ଗ୍ରୀଷ୍ମ ଆରମ୍ଭରୁ ପାନୀୟଜଳ ସମସ୍ୟା ଉତ୍କଟ

ନୟାଗଡ଼ ଅଫିସ,୧୬।୨: ମହାନଦୀରୁ ପାଣି ଆସୁଥିଲେ ମଧ୍ୟ ନୟାଗଡ଼ ସହରବାସୀଙ୍କ ଶୋଷ ମେଣ୍ଟାଇ ପାରୁନାହିଁ। ବରଂ ଗ୍ରୀଷ୍ମ ଋତୁର ଆରମ୍ଭରୁ ପାନୀୟ ଜଳ ସମସ୍ୟା ଉତ୍କଟ ହେବାରେ ଲାଗିଲାଣି। ଗ୍ରୀଷ୍ମ ଋତୁ ଆରମ୍ଭରୁ ସହରବାସୀ ଠିକ୍‌ରେ ପାଣି ପାଉ ନ ଥିବା ଅଭିଯୋଗ ହେଉଛି। ଆଗକୁ ଅବସ୍ଥା ଭୟଙ୍କର ହେବ ବୋଲି ସହରବସୀ ଆଶଙ୍କା ପ୍ରକାଶ କରୁଛନ୍ତି। ନୟାଗଡ଼ ଏନ୍‌ଏସି ପଦୋନ୍ନତି ପାଇ ମ୍ୟୁନସିପାଲିଟି ହେଲା। ହେଲେ ନୟାଗଡ଼ ସହରରୁ ପାନୀୟଜଳ ସମସ୍ୟା ଦୂର ହୋଇପାରିଲାନାହିଁ। ସହରର ସବୁ ୱାର୍ଡରେ ପାଇପଲାଇନ୍‌ ନାହିଁ। ପୁରୁଣା ଏନ୍‌ଏସି ଅଞ୍ଚଳରେ ଥିବା ପାଇପଲାଇନ୍‌ରେ ଦିନକୁ ଥରେ ପୁଣି ପୂର୍ବାହ୍ନରେ ପାଣି ଆସିଥାଏ। ଏହି ପାଣି କେତେବେଳେ ଆସେ ଲୋକମାନେ ସାଧାରଣତଃ ଜାଣି ପାରି ନ ଥାନ୍ତି। ପାଣି ଯୋଗାଣର ସମୟ ନିଘର୍ର୍ଣ୍ଟ କରାଯାଉନାହିଁ। ଫଳରେ ସହରବାସୀ ପାଣି ରଖିବା, ସକାଳର ନିତ୍ୟକର୍ମ ପାଇଁ ପାଣି ନ ପାଇ ହଟହଟା ହୋଇ ଆସୁଛନ୍ତି। ଏପରି କି ଦିନେ ଦିନେ ପାଣି ଆଦୌ ଆସୁନାହିଁ।

ବାରମ୍ବାର ପାଣି ମୋଟର ଅଚଳ
କଣ୍ଟିଲୋ ମହାନଦୀଠାରେ ନୟାଗଡ଼ ସହରକୁ ଯୋଗାଣ ହେଉଥିବା ପାନୀୟଜଳ ପାଇଁ ୩ଟି ପାଣି ମୋଟର ଲାଗିଛି। ଏଥିରୁ ୨ଟି ସଚଳ ଥିଲେ ପାଣି ଯୋଗାଣରେ ଅସୁବିଧା ହୁଅନ୍ତା ନାହିଁ। ତେବେ ମୋଟରଗୁଡିକ ପୁରୁଣା ହୋଇଯିବାରୁ ଅଧିକାଂଶ ସମୟ ଅଚଳ ହୋଇଯାଉଛି। ପୁଣି ଏହାର କାରିଗର କୋଲକତାରୁ ଆସିବାକୁ ପଡୁଛି। ନୂଆ ପାଣି ମୋଟର ଲଗାଇଲେ ସମସ୍ୟା ସୁଧୁରି ଯାଅନ୍ତା ବୋଲି କୁହାଯାଉଛି। ହେଲେ ନୂଆ ମୋଟର ମଧ୍ୟ ଠିକ୍‌ରେ ମିଳୁନି। ଏବେ ୩ଟି ମୋଟରରୁ ୨ଟି ଅଚଳ ହୋଇଯିବାରୁ ପୁଣି ପାଣି ସମସ୍ୟା ଉତ୍କଟ ହୋଇଛି ।

