ପରଜଙ୍ଗ, ୧୯।୫ (ଡି.ଏନ୍.ଏ.) : ପରଜଙ୍ଗ ବ୍ଲକ କନ୍ଦରସିଂହା ପଞ୍ଚାୟତ ନୂଆଗଁାର ସୁମ ବେହେରା (୯୨)ଙ୍କ ମୃତଦେହ ମଙ୍ଗଳବାର ସନ୍ଧ୍ୟାରେ ମହୁଲପାଳ ପଞ୍ଚାୟତ କମଗରା ଘାଟ ନିକଟ ବ୍ରାହ୍ମଣୀ ନଦୀରୁ ମିଳିଛି। ସେ ଗତ ୧୫ ତାରିଖରୁ ନିଖୋଜ ଥିଲେ। ପଣ୍ଡୁଆ ଫାଣ୍ଡି ପୋଲିସ ମୃତଦେହ ଜବତ କରିବା ସହ ତଦନ୍ତ ଚଳାଇଛି। କାମାକ୍ଷାନଗର ଡାକ୍ତରଖାନାରେ ଶବ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରାଯାଇଛି। ବ୍ରାହ୍ମଣୀ ନଦୀ କୂଳରେ ସୁମଙ୍କ ଘର ହୋଇଥିବାରୁ ସେ ବୁଡ଼ିଯାଇଥିବା ସନ୍ଦେହ କରାଯାଉଥିଲା। ପୋଲିସ, ଅଗ୍ନିଶମ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଖୋଜାଖୋଜି ଜାରି ରହିଥିଲା। କନ୍ଦରସିଂହା ଗ୍ରାମରେ ଚନ୍ଦନଯାତ୍ରା ଚାଲିଥିବାବେଳେ ବୃଦ୍ଧାଙ୍କ ଏଭଳି ମୃତ୍ୟୁ ଶୋକାକୁଳ ପରିବେଶ ସୃଷ୍ଟି କରିଛି।
