ଭବାନୀପାଟଣା,୧୩ା୭(ଡି.ଏନ୍.ଏ.)-ଭବାନୀପାଟଣା ପୌରାଞ୍ଚଳର ୧୦ ନମ୍ବର ୱାର୍ଡ ଅଧୀନ ଅର୍କାବାହାଲିପଡ଼ା ଛକରେ ସୋମବାର ଏକ ହତ୍ୟାକାଣ୍ଡ ଘଟିଛି ା ସାମାନ୍ୟ ବଚସାକୁ କେନ୍ଦ୍ରକରି ଜଣେ ବ୍ୟକ୍ତି ରିକ୍ସା ଚାଳକଙ୍କ ଗଳାକାଟି ହତ୍ୟା କରିଛନ୍ତି ା ମୃତକ ହେଲେ ବଡ଼ପଡ଼ାର ତିଲ ବାଗ୍(୫୬) ା ପୋଲିସ ମୃତଦେହ ଜବତକରି ବ୍ୟବଚ୍ଛେଦ ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି ା ସ୍ପଷ୍ଟ ଦିବାଲୋକରେ ଜଣେ ରିକ୍ସା ଚାଳକଙ୍କୁ ଜନଗହଳିପୂର୍ଣ୍ଣ ରାସ୍ତା ଉପରେ ହତ୍ୟା କରାଯିବା ଘଟଣା ସହରରେ ଆତଙ୍କ ସୃଷ୍ଟି କରିଛି। ପୋଲିସ ଏହି ଘଟଣାରେ ଅର୍କାବାହାଲିପଡ଼ାର ପୂର୍ଣ୍ଣ ମେହେରଙ୍କୁ ଥାନାରେ ଅଟକ ରଖି ପଚରାଉଚୁରା କରୁଛି ା ତେବେ କେଉଁ କାରଣକୁ କେନ୍ଦ୍ରକରି ଏପରି ଦୁଃଖଦ ଘଟଣା ଘଟିଥିଲା ତାହା ସ୍ପଷ୍ଟ ହୋଇନାହିଁ ା
ମିଳିଥିବା ସୂଚନା ଅନୁଯାୟୀ, ସୋମବାର ସକାଳ ପ୍ରାୟ ୧୦ଟାରେ ତିଲ ନିଜ ରିକ୍ସା ନେଇ ଅର୍କାବାହାଲିପଡ଼ା ଛକରେ ଭଡ଼ା ଅପେକ୍ଷାରେ ଥିଲେ ା ଏହି ସମୟରେ ପୂର୍ଣ୍ଣ ସେଠାରେ ପହଞ୍ଚତ୍ଥିଲେ ା କୌଣସି କଥାକୁ କେନ୍ଦ୍ରକରି ତିଲ ଓ ପୂର୍ଣ୍ଣଙ୍କ ମଧ୍ୟରେ ସାମାନ୍ୟ ପାଟିତୁଣ୍ଡ ହୋଇଥିଲା ା ଏହାପରେ ପୂର୍ଣ୍ଣ ହଠାତ୍ ଏକ ଖୁର ବାହାରକରି ତିଲଙ୍କ ଗଳାକୁ କାଟିଦେଇ ସେଠାରୁ ଫେରାର ହୋଇଯାଇଥିଲେ ା ଘଟଣାସ୍ଥଳରେ ହିଁ ତିଲଙ୍କର ମୃତ୍ୟୁ ଘଟିଥିଲା ା ଖବରପାଇ ଭବାନୀପାଟଣା ଟାଉନ ଥାନା ଆଇଆଇସି ସତ୍ୟ ନନ୍ଦ ଓ ଅନ୍ୟ ପୋଲିସ ଅଧିକାରୀମାନେ ସେଠାରେ ପହଞ୍ଚତ୍ ତିଲଙ୍କ ମୃତଦେହ ଜବତକରି ବ୍ୟବଚ୍ଛେଦ ପାଇଁ ପଠାଇଥିଲେ ା ଏହାପରେ ପୂର୍ଣ୍ଣଙ୍କୁ କାବୁକରି ଥାନାକୁ ନେଇଥିଲେ ା ଥାନାରେ ପୋଲିସ ପୂର୍ଣ୍ଣଙ୍କୁ ପଚରାଉଚୁରା କରୁଛି ା ଖୁବ୍ ଶୀଘ୍ର ଏହି ଘଟଣାର ପର୍ଦ୍ଦାଫାଶ ହେବ ବୋଲି ଆଇଆଇସି ନନ୍ଦ କହିଛନ୍ତି ା
