କୋକସରା,୧୬।୧: କୋକସରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଶନିବାର ୯୦ ଜଣ ଆଗ ଧାଡିର କୋଭିଡ ଯୋଦ୍ଧାଙ୍କୁ ଟିକା ଦେବାର ବ୍ୟବସ୍ଥା କରାଯାଇଥିଲା। ଏ ନେଇ କୋଭିଡ ଯୋଦ୍ଧାଙ୍କ ମଧ୍ୟରେ ଉତ୍ସୁକତା ଦେଖାଦେଇଥିଲା। ପ୍ରଥମେ ସଫେଇ କର୍ମଚାରୀ ଶିବ ନାଏକ ଟିକା ନେଇଥିଲେ। ଟିକାକରଣ ବେଳେ କୋକସରା ବିଡ଼ିଓ ମନୀଷା ଦାସ, ଥାନା ଅଧିକାରୀ ବାସୁଦେବ ଛତ୍ରିଆ, ସ୍ବାସ୍ଥ୍ୟ କେନ୍ଦ୍ର ଅଧିକାରୀ ଡାକ୍ତର ତତ୍ତ୍ୱଦର୍ଶୀ ଦାସ ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ପିଏଚ୍ଇଓ ଚିଦାନନ୍ଦ ପଣ୍ଡା, ବିପିଏମ୍ ଏମ୍. ରାଜଶେଖର, ବିପିିଏମ୍ ଚତୁର୍ଭୁଜ ତାଣ୍ଡି ପରିଚାଳନା କରିଥିଲେ। ଲକ୍ଷ୍ମୀପ୍ରିୟା ବଳ, ଶ୍ରାବଣୀ ବଚ୍ଛା ଟିକାକରଣ କରିଥିବା ବେଳେ ପର୍ଯ୍ୟବେକ୍ଷକ ଭାବେ ରଶ୍ମିତା ପଟ୍ଟନାୟକ ଓ ଗୀତାଞ୍ଜଳି ବାଗ ରହିଥିଲେ। ପାର୍ଶ୍ୱ ପ୍ରତିକ୍ରିୟା ପରିଚାଳନା ପାଇଁ ଡ. ମାନବେଶ ମହାପାତ୍ର, ଫାର୍ମାସିଷ୍ଟ ସୁଧୀର ଧ.ମାଝୀ ଉପସ୍ଥିତ ଥିଲେ।
