ଗଞ୍ଜାମ,୨୯।୧୨(ଡି.ଏନ୍.ଏ.): ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ବୁଧବାର ସକାଳେ ଐତିହାସିକ ପୋତାଗଡ଼ ପରିଦର୍ଶନ କରିଛନ୍ତି l ପୋତାଗଡ଼ ପାଇଁ ସାଇନିଙ୍ଗ ବୋର୍ଡ ଦେବା ନିମନ୍ତେ ଜିଲାପାଳ ଗ୍ରାସୀମ କମ୍ପାନୀ ଡିଜିଏମଙ୍କୁ ପରାମର୍ଶ ଦେଇଥିଲେ। ଏଥିସହ ପୋତାଗଡ଼ ଚତୁଃପାର୍ଶ୍ୱରେ ଅଧିକ ଆଲୋକୀକରଣ ନିମନ୍ତେ ଲାଇଟ, ଅତ୍ୟାଧୁନିକ ପାର୍କିଂ ଆଦି ଆଲୋଚନା କରିଥିଲେ l ଏଥିରେ ଉପଜିଲାପାଳ ନୀଳମାଧବ ଭୋଇ, ବିଡିଓ ବିଶ୍ୱଜିତ ରାୟ, ତହସିଲଦାର ଅରୁଣ ନାୟକ, ଏନଏସିଇଓ ରୋନିତ କୁମାର, ଗ୍ରାସୀମ କମ୍ପାନୀ ଡିଜିଏମ ରବୀନ୍ଦ୍ର କୁମାର ମହାନ୍ତି, ପୋତାଗଡ଼ ଉନ୍ନୟନ ଟିମ୍ ମେମ୍ବର ତଥା ବିଜେଡି ଏନଏସି ଯୁବ ସଭାପତି ସୁଧୀର କୁମାର ପାଢ଼ୀ, ଛାତ୍ର ସଭାପତି ରାକେଶ ରଞ୍ଜନ ଦାସ ପ୍ରମୁଖ ଉପସ୍ଥିତ ଥିଲେ l
