ତ୍ରିରଙ୍ଗା ଆମ ଗର୍ବ ଆଉ ଗୌରବର ପ୍ରତୀକ। ଫର୍ ଫର ହୋଇ ଉଡୁଥିବା ତ୍ରିରଙ୍ଗାକୁ ଦେଖିଦେଲେ ମନରେ ସାହସ ଓ ଦମ୍ଭ ଭରିଯାଏ । ତେବେ ଭାରତର ବିଭିନ୍ନ ସ୍ଥାନରେ ଉଡୁଛି ଏମିତି କିଛି ତ୍ରିରଙ୍ଗା, ଯାହାର ଆକାର ବେଶ୍ ବଡ଼ ଓ ତାହା ଉଡେ ବହୁ ଉଚ୍ଚରେ। ଆଉ ଏହି ତ୍ରିରଙ୍ଗା ସବୁକୁ ଦେଖିଦେଲେ ଦେହରେ ଶିହରଣ ଖେଳିଯିବ…
ଅଟାରି ବର୍ଡର ତ୍ରିରଙ୍ଗା- ଇଣ୍ଡୋ-ପାକ୍ ଅଟାରି ବର୍ଡର୍ରେ ଥିବା ଜାତୀୟ ପତାକାକୁ ଦେଖିଦେଲେ ଦେହରେ ଶିହରଣ ଖେଳିଯାଏ। ଏହି ପତାକା ଭାରତର ସବୁଠାରୁ ବଡ଼। ଏହାର ଫ୍ଲ୍ଳାଗ୍ ପୋଷ୍ଟ୍ର ଉଚ୍ଚତା ୧୧୦ ମିଟର ବା ୩୬୦ ଫୁଟ୍ ହୋଇଥିବାବେଳେ ପତାକାର ଲମ୍ବ ୧୨୦ ଫୁଟ୍ ଓ ଓସାର ୮୦ ଫୁଟ୍ । ଏହାର ଫ୍ଲାଗ ପୋଷ୍ଟ୍ର ଓଜନ ୫୫ ଟନ୍। ଏଥିରେ ପ୍ରାୟ ୩.୫୦ କୋଟି ଟଙ୍କା ଖର୍ଚ୍ଚ ହୋଇଛି।
ବେଲଗାମ୍ସ୍ଥ ତ୍ରିରଙ୍ଗା- କର୍ନାଟକର ବେଲଗାମ୍ ପରିଚିତ ବେଲଗଭି ଭାବେ। ଏଠାରେ ଥିବା ଜାତୀୟ ପତାକାର ଉଚ୍ଚତା ଅଟାରି ବର୍ଡରରେ ଥିବା ପତାକାଠାରୁ ୧ ଫୁଟ୍ ଅଧିକ, ଅର୍ଥାତ୍ ଏହାର ଫ୍ଲାଗ୍ ପୋଷ୍ଟର ଉଚ୍ଚତା ୩୬୧ ଫୁଟ୍। ତେଣୁ ଏହା ଭାରତର ସବୁଠୁ ଉଚ୍ଚ ପତାକା ଭାବେ ପରିଚିତ। ଏହା କୋଟେକେରେ ହ୍ରଦ ନିକଟରେ ଅଛି।
କୋହ୍ଲାପୁରସ୍ଥ ତ୍ରିରଙ୍ଗା- ୨୦୧୭, ୧ ମେ’ରେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିସ୍ କୋହ୍ଲାପୁରସ୍ଥ ୩୦୩ ଫୁଟ୍ ଉଚ୍ଚତା ବିଶିଷ୍ଟ ତ୍ରିରଙ୍ଗାର ଉନ୍ମୋଚନ କରିଥିଲେ। ଏହାକୁ ମଧ୍ୟ ଭାରତର ଉଚ୍ଚତମ ଜାତୀୟ ପତାକା ମଧ୍ୟରେ ଗ୍ରହଣ କରାଯାଏ।
ରାଞ୍ଚତ୍ସ୍ଥ ତ୍ରିରଙ୍ଗା- ଭାରତର କିଛି ଉଚ୍ଚତମ ତ୍ରିରଙ୍ଗା ମଧ୍ୟରେ ରାଞ୍ଚତ୍ସ୍ଥ ପାହାଡି ମନ୍ଦିରରେ ଥିବା ତ୍ରିରଙ୍ଗା ଅନ୍ୟତମ। ଏହାର ଉଚ୍ଚତା ୨୯୩ ଫୁଟ୍ ।
ଗୁଆହାଟୀସ୍ଥ ତ୍ରିରଙ୍ଗା- ଜାତିର ପିତା ମହାତ୍ମା ଗାନ୍ଧୀଙ୍କ ୧୫୦ତମ ଜନ୍ମବାର୍ଷିକୀରେ ଗୁଆହାଟୀର ଗାନ୍ଧୀ ମଣ୍ଡପରେ ୩୧୯.୫ ଫୁଟ୍ ଉଚ୍ଚତାବିଶିଷ୍ଟ ଜାତୀୟ ପତାକା ଉନ୍ମୋଚନ କରାଯାଇଥିଲା। ଏହା ହେଉଛି ଉତ୍ତରଭାରତର ସବୁଠାରୁ ଉଚ୍ଚା ଜାତୀୟ ପତାକା ।
ଓଡ଼ିଶାର ସବୁଠାରୁ ବଡ଼ ଓ ଉଚ୍ଚା ତ୍ରିରଙ୍ଗା- ଓଡ଼ିଶାର ସବୁଠାରୁ ବଡ଼ ତ୍ରିରଙ୍ଗା ଭାରତର ୭୦ତମ ସ୍ବାଧୀନତା ଦିବସ ଅବସରରେ ଉନ୍ମୋଚନ କରାଯାଇଥିଲା। ୨୧୫ ଫୁଟ୍ ଉଚ୍ଚତାରେ ଉଡୁଥିବା ଏହି ତ୍ରରଙ୍ଗା ଓଡ଼ିଶା ହାଇକୋର୍ଟ, କଟକରେ ଅଛି। ପତାକାର ଲମ୍ବ ୭୫ ଫୁଟ୍ ହୋଇଥିବାବେଳେ ଓସାର ୪୮ ଫୁଟ୍।
ଭକ୍ତି ଶକ୍ତିସ୍ଥ ତ୍ରିରଙ୍ଗା- ପିମ୍ପରି ଚିଞ୍ଚଓ୍ବାଡାର ଉପନଗର ନିକଟସ୍ଥ ଭକ୍ତି ଶକ୍ତି ଗାର୍ଡେନରେ ଉଡୁଛି ୩୫୧ ଫୁଟ୍ ଉଚ୍ଚତାର ତ୍ରିରଙ୍ଗା।
