ନୂଆଦିଲ୍ଲୀ,୨୧।୫: ଅନ୍ତଃରାଷ୍ଟ୍ରୀୟ ଅଟୋମୋବାଇଲ କମ୍ପାନୀ ରେନୋଲ୍ଟ ଇଣ୍ଡିଆ ପ୍ରାଇଭେଟ୍ ଲିମିଟେଡ୍(ରେନୋ)ର ଲୋକପ୍ରିୟ ଏବଂ ପ୍ରମୁଖ ଭାରିଆଣ୍ଟ ରେନୋ କାଇଗରର ପରିବର୍ଦ୍ଧିତ ରେଞ୍ଜକୁ ନିକଟରେ ବଜାର ପ୍ରବେଶ କରାଯାଇଛି। ସେହିଭଳି ବର୍ତ୍ତମାନ ରେନୋ କାଇଗରର ଆର୍ଏକ୍ସଟି(ଓ) ଏମ୍ଟି ଭାରିଆଣ୍ଟ ବଜାରରେ ଉପଲବ୍ଧ ହେଉଛି। ଏହାର ବଜାର ମୂଲ୍ୟ ୭. ୯୯ ଲକ୍ଷ ଟଙ୍କା ରହିଥିବା ବେଳେ ସେଥିରେ ଅନେକ ଅତ୍ୟାଧୁନିକ ବୈଶିଷ୍ଟ୍ୟ ସାମିଲ ରହିଛି। ୮ ଇଞ୍ଚର ବୃହତ୍ ଟଚ୍ସ୍କ୍ରିନ୍ ସହ ଓୟାରଲେସ୍ କନେକ୍ଟିଭିଟ, ଏଲ୍ଇଡି ହେଡ୍ ଲ୍ୟାମ୍ପ, ଆଲୟହୁଇଲ ଏବଂ ହାଇ ସେଣ୍ଟର କନ୍ସୋଲ ଭଳି ଅନେକ ସୁବିଧା ଉପଲବ୍ଧ। ସେହିପରି କମ୍ପାନୀର ଆର୍ଏକ୍ସଜେଡ୍ ଭର୍ସନରେ ମଧ୍ୟ ଗ୍ରାହକଙ୍କୁ ଆକର୍ଷଣୀୟ ଅଫର ଯୋଗାଇ ଦିଆଯାଉଛି। ବିଶେଷ କରି ଉକ୍ତ ଅଫର ଜରିଆରେ କମ୍ପାନୀ ଗ୍ରାହକଙ୍କୁ ୧୦, ୦୦୦ ଟଙ୍କା ପର୍ଯ୍ୟନ୍ତ ସୁବିଧା ଯୋଗାଇ ଦେଉଥିବାବେଳେ ଏକ୍ସଚେଞ୍ଜ କ୍ଷେତ୍ରରେ ୨୦, ୦୦୦ ଟଙ୍କାର ସୁବିଧା ଏବଂ ୧୨,୦୦୦ ଟଙ୍କା ପର୍ଯ୍ୟନ୍ତ କର୍ପୋରେଟ ସୁବିଧା ଓ ୪୯, ୦୦୦ ଟଙ୍କାର ଲୟାଲିଟି ବେନିଫିଟ୍ ପ୍ରଦାନ କରାଯାଉଛି। ଏ ସମ୍ପର୍କରେ ରେନୋଲ୍ଟ ଇଣ୍ଡିଆର ପରିଚାଳନା ନିର୍ଦ୍ଦେଶକ ତଥା କଣ୍ଟ୍ରି ସିଇଓ ଭେଙ୍କଟରାମ ମାମିଲାପାଲେ କହିଛନ୍ତି, କମ୍ପାନୀ ସର୍ବଦା ଗ୍ରାହକଙ୍କୁ ବିଶ୍ୱଶ୍ରେଣୀୟ ଉତ୍ପାଦ ଓ ସେବା ଯୋଗାଇ ଦେଉଛି। ଏପରିକି ଗ୍ରାହକଙ୍କୁ ଭରସାଯୋଗ୍ୟ ଡେଲିଭରି ପ୍ରଦାନ କରିଥାଉ। ସେହିଭଳି ଗ୍ରାହକଙ୍କ ସହ ନିରନ୍ତର ସମ୍ପର୍କ ସୃଷ୍ଟି ଏବଂ ଆବଶ୍ୟକ ସେବା ଓ ସୁବିଧା ଯୋଗାଇଦେଉଛି।
