ନୋଭା କାଖୋଭ୍‌କା ଡ୍ୟାମ୍‌ ଭୁଶୁଡ଼ିଲା

ମସ୍କୋ/କିଭ୍‌,୭ା୬: ଦକ୍ଷିଣ ୟୁକ୍ରେନ୍‌ ଓ ରୁଷିଆ ମଝିରେ ଥିବା ଏକ ବୃହତ୍‌ ଡ୍ୟାମ୍‌କୁ ମଙ୍ଗଳବାର ଟାର୍ଗେଟ କରାଯାଇଛି। ଫଳରେ ଏହାର ଏକ ବଡ଼ ଅଂଶ ଭୁଶୁଡ଼ିପଡ଼ିଛି। ଏଥିଯୋଗୁ ଦୁଇଦେଶର ସୀମାରେ ବନ୍ୟା ସ୍ଥିତି ଉପୁଜିବାରୁ ଖେରସନ ଅଞ୍ଚଳ ଅଧୀନ ୧୪ ଗ୍ରାମର ୨୨,୦୦୦ ଲୋକ ସୁରକ୍ଷିତ ସ୍ଥାନକୁ ପଳାୟନ କରିବାକୁ ବାଧ୍ୟ ହୋଇଛନ୍ତି। ଡ୍ୟାମ୍‌ ଭୁଶୁଡ଼ିବା ପରେ ରୁଷିଆ ଓ ୟୁକ୍ରେନ୍‌ ପରସ୍ପରକୁ ଦାୟୀ କରିଛନ୍ତି। ସୋଭିଏଟ୍‌ ଅମଳର ବିଶାଳକାୟ ନୋଭା କାଖୋଭ୍‌କା ଡ୍ୟାମ୍‌ରୁ କ୍ରିମିଆର ଆଣବିକ କେନ୍ଦ୍ରକୁ ଶୀତଳୀକରଣ ପାଇଁ ଜଳ ଯୋଗାଣ କରାଯାଇଥାଏ। ତେବେ ଏଥିଯୋଗୁ ତତ୍କାଳ ଆଣବିକ ବିପଦ ସୃଷ୍ଟି ହୋଇ ନ ଥିବା ଜାତିସଂଘ ପରମାଣୁ ସଂସ୍ଥା କହିଛି।
ରୁଷିଆ ଜାଣିଶୁଣି ନୋଭା କାଖୋଭ୍‌କା ଡ୍ୟାମ୍‌କୁ ବିସ୍ଫୋରଣରେ ଉଡ଼ାଇଦେଇଥିବା ୟୁକ୍ରେନ୍‌ ଓ ଏହାର ପାଶ୍ଚାତ୍ୟ ସହଯୋଗୀମାନେ ଅଭିଯୋଗ ଆଣିଛନ୍ତି। କେବଳ ଏତିକି ନୁହେଁ, ରୁଷିଆ ଏହାକୁ ଧ୍ୱଂସ କରିବା ପରେ ୧୫୦ ଟନ୍‌ ଇଞ୍ଜିନ ଅଏଲ୍‌ ନିପ୍ରୋନଦୀକୁ ଛାଡ଼ିଦେଇଥିବାରୁ ପରିବବେଶ ଉପରେ ଏହାର ନକାରାମତ୍କ ପ୍ରଭାବ ପଡ଼ିବ ବୋଲି କିଭ୍‌ କହିଛି। ଅନ୍ୟପକ୍ଷେ କ୍ରେମ୍‌ଲିନ୍‌ କହିଛି, ମସ୍କୋ ପକ୍ଷରୁ ଜବାବୀ କାର୍ଯ୍ୟାନୁଷ୍ଠାନ ନିଆଯାଉଥିବାବେଳେ ଏଥିରୁ ଦୃଷ୍ଟି ହଟାଇବା ପାଇଁ ୟୁକ୍ରେନ୍‌ ଏହାକୁ ଉଡ଼ାଇଦେଇଛି। ଡ୍ୟାମ୍‌ଟି ଆପେ ଆପେ ଭୁଶୁଡ଼ିପଡ଼ିଥିବା ନେଇ ରୁଷିଆ ପକ୍ଷରୁ ସମ୍ପୃକ୍ତ ଅଞ୍ଚଳରେ ନିଯୁକ୍ତ କେତେଜଣ ଅଧିକାରୀ କହିଛନ୍ତି। ତେବେ ନିଜ ନିଜ ଯୁକ୍ତି ସପକ୍ଷରେ କୌଣସି ପକ୍ଷ ତତ୍କାଳ ପ୍ରମାଣ ଦେଇପାରି ନାହାନ୍ତି। ଜେନେଭା କନ୍‌ଭେନ୍‌ସନ୍ସ ଯୁଦ୍ଧ ସମୟରେ କୌଣସି ଡ୍ୟାମ୍‌କୁ ଟାର୍ଗେଟ କରାଯିବା ଉପରେ ପୂର୍ବରୁ ବାରଣ କରିଛି। କାରଣ ଏଭଳି ନିର୍ମାଣ ଧ୍ୱସ୍ତବିଧ୍ୱସ୍ତ ହେଲେ ସାଧାରଣ ନାଗରିକଙ୍କ ଜୀବନ ପ୍ରତି ବିପଦ ସୃଷ୍ଟି ହୋଇଥାଏ। ୟୁକ୍ରେନ୍‌ ଦଖଲରେ ଥିବା ଖେରସନ ଅଞ୍ଚଳ ଜଳମଗ୍ନ ହୋଇଯାଇଛି। ଜଳସ୍ତର ୧ ମିଟର ବୃଦ୍ଧି