ତେଲକୋଇ,୭।୧: କେନ୍ଦୁଝର ଜିଲା ହାଲପୋଡି ଗ୍ରାମରେ ଏକ ଦନ୍ତା ହାତୀ ଘର ଭାଙ୍ଗି ଫସଲ ନଷ୍ଟ କରିଛି। ଦନ୍ତାଟି ବୁଧବାର ରାତିରେ ହାଲପୋଡି ଗ୍ରାମରେ ପଶି ପ୍ରଥମେ ଗୀତା ନାଏକଙ୍କ ଘର ଭାଙ୍ଗି ଧାନ, ଚାଉଳ ଖାଇ ଦେଇଥିଲା। ଅନ୍ୟପକ୍ଷରେ ଗୀତା ଏବଂ ୨ ଛୁଆ ଅଳ୍ପକେ ବର୍ତ୍ତିଯାଇଛନ୍ତି। ପରେ ହାତୀଟି ଗାଁର ପ୍ରଫୁଲ ମହାନ୍ତ, ମହୁର ନାଏକଙ୍କ ୨ ଏକର ଆଳୁ ଫସଲ ନଷ୍ଟ କରିଥିବା ଜଣାପଡିଛି। ଦନ୍ତାକୁ ନେଇ ଅଞ୍ଚଳରେ ଭୟର ବାତାବରଣ ଖେଳି ଯାଇଛି। ଖବର ପାଇ ଗୁରୁବାର ସକାଳେ ଫରେଷ୍ଟର ପ୍ରଭାତି ଦାଶ ଘଟଣାସ୍ଥଳରେ ପହଞ୍ଚି କ୍ଷୟକ୍ଷତି ଆକଳନ କରିଥିଲେ। ଘଟଣା ସଂକ୍ରାନ୍ତରେ ବନାଞ୍ଚଳ ଅଧିକାରୀ ପ୍ରମୋଦ କୁମାର ସେଠୀଙ୍କୁ ପଚାରିବାରୁ ଏକ ଦନ୍ତା ହାତୀ ପଲ ଛାଡି ଗାଁରେ ପଶି ଉପଦ୍ରବ କରୁଛି। ହାତୀକୁ ଘଉଡ଼ାଇବା ପାଇଁ ଉଦ୍ୟମ ଜାରି ରହିଥିବା କହିଥିଲେ।