ମୋଟର ଶୋଷୁଛି ପାଣି
ନୟାଗଡ଼ ସହର ପାଇଁ ୪୫ ଲକ୍ଷ ଲିଟର ପାଣି ଆବଶ୍ୟକ। ହେଲେ ୩୦ ଲକ୍ଷ ଲିଟର ପାନୀୟଜଳ ପାଇପ ଯୋଗେ ଆସୁଛି। ଦିନକୁ ଥରେ ଯୋଗାଣ ହେଉଥିବା ପାଣି ସମସ୍ତଙ୍କ ଘରେ ପହଞ୍ଚୁନି। ଉପର ମୁଣ୍ଡରେ ଥିବା ପରିବାର ମୋଟର ଲଗାଇ ପାଣିକୁ ଶୋଷି ନେଉଛନ୍ତି। ବୁଝିବାରେ ଜଣାପଡିଛି, ପ୍ରାୟ ୮୭ ପ୍ରତିଶତ ଲୋକଙ୍କ ଘରେ ପାଣି ମୋଟର ଲାଗିଛି। ଆବଶ୍ୟକତାଠାରୁ ଅଧିକ ପାଣି ସ୍ବଳ୍ପ ସମୟ ମଧ୍ୟରେ ସଂଗ୍ରହ କରାଯାଇ ଷ୍ଟକ କରି ଲୋକେ ରଖୁଛନ୍ତି। ପୁଣି ପାଣିକୁ ବିଭିନ୍ନ ସମୟରେ ଅପଚୟ କରୁଥିବା ଦେଖାଯାଉଛି। ଏଣୁ ମୋଟର ନ ଥିବା ଗ୍ରାହକମାନେ ପାଣି ନ ପାଇ ହଟହଟା ହେଉଛନ୍ତି। ବେଆଇନ ପାଣି ମୋଟର ବ୍ୟବହାର ନେଇ ଜନସ୍ବାସ୍ଥ୍ୟ ବିଭାଗ ପକ୍ଷରୁ ସଚେତନତା କି ଚଢ଼ାଉ ନାହିଁ। ଏଣୁ ସହରରେ କୁତ୍ରିମ ପାନୀୟ ଜଳ ସଙ୍କଟ ଦେଖାଦେଇଛି।

ମେଗା ପ୍ରକଳ୍ପର କାର୍ଯ୍ୟ ତ୍ୱରାନ୍ବିତ ହେଉନି
ପାନୀୟଜଳ ସ୍ଥିତିରେ ସୁଧାର ଆଣିବାକୁ ୫୨ କୋଟି ଟଙ୍କାର ମେଗା ପ୍ରକଳ୍ପର କାର୍ଯ୍ୟ ଚାଲୁ ରହିଛି। ଏଯାବତ ନୟାଗଡ଼ ସହର ଭିତରେ ପାଇପ ପକା ଶେଷ ହୋଇନାହିଁ। କାର୍ଯ୍ୟ ଧୀମେଇ ଚାଲିଥିବାରୁ ୨୦୨୩ ଶେଷ ସୁଦ୍ଧା ପାନୀୟ ଜଳ ଘରେ ଘରେ ପହଞ୍ଚତ୍ବାର ଆଶା ଦେଖାଯାଉନି। ୨୦୨୪ରେ ମେଗା ପ୍ରକଳ୍ପରୁ ପାନୀୟ ଜଳ ଯୋଗାଣ ଘରକୁ ଘର ହୋଇପାରେ। ଅନ୍ୟପକ୍ଷେ ପାନୀୟ ଜଳ ପାଇଁ ବିଦ୍ୟୁତ୍‌ ବାଧକ ସାଜୁଛି। ଲୋଡ଼ ଅଧିକ, ବର୍ଷା ପବନ ହେଲେ ବାରମ୍ବାର ବିଦ୍ୟୁତ୍‌ ବିଭ୍ରାଟ ଦେଖାଦେଉଛି। ମେଗା ପ୍ରକଳ୍ପରେ ମଧ୍ୟ ସେଇ ଏକା ଅବସ୍ଥା ରହିବ ବୋଲି କୁହାଯାଉଛି।