ପାଇଥିବା ସ୍ଥାନୀୟ ଲୋକେ କହିଛନ୍ତି। ନୋଭା କାଖୋଭ୍‌କା ଡ୍ୟାମ୍‌ରୁ ଦକ୍ଷିଣ ୟୁକ୍ରେନ୍‌ର ଚାଷଜମିଗୁଡ଼ିକୁ ଜଳସେଚନ କରାଯାଇଥାଏ। ଏହି ବୃହତ୍‌ ନଦୀବନ୍ଧ ଯୋଜନାରୁ ରୁଷିଆ ଦଖଲରେ ଥିବା କ୍ରିମିଆ ଉପଦ୍ୱୀପ ଏବଂ ଝାପୋରିଝିଆ ଆଣବିକ କେନ୍ଦ୍ରକୁ ଶୀତଳ କରିବା ପାଇଁ ମଧ୍ୟ ଜଳଯୋଗାଣ ହୋଇଥାଏ। ତେଣୁ ଏହା ଧ୍ୱସ୍ତହେବା ପରେ ସମ୍ପୃକ୍ତ ଅଞ୍ଚଳରେ ନୂଆ ମାନବୀୟ ବିପର୍ଯ୍ୟୟ ଦେଖାଦେଇଛି।
  ଫେବୃୟାରୀ ୨୪ରେ ଯୁଦ୍ଧ ଆରମ୍ଭ ହେବା ପରଠୁ ରୁଷିଆ ଏହି ଡ୍ୟାମ୍‌କୁ ନିଜ ନିୟନ୍ତ୍ରଣରେ ରଖିଥିଲା। ନିପ୍ରୋ ନଦୀର ଉତ୍ତର ଭାଗକୁ ଗତବର୍ଷ ୟୁକ୍ରେନୀୟ ସୈନ୍ୟ ପୁନଃ ଦଖଲ କରିଥିଲେ। ରୁଷିଆ ଓ ୟୁକ୍ରେନ୍‌ ଏହାକୁ ଧ୍ୱଂସ କରିବା ପାଇଁ ଯୋଜନା କରୁଥିବା ନେଇ ସେବେଠୁ ପରସ୍ପର ଉପରେ ଦୋଷ ଲଦି ଆସୁଛନ୍ତି। ୟୁକ୍ରେନ୍‌ ରାଷ୍ଟ୍ରପତି ଭୋଲୋଡିମିର ଜେଲେନ୍‌ସ୍କି ଟେଲିଗ୍ରାମ୍‌ରେ କହିଛନ୍ତି, ରୁଷୀୟମାନେ ଆତଙ୍କବାଦୀ। ସେମାନେ କାଖୋଭ୍‌କା ଡ୍ୟାମ୍‌ରେ ଆଭ୍ୟନ୍ତରୀଣ ବିସ୍ଫୋରଣ ଘଟାଇଛନ୍ତି। ଫଳରେ ୮୦ଟି ବସତି ଜଳମଗ୍ନ ହୋଇଯାଇଛି। ଜଳବିଦ୍ୟୁତ୍‌ ଯୋଜନା ଡ୍ୟାମ୍‌ ଭୁଶୁଡ଼ିବା ପରେ ସେମାନଙ୍କୁ ୟୁକ୍ରେନୀୟ ଭୂଖଣ୍ଡରୁ ବିତାଡ଼ିତ କରାଯିବା ଉପରେ ସାରା ବିଶ୍ୱ ଜୋର୍‌ ଦେଇଛି। ନର୍ଥ ଆଟଲାଣ୍ଟିକ୍‌ ଟ୍ରିଟି ଅର୍ଗାନାଇଜେଶନ୍‌ (ନାଟୋ) ମହାସଚିବ ଜେନ୍ସ ଷ୍ଟୋଲ୍‌ଟେନ୍‌ବର୍ଗ ଏହାକୁ ଏକ ବର୍ବର କାର୍ଯ୍ୟ ଭାବେ ଅଭିହିତ କରିଛନ୍ତି। ୟୁକ୍ରେନ୍‌ ଯୁଦ୍ଧରେ ରୁଷିଆର ବର୍ବରତା ପୁଣି ଥରେ ସାମ୍ନାକୁ ଆସିଥିବା ସେ କହିଛନ୍ତି। କ୍ରେମ୍‌ଲିନ୍‌ ମୁଖପାତ୍ର ଡିମିଟ୍ରି ପେସ୍କୋଭ୍‌ଙ୍କ ମତରେ ଏହା ହେଉଛି ୟୁକ୍ରେନ୍‌ର ଆମତ୍ଘାତୀ କାର୍ଯ୍ୟ। ୟୁକ୍ରେନୀୟ ସୈନ୍ୟ ନିଜ ଲକ୍ଷ୍ୟ ହାସଲ କରିବାରେ ବିଫଳ ହେବା ପରେ ଏପରି କାଣ୍ଡ ଭିଆଉଛନ୍ତି। କ୍ରିମିଆରେ ରୁଷିଆ ପକ୍ଷରୁ ନିଯୁକ୍ତ ଗଭର୍ନର ସେର୍ଗେଇ ଅକ୍ସିନୋଭ୍‌ କହିଛନ୍ତି, ନର୍ଥ କ୍ରିମିଆ କେନାଲରେ ଜଳସ୍ତର ବଢ଼ିବାରେ ଲାଗିଛି। ନିପ୍ରୋ ନଦୀରୁ ଅଧିକ ଜଳ ପ୍ରବାହିତ ହେଉଥିବାରୁ ଆଗକୁ ବିପଦ ବଢ଼ିପାରେ।

