ଆଜିକାଲି ପ୍ରେମରେ ଧୋକା ଏକ ସାଧାରଣ ଘଟଣା ହୋଇଗଲାଣି। କେଉଁଠି ପ୍ରେମିକା ପ୍ରେମିକଙ୍କୁ ଧୋକା ଦେଲେଣି ତ ଆଉ କେଉଁଠି ପ୍ରେମିକ ପ୍ରେମିକାଙ୍କୁ ଛାଡି ଚାଲିଯିବା ଘଟଣା ସାମ୍ନାକୁ ଆସୁଛି। ନିକଟରେ ଚାଇନାରେ ସେମିତି ଏକ ମାମଲା ଘଟିଛି।
ଜଣେ ଚାଇନିଜ ଯୁବକ ତାଙ୍କ ଜନ୍ମଦିନରେ ନିଜ ପ୍ରେମିକାଙ୍କୁ ସରପ୍ରାଇଜ୍ ଦେବା ପାଇଁ ୧,୫୦୦ ମାଇଲ (ପ୍ରାୟ ୨୪୦୦ କିଲୋମିଟର) ଯାତ୍ରା ଆସିଥିଲେ। ସେ ତାଙ୍କ ଗର୍ଲଫ୍ରେଣ୍ଡରେ ପହଞ୍ଚିବା ମାତ୍ରେ ତାଙ୍କୁ ଅନ୍ୟ ଜଣେ ଯୁବକଙ୍କ ସହିତ ଦେଖିବାକୁ ପାଇଥିଲେ। ସମ୍ପୃକ୍ତ ଯୁବକ ଜଣଙ୍କ ଏକ ଟେଡି ବିୟର୍ ଶୁଟ ପିନ୍ଧିଥିଲେ ଏବଂ ତାଙ୍କୁ ସରପ୍ରାଇଜ୍ ଦେବା ପାଇଁ ଏକ ସର୍ବସାଧାରଣ ସ୍ଥାନରେ ତାଙ୍କୁ ଭେଟିବାକୁ ଯାଇଥିଲେ। ପ୍ରେମିକଙ୍କ ଜନ୍ମଦିନର ସରପ୍ରାଇଜ୍ ଯୋଜନା ଫସର ଫାଟିଯାଇଥିଲା। ଏହି ଘଟଣା କ୍ୟାମେରାରେ କଏଦ ହୋଇଯାଇଥିଲା।
ଏହି ଭିଡିଓ ଚାଇନାର ସୋସିଆଲ ମିଡିଆ ପ୍ଲାଟଫର୍ମ ୱାଇବୋ ଏବଂ ଚାଇନା ବାହାରେ ଟୁଇଟରରେ ଶେୟାର କରାଯାଇଛି। ଦୁର୍ଭାଗ୍ୟବଶତଃ ଘଟଣାର ଫଟୋ ମଧ୍ୟ ଇଣ୍ଟରନେଟରେ ଭାଇରାଲ ହୋଇଥିଲା। ଭିଡିଓରେ ଦର୍ଶାଯାଇଛି ଯେ ଜଣେ ମହିଳା ଦୋକାନ ଆଗରେ ଜଣେ ପୁରୁଷଙ୍କ ସହ କାନ୍ଧରେ ହାତ ପକାଇ ଯାଉଥିଲେ। ଏହି ସମୟରେ ବ୍ରାଉନ ଟେଡି ବିୟର୍ ଶୁଟ ପିନ୍ଧିଥିବା ଜଣେ ବ୍ୟକ୍ତି ଫ୍ରେମ ଭିତରକୁ ଆସି ସେମାନଙ୍କ ସାମ୍ନାରେ ଅଟକି ଗଲେ। ଟେଡି ବିୟର୍ ଶୁଟରେ ଥିବା ଯୁବକ ଜଣଙ୍କ ଦୋକାନ ଆଗରେ ଠିଆ ହୋଇଥିବା ସମ୍ପୃକ୍ତ ଯୋଡିଙ୍କ ଆଡକୁ ଚାହିଁ ରହିଥାନ୍ତି।
ଗର୍ଲଫ୍ରେଣ୍ଡ ପ୍ରେମିକଙ୍କୁ ଦେଖି ତାଙ୍କ ନିକଟକୁ ଦୌଡିଯାନ୍ତି। ପ୍ରେମିକଙ୍କ ବୁଝାଇବା ପାଇଁ ଚେଷ୍ଟା କରନ୍ତି। କିନ୍ତୁ ପ୍ରେମିକ ସେଠାରୁ ଚୁପଚାପ ଫେରି ଆସନ୍ତି।
