ଭୁବନେଶ୍ୱର,୨୩।୪: ଓଡ଼ିଶା ପୋଷ୍ଟର ମିଳିତ ଆନୁକୂଲ୍ୟରେ ଆୟୋଜିତ ବହୁପ୍ରତୀକ୍ଷିତ ବିଜ୍ନେସ ଏମିନେସ୍ସ ଆୱାଡର୍ସ-୨୦୨୬- ଷଷ୍ଠ ସଂସ୍କରଣ ଗୁରୁବାର ଭୁବନେଶ୍ୱରର ହୋଟେଲ ସ୍ବସ୍ତି ପ୍ରିମିୟମରେ ଅନୁଷ୍ଠିତ ହୋଇଯାଇଛି। ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ଶିଳ୍ପ, ଦକ୍ଷତା ବିକାଶ ତଥା ବୈଷୟିକ ଶିକ୍ଷା ମନ୍ତ୍ରୀ ସମ୍ପଦ ଚନ୍ଦ୍ର ସ୍ବାଇଁ ଯୋଗ ଦେଇଛନ୍ତି।
ଏହି ଅବସରରେ ଧରିତ୍ରୀ ଏବଂ ଓଡ଼ିଶା ପୋଷ୍ଟର ସିଇଓ ଆଦ୍ୟାଶା ସତପଥୀ ତାଙ୍କ ଅଭିଭାଷଣରେ ସମସ୍ତଙ୍କୁ କୃତଜ୍ଞତା ଜଣାଇ କହିଛନ୍ତି, ଏଠାରେ ଉପସ୍ଥିତ ଥିବା ଆମର ପ୍ରିୟ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ଶିଳ୍ପ, ଦକ୍ଷତା ବିକାଶ ତଥା ବୈଷୟିକ ଶିକ୍ଷା ମନ୍ତ୍ରୀ ସମ୍ପଦ ଚନ୍ଦ୍ର ସ୍ବାଇଁ ସମୟ ବାହାର କରି ଆସିଛନ୍ତି, ସେମାନଙ୍କୁ ବହୁତ ଧନ୍ୟବାଦ ଜଣାଉଛି। ଏଥିସହିତ ଏହି ଅବସରରରେ ଉପସ୍ଥିତ ଥିବା ସମସ୍ତ ଉଦ୍ୟୋଗୀଙ୍କୁ ମଧ୍ୟ ସେ ଧନ୍ୟବାଦ ଜଣାଇଛନ୍ତି।
ସେ କହିଛନ୍ତି, କୋଭିଡ ସମୟରେ ସେତେବେଳେ ଆମକୁ ଲାଗୁଥିଲା ବିଜ୍ନେସରେ ବହୁତ ଚ୍ୟାଲେଞ୍ଜିଂ ଅଛି। ଏହି ସମୟରେ ଆମେ ଚେଷ୍ଟା କରିଥିଲୁ କେମିତି ଆଗକୁ ବଢିବୁ, ଆଉ ସମସ୍ତଙ୍କୁ ଖୁସିରେ ରଖିପାରିବୁ। ସେହି ସମୟରେ ଆମ ମନକୁ ଆସିଲା ଆମର ଏଠି ଗୋଟେ ପରିବେଶ ଅଛି। ବିଜ୍ନେସ ଇଣ୍ଡଷ୍ଟ୍ରିକୁ ପ୍ରୋତ୍ସାହିତ କରିବା ପାଇଁ ଓଡ଼ିଶାରେ ସେମିତି କିଛି ପରିବେଶ ନଥିଲା। ଭଲ ଆୟ ଏବଂ ବିଜନେସ୍ ଇଣ୍ଡଷ୍ଟ୍ରି ପାଇଁ କେଉଁଠି ନା କେଉଁଠି କମ୍ ଥିଲା। ଚାକିରି ହେଲେ ମା’ବାପାଙ୍କୁ ଖୁସିଲାଗେ। ସରକାରୀ ଚାକିରି ହେଲେ ଆହୁରି ଖୁସି ଲାଗେ। ସ୍ଥିର ଇନକମ ପାଇଁ, ସ୍ଥିର ଲାଇଫ୍ ପାଇଁ ଚାକିରି ଆଜିକାଲି ଭଲ ସୁଯୋଗ। କୋଭିଡ ସମୟରେ ଆମେ ବିଜ୍ନେସ ଏମିନେନ୍ସ ଆଓ଼୍ବାଡର୍ସ ଆରମ୍ଭ କରିଥିଲୁ, ଯାହାର ଲକ୍ଷ୍ୟ ହେଉଛି ରିସ୍କ ନେଉଥିବା, ସୁଯୋଗ ଦେବା ଏବଂ ଅନେକଙ୍କ ପାଇଁ ନିଯୁକ୍ତି ସୃଷ୍ଟି କରୁଥିବା ଉଦ୍ୟୋଗୀମାନଙ୍କୁ ଉତ୍ସାହିତ କରିବା। ସେତେବେଳେ ବିଶେଷ କରି ଭୁବନେଶ୍ୱର କଟକରୁ ଉଦ୍ୟୋଗୀ ଆସୁଥିଲେ , ଆମେ ବାଛୁଥିଲୁ। କିନ୍ତୁ ଲାଗୁଥିଲା ଯେ ସବୁ ବର୍ଷ କ’ଣ ଉଦ୍ୟୋଗୀଙ୍କୁ ବାଛିହେବ। ଏବେ ଓଡ଼ିଶାରେ ଉଦ୍ୟୋଗୀଙ୍କ ଲମ୍ବା ଲାଇନ । ସବୁ ବର୍ଷ ନୂଆ ନୂଆ ଉଦ୍ୟୋଗୀଙ୍କୁ ଦେଖୁଛୁ। ବହୁତ ଭିନ୍ନ କାମ ଦେଖୁଛୁ। କେବଳ ଭୁବନେଶ୍ୱର କଟକରେ ନୁହେଁ ସାରା ଓଡ଼ିଶାରୁ ଉଦ୍ୟୋଗୀ ଆସୁଛନ୍ତି। ଓଡ଼ିଶାରେ ଶିଳ୍ପ ଆଗକୁ ବଢୁଛି। ଆପଣ ସମସ୍ତେ ଜଣେ ଜଣେ ସଫଳ ଉଦ୍ୟୋଗୀ । ଧରିତ୍ରୀ ସବୁବେଳେ ଚେଷ୍ଟା କରିଆସିଛି ଭିନ୍ନ ଭିନ୍ନ ପ୍ରୟାସରେ ଲୋକଙ୍କ ପାଖରେ କେମିତି ପହଞ୍ଚିପାରିବ।