Enter your email to get our daily news in your inbox.

All Right Reserved By Dharitri.Com

ପୁଣି ଇରାନ ଆଗରେ ୨ଟି ବଡ଼ ସର୍ତ୍ତ ରଖିଲା ଆମେରିକା, ଜାଣନ୍ତୁ କ’ଣ…

ଓ୍ବାଶିଂଟନ୍‌,୧୫।୪: ପଶ୍ଚିମ ଏସିଆରେ ଚାଲିଥିବା ଉତ୍ତେଜନା ମଧ୍ୟରେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ଗୁରୁତ୍ୱପୂର୍ଣ୍ଣ ବୟାନ ଦେଇଛନ୍ତି। ସେ କହିଛନ୍ତି ଯେ ଏହି ସପ୍ତାହରେ ଆମେରିକା…

ଆସୁଛି ଏଲ୍‌ ନିନୋ

ଆମେରିକାର ଜାତୀୟ ସାମୁଦ୍ରିକ ଏବଂ ବାୟୁମଣ୍ଡଳୀୟ ପ୍ରଶାସନ (ନ୍ୟାଶନାଲ ଓସେନିକ ଆଣ୍ଡ୍‌ ଆଟ୍‌ମୋସ୍ପିୟରିକ ଆଡ୍‌ମିନିଷ୍ଟ୍ରେଶନ ବା ”ନୋ ଆ (NO AA)“ ଦ୍ୱାରା ପରିଚାଳିତ ଜଳବାୟୁ ଆଗତ…

ବିଦ୍ୟାଳୟ ଶିକ୍ଷାରେ ଡ୍ରପ୍‌ଆଉଟ୍‌ ସମସ୍ୟା

ନିକଟରେ ଅନେକ ଦୈନିକ ଓଡ଼ିଆ ସମ୍ବାଦପତ୍ରରେ ଆଦିବାସୀ ଅଧ୍ୟୁଷିତ ଜିଲାଗୁଡ଼ିକରେ ଅଧାରୁ ପାଠ ଛାଡ଼ୁଥିବା ଶିଶୁଙ୍କ ସଂଖ୍ୟା ଉଦ୍‌ବେଗଜନକ ବୋଲି ପ୍ରକାଶ ପାଇଛି। ପ୍ରଶାସନିକ ସ୍ତରରେ ମଧ୍ୟ…

