ନୀଳଗିରି, ୧୭।୧୧(ସ୍ବ.ପ୍ର.): ବାଲେଶ୍ୱର ଜିଲା ନୀଳଗିରି ବ୍ଲକ କାର୍ଯ୍ୟାଳୟ ପରିସରରେ ଥିବା ଏକ ପଣସ ଗଛରେ ଦୀର୍ଘ ୩ ମାସ ଧରି ଏକ ଜାତୀୟ ପତାକା ଉଡୁଛି। ଏହା ଜାତୀୟ ପତାକାକୁ ଅବମାନନା କରାଯାଇଥିବା ନେଇ ଚର୍ଚ୍ଚା ଚାଲିଛି।
ପ୍ରତିଦିନ ଶହ ଶହ ନିର୍ବାଚିତ ପ୍ରତିନିଧି, ସାଧାରଣ ଜନତା, ସମସ୍ତ ପଦାଧିକାରୀ କାର୍ଯ୍ୟାଳୟକୁ ଆସୁଥିବା ବେଳେ ଗଛରେ ବନ୍ଧା ହୋଇଥିବା ଜାତୀୟ ପତାକାକୁ କିପରି କାହାର ନଜର ପଡୁନାହିଁ ତାହା ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ବ୍ଲକ କାର୍ଯ୍ୟାଳୟକୁ ବାଲେଶ୍ୱର ଜିଲାପାଳ, ପିଡି, ଜିଲାର ପ୍ରମୁଖ ଅଧିକାରୀମାନେ ଏଠାକୁ ଆସୁଥିବା ବେଳେ ବ୍ଲକର ବିଡିଓ ଉକ୍ତ ଜାତୀୟ ପତାକାକୁ ଦେଖିପାରୁନାହାନ୍ତି ନା ଦେଖି କି ଜାତୀୟ ପତାକାକୁ ଅସମ୍ମାନ କରୁଛନ୍ତି ତାହା ବୁଦ୍ଧିଜୀବୀ ମହଲରେ ତଦନ୍ତ ପାଇଁ ଦାବି ହେଉଛି ।
