କୋଟା, ୧୭।୫:ରାଜସ୍ଥାନର କୋଟାରେ ଗୁରୁବାର ଏକ ବନ୍ଦ କାର୍ରେ ଜଣେ ୩ ବର୍ଷୀୟା ଝିଅର ଶ୍ୱାସରୁଦ୍ଧ ହୋଇ ମୃତ୍ୟୁ ଘଟିଛି। ସ୍ଥାନୀୟ ବାସିନ୍ଦା ପ୍ରଦୀପ ନାଗର ୨ ଝିଅ ଓ ସ୍ତ୍ରୀଙ୍କ ସହ ଏକ ବିବାହ ଉତ୍ସବକୁ ଯାଇଥିଲେ। ସେଠାରେ ପହଞ୍ଚିବା ପରେ ପ୍ରଥମେ ପ୍ରଦୀପଙ୍କ ବଡ଼ଝିଅ ଓ ସ୍ତ୍ରୀ କାର୍ରୁ ବାହାରି ଯାଇଥିଲେ। ପ୍ରଦୀପ କାର୍ ପାର୍କ କରି ସାନଝିଅ ଗୋର୍ବିକା(୩)କୁ କାର୍ ମଧ୍ୟରେ ଲକ୍ କରି ବିବାହ ଉତ୍ସବରେ ସାମିଲ ହୋଇଥିଲେ। ପ୍ରାୟ ୨ ଘଣ୍ଟା ପରେ ସାନଝିଅ ସାଥିରେ ନ ଥିବା ଜାଣିପାରି ସେମାନେ ଖୋଜାଖୋଜି କରିଥିଲେ। ଝିଅକୁ ନ ପାଇବାରୁ କାର୍ ନିକଟକୁ ଯାଇ ବେହୋସ ଅବସ୍ଥାରେ ଉଦ୍ଧାର କରି ମେଡିକାଲକୁ ନେଇଥିବାବେଳେ ଡାକ୍ତର ମୃତ ଘୋଷଣା କରିଥିଲେ। ସ୍ତ୍ରୀଙ୍କ ସହ ୨ ଝିଅ ଚାଲିଯାଇଥିବା ଭାବି ସେ କାର୍ ଲକ୍ କରିଥିଲେ ବୋଲି ପୋଲିସ ସମ୍ମୁଖରେ ପ୍ରଦୀପ କହିଛନ୍ତି।
