ନୂଆଦିଲ୍ଲୀ,୨୧।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଦିଲ୍ଲୀର ରାମ ମନୋହର ଲୋହିଆ ହସ୍ପିଟାଲ (ଆରଏମଏଲ) ପରିଦର୍ଶନ କରିଛନ୍ତି। ଦେଶରେ ୧ ବିଲିୟନରୁ ଅଧିକ ଡୋଜ ଆଣ୍ଟି-କରୋନା ଟିକା ଦିଆଯିବା ଅବସରରେ ପ୍ରଧାନମନ୍ତ୍ରୀ ଡାକ୍ତରଖାନାର ଅଧିକାରୀ ଏବଂ କର୍ମଚାରୀଙ୍କ ସହ କଥା ହୋଇଥିଲେ। ଏହି ସମୟରେ ପ୍ରଧାନମନ୍ତ୍ରୀ ଟିକା ଦେଉଥିବା ନର୍ସ କ୍ରିଷ୍ଟିନାଙ୍କ ସହ କଥା ହୋଇଥିଲେ। ସେ ବର୍ତ୍ତମାନ ପର୍ଯ୍ୟନ୍ତ କେତେ ଲୋକଙ୍କୁ ଟିକାକରଣ କରିଛନ୍ତି ପଚାରିଥିଲେ ମୋଦି। ଏହାର ଜବାବରେ ସେ ପ୍ରାୟ ୧୫,୦୦୦ ଲୋକଙ୍କୁ ଟିକାକରଣ କରିଛନ୍ତି ବୋଲି କ୍ରିଷ୍ଟିନା କହିଥିଲେ। ଏହା ଉପରେ ପ୍ରଧାନମନ୍ତ୍ରୀ ତାଙ୍କୁ ଯେ କିଛି ଲୋକ ଟିକା ଫୋଡା ଯିବା ସମୟରେ ପାଟି କରିଥିବେ ନିଶ୍ଚୟ। କ୍ରିଷ୍ଟିନା କହିଛନ୍ତି ହଁ, କିଛି ଲୋକ ଭୟଭୀତ ଥିଲେ କିନ୍ତୁ ଲୋକମାନେ ସହଯୋଗ କରନ୍ତି। ନର୍ସଙ୍କ ସହ ବାର୍ତ୍ତାଳାପ ପରେ ପ୍ରଧାନମନ୍ତ୍ରୀ ମଧ୍ୟ ତାଙ୍କୁ ଆଶୀର୍ବାଦ ଦେଇଥିଲେ।ପ୍ରଧାନମନ୍ତ୍ରୀ ଆରଏମଏଲରେ ଥିବା ଡାକ୍ତରଖାନା କର୍ତ୍ତୃପକ୍ଷଙ୍କ ସହ କଥାବାର୍ତ୍ତା କରିଥିଲେ। ଏହି ସମୟରେ ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିଆ ମଧ୍ୟ ତାଙ୍କ ସହ ଉପସ୍ଥିତ ଥିଲେ। ଟିକାକରଣ ଅଭିଯାନକୁ ନେଇ ପ୍ରଧାନମନ୍ତ୍ରୀ ସ୍ବାସ୍ଥ୍ୟ କର୍ମୀଙ୍କୁ ସର୍ବଦା ପ୍ରଶଂସା କରୁଛନ୍ତି।
ଦେଶରେ ଟିକାକରଣ ଅଭିଯାନ ଜାନୁଆରୀ ୧୬ରୁ ଆରମ୍ଭ ହୋଇଥିଲା ଏବଂ ଏହାର ପ୍ରଥମ ପର୍ଯ୍ୟାୟରେ ସ୍ବାସ୍ଥ୍ୟ କର୍ମୀଙ୍କୁ ଟିକାକରଣ କରାଯାଇଥିଲା। ଦେଶରେ ୪୫ ବର୍ଷରୁ ଅଧିକ ବୟସର ସମସ୍ତ ଲୋକଙ୍କୁ ଟିକାକରଣ ଏପ୍ରିଲ ୧ରୁ ଆରମ୍ଭ ହୋଇଥିଲା ଏବଂ ୧୮ ବର୍ଷରୁ ଅଧିକ ବୟସର ସମସ୍ତ ଲୋକଙ୍କୁ ଟିକାକରଣ ମେ ୧ରୁ ଆରମ୍ଭ ହୋଇଥିଲା।
