ଛେଣ୍ଡିପଦା,୨୭।୧୨(ସ୍ବ.ପ୍ର): ଅନୁଗୋଳ ଜିଲା ଛେଣ୍ତିପଦା ବନାଞ୍ଚଳ କମ୍ପସଲା ଗ୍ରାମ ପଞ୍ଚାୟତର ଗୋଳାଗାଡିଆ ଗ୍ରାମରେ ଦନ୍ତାହାତୀ ଆକ୍ରମଣରେ ପୁଣି ଜଣେ ଯୁବକ ଗୁରୁତର ଆହତ ହୋଇଛନ୍ତି। ଗୁରୁତର ଜଣଙ୍କ ହେଲେ ଗୋଳାଗାଡିଆ ଗ୍ରାମର ବୀର ସାହୁଙ୍କ ପୁଅ ଅଜିତ। ତାଙ୍କୁ ଛେଣ୍ଡିପଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି।
ସୂଚନାଯୋଗ୍ୟ, ବିଳମ୍ବିତ ରାତିରେ ଘରେ ଶୋଇଥିବା ବେଳେ ନରହନ୍ତା ଦନ୍ତା ବୀର ସାହୁଙ୍କ ଘର ଭାଙ୍ଗିବା ବେଳେ ଭୟରେ ଶୋଇଥିବା ପରିବାର ଲୋକେ ଘରୁ ବାହାରକୁ ପଳାଇ ଆସିଥିଲେ । ଏହି ସମୟରେ ଦନ୍ତାହାତୀ ଟି ପ୍ରଥମେ ଅଜିତ ସାହୁଙ୍କୁ ଶୁଣ୍ଢରେ ଧରି ଫୋପାଡି ଦେଇଥିଲା। ପରିବାର ଲୋକଙ୍କ ପାଟି ଶୁଣି ଗ୍ରାମବାସୀ ଓ ବନବିଭାଗ ପହଞ୍ଚି ହାତୀକୁ ଘଉଡ଼ାଇଥିଲେ । ଏହି ସମୟରେ ହାତୀଟି ପାଲଟା ଆକ୍ରମଣ କରିବାରୁ ୨ଜଣ ଯୁବକ ମଧ୍ୟ ସମାନ୍ୟ ଆହତ ହୋଇଛନ୍ତି ।
