ଝାରସୁଗୁଡ଼ା ଅଫିସ,୭ା୪: ଝାରସୁଗୁଡ଼ା ବୀର ସୁରେନ୍ଦ୍ର ସାଏ (ଭିଏସ୍ଏସ୍) ବିମାନ ବନ୍ଦରରୁ ପର୍ଯ୍ୟାୟକ୍ରମେ ଦେଶର ପ୍ରମୁଖ ସହର ଦିଲ୍ଲୀ, ବେଙ୍ଗାଲୁରୁ, ଚେନ୍ନାଇ, କଲିକତା, ହାଇଦ୍ରାବାଦ୍, ରାୟପୁର ଆଦିକୁ ଆକାଶମାର୍ଗରେ ସଂଯୋଗୀକରଣ ହୋଇସାରିଛି। ଏଥିରେ ଆଉ ଏକ ସହର ଯୋଡି ହୋଇଛି ା ବିମାନ ବନ୍ଦର ନିର୍ଦ୍ଦେଶକ କିଶୋର କୁମାର ସେନାପତି ଜଣାଇଛନ୍ତି, ଆସନ୍ତା ମେ ୧ତାରିଖରୁ ଭିଏସ୍ଏସ୍ ବିମାନ ବନ୍ଦରରୁ ଭାୟା ପାଟନା ଦେଇ ଗୁଆହାଟିକୁ ବିମାନ ଉଡିବ। ଏହି ବିମାନ ପ୍ରତିଦିନ ଚାଲିବ। ଏହା ୭୮ସିଟେଡ୍ ବିଶିଷ୍ଟ। ଏହି ବିମାନ ଅପରାହ୍ନ ୪ଟା୨୦ରେ ଅବତରଣ ଓ ୪ଟା୫୦ରେ ଉଡାଣ କରିବ ବୋଲି ନିର୍ଦ୍ଦେଶକ ସୂଚନା ଦେଇଛନ୍ତି।
