ସାରା ଦେଶରେ ପେଟ୍ରୋଲ ଏବଂ ଡିଜେଲ ଦର ଦିନକୁ ଦିନ ଅହେତୁକ ଭାବେ ବୃଦ୍ଧି ପାଉଛି। ଏଭଳି ପରିସ୍ଥିତିରେ ଯାନବାହନରେ ମୁଦ୍ରାସ୍ଫୀତିର ପ୍ରଭାବ ଦେଖାଯିବା ସହିତ ସାଧାରଣ ଜନତାଙ୍କ ପକେଟ୍ ବି ଖାଲି ହୋଇଯାଉଛି। ପେଟ୍ରୋଲ ଏବଂ ଡିଜେଲ ସମ୍ବନ୍ଧୀୟ ଖବର ପ୍ରତିଦିନ ସୋସିଆଲ ମିଡିଆରେ ମୁଖ୍ୟ ପ୍ରସଙ୍ଗ ପାଲଟୁଛି। ଏହା ବେଳେବେଳେ ସାଧାରଣ ଲୋକଙ୍କ ମୁଣ୍ଡବ୍ୟଥାର କାରଣ ହୋଇଥାଏ। ଏହି ମୁଦ୍ରାସ୍ଫୀତି ମଧ୍ୟରେ ଜଣେ ପେଟ୍ରୋଲ ପମ୍ପର ମାଲିକ ତେଲ ଦେବା ପୂର୍ବରୁ ଗ୍ରାହକଙ୍କ ସାମ୍ନାରେ ଏକ ଅଜବ ସର୍ତ୍ତ ରଖିଛନ୍ତି।
ମହାରାଷ୍ଟ୍ରର ନାଗପୁର ଜିଲାର ଏକ ପେଟ୍ରୋଲ ପମ୍ପର ମାଲିକ ତେଲ ନେବାକୁ ଆସୁଥିବା ଗ୍ରାହକମାନଙ୍କୁ ୫୦ ଟଙ୍କାରୁ କମ୍ ତେଲ ଦେବାକୁ ମନା କରିଦେଇଛନ୍ତି। ମାଲିକ କୁହନ୍ତି, ଅଧିକାଂଶ ଲୋକ ୨୦-୩୦ ଟଙ୍କାର ବି ତେଲ ପକାଇଥାନ୍ତି। ଫଳରେ ଟାଙ୍କିରେ ଥିବା ମେଶିନଗୁଡ଼ିକ ବହୁତ ଦ୍ରୁତ ଗତିରେ ଚଲାଇବାକୁ ପଡ଼େ। ଯେତେବେଳେ କର୍ମଚାରୀ ପାଇପ୍ ଉଠାଇଥାନ୍ତି,ସେହି ସମୟରେ ହିଁ ୨୦-୩୦ ମୂଲ୍ୟର ପେଟ୍ରୋଲ ସମ୍ପୂର୍ଣ୍ଣ ହୋଇଯାଏ। କିନ୍ତୁ ଲୋକେ ପରେ ତେଲ ପଡୁନାହିଁ ବୋଲି ଝଗଡ଼ା କରିଥାନ୍ତି। ତେଣୁ ଆମେ ବିଦ୍ୟୁତ୍ ସଞ୍ଚୟ ଏବଂ ଝଗଡ଼ା କମାଇବା ପାଇଁ ଏପରି ନିଷ୍ପତ୍ତି ନେଇଛୁ। ପମ୍ପ ମାଲିକଙ୍କ ପକ୍ଷରୁ ଏନେଇ ଏକ ପୋଷ୍ଟର ମଧ୍ୟ ଲଗାଯାଇଛି, ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି।
