ସୋସିଆଲ ମିଡିଆରେ ପ୍ରସିଦ୍ଧ ହେବାକୁ ଲୋକମାନେ ଅଜବ କାର୍ଯ୍ୟ କରୁଥିବା ଦେଖାଯାଏ। ରାତିରେ ଶ୍ମଶାନକୁ ଯିବା ପୂର୍ବରୁ ଆପଣ ଅନେକ ଥର ଭାବିବେ, କିନ୍ତୁ ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଜଣେ ଯୁବତୀ ଏପରି କାର୍ଯ୍ୟ କରିଛନ୍ତି। ଏଥିରେ ସେ ରାତିରେ ଶ୍ମଶାନକୁ ଯାଇ ଏକ ଭିଡିଓ ପ୍ରସ୍ତୁତ କରୁଛନ୍ତି। ଯୁବତୀ ଏହି କାର୍ଯ୍ୟ ଦେଖି ଲୋକମାନେ ସୋସିଆଲ ମିଡିଆରେ ତାଙ୍କୁ ପ୍ରଶଂସା କରିବା ପରିବର୍ତ୍ତେ ଗାଳି ଦେଇଛନ୍ତି।
ସୋସିଆଲ ମିଡିଆରେ କ୍ଲିନ ଗର୍ଲ ଭାବରେ ଜଣାଶୁଣା ଏହି ଯୁବତୀ ଜଣେ ଇନଷ୍ଟାଗ୍ରାମର୍। ତାଙ୍କର ଇନଷ୍ଟାଗ୍ରାମରେ ୧ ମିଲିୟନରୁ ଅଧିକ ଫଲୋଅର୍ସ ଅଛନ୍ତି। ଯୁବତୀ ଅଧରାତିରେ ଶ୍ମଶାନକୁ ଯାଇ କବର ସଫା କରିବା ଆରମ୍ଭ କରନ୍ତି। ଯୁବତୀ କହିଛନ୍ତି ଯେ, ଏକ ପରିଷ୍କାର ସ୍ଥାନରେ ଶୋଇବାର ସମସ୍ତଙ୍କର ଅଧିକାର ଅଛି। ଯୁବତୀ ବିଭିନ୍ନ ପ୍ରକାରର ରାସାୟନିକ ପଦାର୍ଥ ସହିତ କବର ସଫା କରୁଥିବା ଦେଖାଯାଏ।
କ୍ଲିନ ଗର୍ଲ ନାମକ ଏକ ଇନଷ୍ଟାଗ୍ରାମ ଆକାଉଣ୍ଟରେ ଏହି ଭିଡିଓ ଶେୟାର କରାଯାଇଛି। ଯାହାକୁ ଏପର୍ଯ୍ୟନ୍ତ ପ୍ରାୟ ୭୦ ନିୟୁତ ଲୋକ ଦେଖିଛନ୍ତି। ଏହି ଭିଡିଓକୁ ୨ ଲକ୍ଷରୁ ଅଧିକ ଲୋକ ପସନ୍ଦ କରିଛନ୍ତି।
View this post on Instagram