ଏକା ହୋଇଗଲା ଆମେରିକା, ଟ୍ରମ୍ପଙ୍କ ହାତ ଛାଡିଦେଲେ ଏହି ସବୁ ନିକଟତମ ବନ୍ଧୁ ଦେଶ

ଓ୍ବାଶିଂଟନ୍‌,୧୫।୪: ଇରାନ ସହିତ ଯୁଦ୍ଧରେ ଗଭୀର ଭାବରେ ଜଡିତ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଆଉ ଏକ ବଡ଼ ଝଟକା ଲାଗିଛି। ଏହି ଆଘାତ ତାଙ୍କ ନିଜ…

ଚାଇନାକୁ ଲାଗିବ ବଡ଼ ଝଟ୍‌କା: ଜୀବନରେଖା ଶେଷ କରିଦେବେ ଟ୍ରମ୍ପ! ଆମେରିକାର ସାଥ୍‌ ଦେବ ଭାରତ

ଓ୍ବାଶିଂଟନ୍‌,୧୫।୪: ମଧ୍ୟପ୍ରାଚ୍ୟରେ ହର୍ମୁଜ ପ୍ରଣାଳୀକୁ ନେଇ ବଢ଼ୁଥିବା ଉତ୍ତେଜନା ମଧ୍ୟରେ, ଏକ ନୂତନ ପ୍ରସଙ୍ଗ ଉଭା ହୋଇଛି ଯାହା ବିଶ୍ୱ ଦୃଷ୍ଟି ଆକର୍ଷଣ କରିଛି। ଆମେରିକା ଇରାନ…

୪ବର୍ଷ ବିତିଲା, ମିଳିଲାନି ନିଖୋଜ ଶ୍ରମିକଙ୍କ ପତ୍ତା

ନୂଆପଡ଼ା,୧୫ା୪ (ମକାରୁ ବେମାଲ):ନୂଆପଡ଼ା ଜିଲା କୋମନା ଥାନା ଦର୍ଲିପଡା ଗଁ।ର ଜଣେ ଦାଦନ ଶ୍ରମିକ ନିଖୋଜ ହେବାର ପ୍ରାୟ ୪ବର୍ଷ ବିତିଯାଇଥିଲେ ମଧ୍ୟ ତାଙ୍କର ପତ୍ତା ମିଳିନାହିଁ।…

ଇରାନ- ଆମେରିକା ମଧ୍ୟରେ କେବେ ଶେଷ ହେବ ଯୁଦ୍ଧ? ସକାଳୁ ସକାଳୁ ବଡ଼ ଘୋଷଣା କଲେ ଟ୍ରମ୍ପ

ଓ୍ବାଶିଂଟନ୍‌,୧୫।୪: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ସହିତ ଯୁଦ୍ଧ ସମ୍ପର୍କରେ ଏକ ପ୍ରମୁଖ ବିବୃତ୍ତି ଦେଇଛନ୍ତି। ଟ୍ରମ୍ପ କହିଛନ୍ତି ଯେ ଇରାନ ସହିତ ଯୁଦ୍ଧ ଶେଷ…

ଆମେରିକାକୁ ଚେତାବନୀ ଦେଲା ଚାଇନା: ହର୍ମୁଜକୁ ନେଇ ହଲଚଲ

ବେଜିଂ,୧୫ା୪(ଏଜେନ୍ସି):ପାକିସ୍ତାନ ମଧ୍ୟସ୍ଥତାରେ ଇସ୍‌ଲାମାବାଦରେ ୨୧ ଘଣ୍ଟିଆ ଶାନ୍ତି ଆଲୋଚନାରୁ ନିଷ୍କର୍ଷ ନ ବାହାରିବାରୁ ଷ୍ଟ୍ରେଟ୍‌ ଅଫ୍‌ ହର୍ମୁଜ୍‌ରେ ଆମେରିକା ଓ ଇରାନ୍‌ ପୁଣି ମୁହଁାମୁହଁି ହୋଇଛନ୍ତି। ଆମେରିକୀୟ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala

Model This Week

ପିଲାଙ୍କ ଧରିତ୍ରୀ

Why Dharitri