ସିଡନୀ,୨।୩: ଅଷ୍ଟ୍ରେଲିଆର ପୂର୍ବତନ ବ୍ୟାଟ୍ସମ୍ୟାନ ଲୁକ ପୋମର୍ସବାକଙ୍କୁ ଅ ଡ୍ରଗ୍ସ ଏବଂ ଚୋରି ମାମଲାରେ ତାଙ୍କୁ ପୋଲିସ ଗିରଫ କରିଛି। ଚଳିତ ବର୍ଷ ଜାନୁୟାରୀ ୨୪ରୁ ଫେବୃୟାରୀ ୧୬ ମଧ୍ୟରେ ଦକ୍ଷିଣ ପର୍ଥ, ସ୍କାର୍ବୋରୋ ଏବଂ କାଠଯୋଡି ଅଞ୍ଚଳରୁ ଲୁକ ଅଳଙ୍କାର, ଚୋରି କରିଥିବା ଅଭିଯୋଗ ହୋଇଥିଲା। ଏହା ବ୍ୟତୀତ ଡ୍ରଗ କାରବାରରେ ସେ ଜଡିତ ଥିବା ଅଭିଯୋଗ ହୋଇଛି। ତେବେ ଗତ ସପ୍ତାହରେ ସେ ଏହି ମାମଲାରେ ପର୍ଥ କୋର୍ଟରୁ ଜାମିନ ପାଇଥିଲେ। କିନ୍ତୁ ପାଞ୍ଚ ହଜାର ଡଲାରର ବ୍ୟକ୍ତିଗତ ଗ୍ୟାରେଣ୍ଟି ଜମା ନକରିବାରୁ ତାଙ୍କୁ ଜେଲରେ ରହିବାକୁ ପଡିବ।
ଲୁକ ଅଷ୍ଟ୍ରେଲିଆ ପାଇଁ ମାତ୍ର ଗୋଟିଏ ଟି -୨୦ ମ୍ୟାଚ ଖେଳିଛନ୍ତି। ୨୦୦୭ରେ ମଧ୍ୟ ନ୍ୟୁଜିଲ୍ୟାଣ୍ଡ ବିପକ୍ଷ ସେ ଅନ୍ତର୍ଜାତୀୟ ଡେବ୍ୟୁ କରିଥିଲେ। ଏହା ବ୍ୟତୀତ ସେ ଆଇପିଏଲ ମଧ୍ୟ ଖେଳିଛନ୍ତି। ୨୦୦୮ରୁ ୨୦୧୩ ପର୍ଯ୍ୟନ୍ତ ପୋମରବାକ କିଙ୍ଗସ ଏକାଦଶ ପଞ୍ଜାବ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ପାଇଁ ଆଇପିଏଲ ଖେଳିଥିଲେ। ଏହି ସମୟ ମଧ୍ୟରେ ସେ ୧୨୨ ଷ୍ଟ୍ରାଇକ ରେଟ୍ରେ ୩୦୨ ରନ ସ୍କୋର କରିଥିଲେ। ତେବେ ଆଇପିଏଲ ସମୟରେ ମଧ୍ୟ ତାଙ୍କ ନାମ ବିବାଦ ସହ ଜଡିତ ରହିଛି। ଆଇପିଏଲ ସମୟରେ ସେ ଜଣେ ଆମେରିକୀୟ ମହିଳା ଏବଂ ତାଙ୍କ ଶ୍ୱଶୁରଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଥିଲା। ଏହି ମାମଲାରେ ତାଙ୍କୁ ଦିଲ୍ଲୀ ପୋଲିସ ମଧ୍ୟ ଗିରଫ କରିଥିଲା।