ଜନସ୍ବାସ୍ଥ୍ୟ ଡିଭିଜନ କାର୍ଯ୍ୟାଳୟ ଦାବି
ପୁରୀ ଜିଲାରୁ ଅଲଗା ହେବା ପରେ ନୟାଗଡ଼ ଜିଲାରେ ବିଭିନ୍ନ କାର୍ଯ୍ୟାଳୟର ମୁଖ୍ୟ କାର୍ଯ୍ୟାଳୟ ଖୋଲି ସାରିଲାଣି। ତେବେ ଜନସ୍ବାସ୍ଥ୍ୟ କ୍ଷେତ୍ରରେ ନୟାଗଡ଼ ଅବହେଳିତ ଓ ଉପେକ୍ଷିତ ହୋଇଛି। ପୁରୀ ଜିଲାରୁ ପୃଥକ୍‌ ହେବା ପରେ ନୟାଗଡ଼, ରଣପୁର, ଖଣ୍ଡପଡ଼ା, ଦଶପଲ୍ଲା, ଓଡ଼ଗଁା ସହର ଭୁବନେଶ୍ୱର ଜନସ୍ବାସ୍ଥ୍ୟ ଡିଭିଜନକୁ ଚାଲି ଯାଇଛି। ନୟାଗଡ଼ରେ ଜନସ୍ବାସ୍ଥ୍ୟ ଡିଭିଜନ ଖୋଲିଲେ ପାଣି ସମସ୍ୟାରେ ଅସୁବିଧା ହେବନି ବୋଲି କୁହାଯାଉଛି। ଏଣୁ ଜିଲାବାସୀଙ୍କ ପକ୍ଷରୁ ନୟାଗଡ଼ରେ ଜନସ୍ବାସ୍ଥ୍ୟ ଡିଭିଜନ କାର୍ଯ୍ୟାଳୟ ପାଇଁ ଦାବି ଉଠିଛି। ନୟାଗଡ଼ ଜନସ୍ବାସ୍ଥ୍ୟ ସବ୍‌ଡିଭଜନ କାର୍ଯ୍ୟାଳୟର ସହକାରୀ ନିର୍ବାହୀ ଯନ୍ତ୍ରୀ ଦୁର୍ଯ୍ୟୋଧନ ସାହୁଙ୍କୁ ପଚାରିବାରେ ବାରମ୍ବାର ବିଦ୍ୟୁତ୍‌ ସମସ୍ୟା ଦେଖାଦେଉଛି। ଅନ୍ୟପକ୍ଷେ ପାଣି ମୋଟରଗୁଡିକ ପୁରୁଣା ଯୋଗୁ ବାରମ୍ବାର ଅଚଳ ହୋଇ କାମ ମାଗୁଛି। ନୂଆ ମୋଟର ମିଳୁ ନ ଥିବାବେଳେ ପୁରୁଣାକୁ ସଜାଡି କାମ ଚଳାଉଛି। ମେକାନିକ ମିଳୁ ନ ଥିବାରୁ ପାଣି ସମସ୍ୟା ଉତ୍କଟ ହେଉଛି। ନୂଆ ମେଗା ପ୍ରକଳ୍ପର କାର୍ଯ୍ୟ ୬୦ ପ୍ରତିଶତ ଶେଷ ହୋଇଗଲାଣି। ଡିସେମ୍ବର ସୁଦ୍ଧା ଅବଶିଷ୍ଟ କାର୍ଯ୍ୟ ଶେଷ ହେବ। ଏଣୁ ନୟାଗଡ଼ ସହରରେ ଡିସେମ୍ବର ସୁଦ୍ଧା ନୂଆ ପ୍ରକଳ୍ପରୁ ପାଣି ଯୋଗାଣ ହେବା ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?