍ଗୁରୀଗୁଡ଼ା ଗ୍ରାମଠାରେ ରାତିରେ ଜୁଆ ଖେଳୁ ଥିବା ବେଳେ ରିଷିଡା ପୋଲିସ ତିନିଜଣକୁ କାବୁ କରିଥିବା ବେଳେ ଅନେକ ଚମ୍ପଟ ମାରିଥିଲେ। କାବୁ ହୋଇଥିବା ତିନି ଜଣ ହେଲେ ଗ୍ରାମର କୈଳାସ ବାଗ, ପରମାନନ୍ଦ ଗହୀର ଓ ଗୋବିନ୍ଦ ଗହିର ବୋଲି ଜଣାପଡ଼ିଛି I ତାଙ୍କ ଠାରୁ ନଗଦ ୧୦୯୦ ଟଙ୍କା ପୋଲିସ ଜବତ କରିଛି । କେସ ନମ୍ବର ୨୫୫/୨୦୨୫ରେ ମାମଲା ରୁଜୁ ହୋଇଛି। ରିଷଡା ପାଣ୍ଡି ଅଧିକାରୀ ମନୁଆ ବିଡିକାଙ୍କ ସ୍ବତନ୍ତ୍ର ଟିମ ରାତିରେ ପାଟ୍ରୋଲିଂ କରୁଥିବା ସମୟରେ ଜୁଆ ଖେଳ ଉପରେ ଚଢାଇ କରିଥିଲା । ଏଥିରେ ପାଣ୍ଡି ଅଧିକାରୀଙ୍କ ସମତେ କନେଷ୍ଟେବଳ ସଞ୍ଜୀବ ସାହୁ, ସୁନୀଲ କୁମାର ବାଗ, ଅନନ୍ତ ଷଡ଼ଙ୍ଗୀ ଓ କୈଲାସ ପୁଟେଲ ପ୍ରମୁଖ ସାମିଲ ଥିଲେ।
