ଛତ୍ରପୁର,୨୧ା୩(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁର ସହରରେ ବିଜେଡି ପକ୍ଷରୁ ଭିନ୍ନ ଢଙ୍ଗରେ ନିର୍ବାଚନୀ ପ୍ରଚାର କରାଯାଇଛି। ବିଜେଡି ଅଧ୍ୟକ୍ଷା ପ୍ରାର୍ଥିନୀ, କାଉନସିଲର ପ୍ରାର୍ଥୀ ଓ ପ୍ରାର୍ଥିନୀଙ୍କ ନିମନ୍ତେ ଖୋଦ୍ ମୁଖ୍ୟମନ୍ତ୍ରୀଙ୍କ ରାଜନୈତିକ ସଚିବ ଡଃ.ଗୋପବନ୍ଧୁ ଦାସ ଓ ସ୍ଥାନୀୟ ବିଧାୟକ ସୁବାସ ଚନ୍ଦ୍ର ବେହେରା ସାମିଲ ହୋଇ ରୋଡ୍ ଶୋ’ ମାଧ୍ୟମରେ ନିର୍ବାଚନ ପ୍ରଚାରକୁ ଜୋରଦାର କରିଛନ୍ତି । ଏହା ସହ ଭୋଟରମାନଙ୍କୁ ଆକୃଷ୍ଟ କରିବା ନିମନ୍ତେ ସିନେ ଅଭିନେତ୍ରୀ ଏଲିନା ସାମନ୍ତରାୟ ଓ ଅଭିନେତା ସମ୍ବିତ ଆଚାର୍ଯ୍ୟ ମଧ୍ୟ ସହରର ବିଭିନ୍ନ ଓ୍ବାର୍ଡରେ ବୁଲି ବିଜେଡିର ଅଧ୍ୟକ୍ଷା ପ୍ରାର୍ଥିନୀ ଟି. ଲକ୍ଷ୍ମୀଙ୍କ ସମେତ ସମସ୍ତ କାଉନସିଲର ପ୍ରାର୍ଥୀ ଓ ପ୍ରାର୍ଥିନୀମାନଙ୍କ ନିମନ୍ତେ ପ୍ରଚାର କରିଛନ୍ତି।
ଏହି ରୋଡ୍ ଶୋ’ରେ ଛତ୍ରପୁର ନଗର ବିଜେଡି ସଭାପତି ବି. ରାଜୁବାବୁ, ଉପସଭାପତି ଅଟଳ ବିହାରୀ ପଟ୍ଟନାୟକ, ଯୁବ ବିଜେଡି ସଭାପତି ଟି. ଚନ୍ଦ୍ର ଶେଖର ରାଓ, ଜିଲା ପରିଷଦ ସଭ୍ୟ ଏମ୍. ଧନଞ୍ଜୟ ରେଡ୍ଡି, ଅହିଭୂଷଣ ସାହୁ, ପୂର୍ବତନ କାଉନସିଲର ରାଜେଶ କୁମାର ସାହୁ, କିଶୋର ଚନ୍ଦ୍ର ସେନାପତି, ବାଦଲ କୁମାର ପାଣ୍ଡି, ପୂର୍ବତନ ଏନ୍ଏସି ଉପାଧ୍ୟକ୍ଷ ପ୍ରଦୋଷ କୁମାର ବେହେରା, ୧ ନଂ ଓ୍ବାର୍ଡ କାଉନସିଲର ବିଜେଡି ପ୍ରାର୍ଥୀ ପି. ଜଗଦୀଶ କୁମାର, ୨ ନଂ ଓ୍ବାର୍ଡ କାଉନସିଲର ପ୍ରାର୍ଥୀ ଆଫତାବ ହୁସେନ, ୩ ଓ୍ବାର୍ଡ କାଉନସିଲର ପ୍ରାର୍ଥିନୀ ମାମା ସେଠୀ, ୪ ନଂ ଓ୍ବାର୍ଡ କାଉନସିଲର ପ୍ରାର୍ଥୀ ଜି. ପାପା ରାଓ, ୫ ନଂ ଓ୍ବାର୍ଡ କାଉନସିଲର ପ୍ରାର୍ଥିନୀ ଡି. ଇନ୍ଦୁ, ୭ ନଂ ଓ୍ବାର୍ଡ କାଉନସିଲର ପ୍ରାର୍ଥିନୀ ଏମ. ଓ୍ବାଣି ସେନାପତି, ୮ ନଂ ଓ୍ବାର୍ଡ କାଉନସିଲର ପ୍ରାର୍ଥୀ କେ. ରମେଶ, ୯ ନଂ ଓ୍ବାର୍ଡ କାଉନସିଲର ପ୍ରାର୍ଥିନୀ ପ୍ରୀତିଛନ୍ଦା ସାମଲ, ୧୦ ନଂ ଓ୍ବାର୍ଡ କାଉନସିଲର ପ୍ରାର୍ଥୀ ଏସ୍. ଜଗଦୀଶ ରାଓ, ୧୧ ନଂ ଓ୍ବାର୍ଡ କାଉନସିଲର ପ୍ରାର୍ଥିନୀ ସନ୍ତୋଷୀ ସେଠୀ, ୧୨ ନଂ ଓ୍ବାର୍ଡ କାଉନସିଲର ପ୍ରାର୍ଥିନୀ ବି. ନିଶ୍ଚଳା, ୧୩ ନଂ ଓ୍ବାର୍ଡ କାଉନସିଲର ପ୍ରାର୍ଥୀ ସୁମନ୍ତ କୁମାର ନାହାକ ଓ ୧୪ ନଂ ଓ୍ବାର୍ଡ କାଉନସିଲର ପ୍ରାର୍ଥୀ ପି. ତେଜାବତୀ ରାଓଙ୍କ ସମେତ ବହୁ ଦଳୀୟ ନେତା ଓ କର୍ମୀମାନେ ସାମିଲ ଥିଲେ।
