ବିଭିନ୍ନ ପ୍ରକାର ପତ୍ରକୁ ବ୍ୟବହାର କରି ପ୍ରାକୃତିକ ଉପାୟରେ ସୌନ୍ଦର୍ଯ୍ୟ ବୃଦ୍ଧି କରିହେବ।
ବିଭିନ୍ନ ପ୍ରକାରର ପତ୍ରକୁ କିଭଳି ବ୍ୟବହାର କରିବେ ଜାଣି ରଖନ୍ତୁ…
କଦଳୀ ପତ୍ରକୁ ବାଟି ସେହି ପେଷ୍ଟକୁ ମୁହଁରେ ଲଗାଇଲେ ବ୍ରଣ ସମସ୍ୟା ଦୂର ହୋଇଥାଏ। ଶୀତ ଦିନେ ରୂପି ସମସ୍ୟା ଦୂର କରିବା ପାଇଁ ମଧ୍ୟ କଦଳୀ ପତ୍ରକୁ ବାଟି କେଶ ମୂଳରେ ଲଗାନ୍ତୁ। କଦଳୀ ପତ୍ରର ପେଷ୍ଟକୁ ଅଧଘଣ୍ଟା ପର୍ଯ୍ୟନ୍ତ କେଶ ମୂଳରେ ଲଗାଇ ଧୋଇ ଦିଅନ୍ତୁ। ସପ୍ତାହକୁ ଥରେ ଲେଖାଏଁ ଏପରି କଲେ ରୂପି ସମସ୍ୟା ରହିବ ନାହିଁ।
ପାନ ପତ୍ରକୁ ସିଝାଇ ସେହି ପାଣିରେ ହଳଦୀ ମିଶାଇ ମୁହଁରେ ଲଗାଇଲେ ବ୍ରଣ ସମସ୍ୟା ଦୂର ହେବା ସହିତ ତ୍ୱଚାର ଉଜ୍ଜ୍ୱଳତା ବୃଦ୍ଧି ପାଇଥାଏ।
ପାନପତ୍ରକୁ ବାଟି ନଡିଆ ତେଲରେ ମିଶାଇ କେଶ ମୂଳରେ ଲଗାଇ ଘଣ୍ଟାଏ ପର୍ଯ୍ୟନ୍ତ ଛାଡି ଦିଅନ୍ତୁ। ଏହାପରେ ଧୋଇ ଦିଅନ୍ତୁ। ଏପରି କଲେ କେଶ ଝଡ଼ିବା କମିଯିବ।
ତୁଳସୀ ପତ୍ରକୁ ସିଝାଇ ସେହି ପାଣିକୁ ବରଫ ଖଣ୍ଡରେ ପରିଣତ କରି ଦିଅନ୍ତୁ। ଏହାକୁ ପତଳା କପଡାରେ ମୁହଁରେ ଘଷିଲେ ମୁହଁରୁ ସମସ୍ତ ବ୍ରଣ ଓ ଦାଗ ଦୂର ହେବା ସହିତ ଉଜ୍ଜ୍ୱଳତା ବଢ଼ିବ। ତୁଳସୀ ପତ୍ରକୁ ବାଟି ପାଣିରେ ମିଶାଇ ସେଥିରେ ମୁହଁ ଧୋଇଲେ ତାହା ଫେଶ୍ ୱାଶ୍ ଭଳି କାମ ଦେଇଥାଏ।
ଭୃସଙ୍ଗ ପତ୍ରକୁ ବାଟି ସେହି ପେଷ୍ଟକୁ ମୁହଁରେ ଲଗାଇଲେ ବ୍ରଣ ସମସ୍ୟା ଦୂର ହେବା ସହିତ ତ୍ୱଚାର ସୁନ୍ଦରତା ବଢ଼ିଥାଏ।
ମେଥିପତ୍ରକୁ ବାଟି ମୁହଁରେ ଅଧଘଣ୍ଟା ପର୍ଯ୍ୟନ୍ତ ଲଗାଇ ରଖନ୍ତୁ। ଶୁଖିଗଲା ପରେ ମୁହଁକୁ ଥଣ୍ଡା ପାଣିରେ ଧୋଇ ଦିଅନ୍ତୁ। ଏପରି କଲେ ତ୍ୱଚାରେ ବ୍ରଣ ଓ ଦାଗ ଦୂର ହେବା ସହିତ ତ୍ୱଚାର ଚମକ ବୃଦ୍ଧି ପାଇବ।
