ଢାକା,୧୦।୮: ଅଷ୍ଟ୍ରେଲିଆ ଏବଂ ବାଂଲାଦେଶ ମଧ୍ୟରେ ଖେଳାଯାଇଥିବା ପଞ୍ଚମ ଟି-୧୦ ମ୍ୟାଚ୍ରେ ବାଂଲାଦେଶ ଅଷ୍ଟ୍ରେଲିଆକୁ ୬୦ ରନରେ ପରାସ୍ତ କରିଛି। ଏହା ସହ ଦଳ ୫ ମ୍ୟାଚ ବିଶିଷ୍ଟ ସିରିଜ ୪-୧ରେ ହାତେଇଛି ଘଷରାଇ ଦଳ। ବାମହାତୀ ସ୍ପିନ ବୋଲର ଶାକିବ ଅଲ ହାସନ ମ୍ୟାଚରେ ୪ ଉଇକେଟ ନେଇଥିଲେ। ଏହା ସହ ସେ ଟି -୨୦ ଇଣ୍ଟରନ୍ୟାସନାଲରେ ୧୦୦ ଉଇକେଟ ମଧ୍ୟ ପୂରଣ କରିଛନ୍ତି। ସେ ଦୁନିଆର ପ୍ରଥମ ସ୍ପିନ ବୋଲର ହୋଇଛନ୍ତି। ଚତୁର୍ଥ ଥର ପାଇଁ ୪ଟି ଉଇକେଟ ନେଇ ମଧ୍ୟ ସେ ରେକର୍ଡ କରିଛନ୍ତି। ଏହି ମ୍ୟାଚରେ ବାଂଲାଦେଶ ୧୨୨ ରନ ସଂଗ୍ରହ କରିଛି। ଏହାର ଜବାବରେ ଅଷ୍ଟ୍ରେଲିଆର ଦଳ ୬୨ ରନରେ ଅଲଆଉଟ୍ ହୋଇଯାଇଥିଲା।
୩୪ ବର୍ଷ ବୟସ୍କ ବାଂଲାଦେଶର ପୂର୍ବତନ ଅଧିନାୟକ ଶାକିବ ଅଲ ହାସନଙ୍କ ଏହା ଥିଲା ୮୪ ତମ ଟି -୨୦ ଅନ୍ତର୍ଜାତୀୟ ମ୍ୟାଚ। ସେ ହାରାହାରି ୨୧ରେ ୧୦୨ଟି ଉଇକେଟ ନେଇଛନ୍ତି। ସେ ୪ ଥର ୪ଟି ଉଇକେଟ୍ ଏବ୧ଂ ଥରେ ୫ଟି ଉଇକେଟ ନେଇଛନ୍ତି। ତାଙ୍କର ସର୍ବୋତ୍ତମ ପ୍ରଦର୍ଶନ ହେଉଛି ୨୦ ରନ ଦେଇ ୫ ଉଇକେଟ ନେବା। କେବଳ ଏତିକି ନୁହେଁ, ସେ ହାରାହାରି ୨୪ରେ ୧୭୧୮ ରନ ମଧ୍ୟ କରିଛନ୍ତି। ୯ଟି ଅର୍ଦ୍ଧଶତକ ମଧ୍ୟ ହାସଲ କରିଛି। ତାଙ୍କର ସାମଗ୍ରିକ ଟି -୨୦ କ୍ୟାରିୟର ବିଷୟରେ କହିବାକୁ ଗଲେ ସେ ୩୩୬ ଟି ମ୍ୟାଚରେ ୩୮୧ ଉଇକେଟ ନେଇଛନ୍ତି। ୫୩୮୯ ରନ ମଧ୍ୟ ସ୍କୋର କରିଛନ୍ତି। ୧୯ ଅର୍ଦ୍ଧ ଶତକ ମଧ୍ୟ ଏଥିରେ ସାମିଲ ଅଛି। ଶାକିବ ବିଶ୍ୱର ଏକମାତ୍ର ଖେଳାଳି ଯିଏକି ଟି -୨୦ ଇଣ୍ଟରନ୍ୟାସନାଲରେ ୧୦୦ରୁ ଅଧିକ ଉଇକେଟ ଏବଂ ୧୦୦୦ରୁ ଅଧିକ ରନ ସ୍କୋର କରିଛନ୍ତି।
ଟି -୨୦ ଇଣ୍ଟରନ୍ୟାସନାଲ ବିଷୟରେ କହିବାକୁ ଗଲେ ଦୁନିଆର କେବଳ ୨ ବୋଲର ୧୦୦ରୁ ଅଧିକ ଉଇକେଟ ନେଇପାରିଛନ୍ତି। ଶ୍ରୀଲଙ୍କାର ଦ୍ରୁତ ବୋଲର ଲାସିଥ ମାଲିଙ୍ଗା ୧୦୭ ଉଇକେଟ ନେଇଛନ୍ତି। ୮୪ ଟି ମ୍ୟାଚରେ ସେ ଦୁଇଥର ୫ ଉଇକେଟ ଏବଂ ଥରେ ୪ ଉଇକେଟ ନେଇଛନ୍ତି। ୬ ରନ ଦେଇ ୫ ଉଇକେଟ ହେଉଛି ତାଙ୍କର ସର୍ବୋତ୍ତମ ପ୍ରଦର୍ଶନ। ଶାକିବ ୧୦୨ ଉଇକେଟ ନେଇ ଦ୍ୱିତୀୟ ସ୍ଥାନରେ ଅଛନ୍ତି। ନ୍ୟୁଜିଲାଣ୍ଡର ଦ୍ରୁତ ବୋଲର ଟିମ ସାଉଥୀ (୯୯) ତୃତୀୟ ସ୍ଥାନରେ, ପାକିସ୍ତାନର ସହିଦ ଆଫ୍ରିଦି (୯୮) ଚତୁର୍ଥ ସ୍ଥାନରେ ଏବଂ ଆଫଗାନିସ୍ତାନର ଲେଗ ସ୍ପିନର ରସିଦ ଖାନ (୯୫) ପଞ୍ଚମ ସ୍ଥାନରେ ଅଛନ୍ତି। ଲେଗ ସ୍ପିନର ୟୁଜବେନ୍ଦ୍ର ଚହଲ ଭାରତ ପାଇଁ ୬୩ ଉଇକେଟ ନେଇଛନ୍ତି।
