କେନ୍ଦୁଝର ୫।୧୧ (ନରେଶ ଚନ୍ଦ୍ର ପଟ୍ଟନାୟକ): ସଦର ବ୍ଲକ ଖମଣଗୋଡା ସାହି, ଗୋବିନ୍ଦପୁର ସ୍ଥିତ ପ୍ରୟାସ ସେବାଗ୍ରାମଠାରେ ଅବସ୍ଥିତ ଶିରିଡି ସାଇ ମନ୍ଦିରରେ କେନ୍ଦୁଝର ଡ୍ରାମା ସ୍କୁଲ ପ୍ରଯୋଜିତ କ୍ଷୁଦ୍ର ଚଳଚ୍ଚିତ୍ର ‘ଡାକ୍ତର ଫେରିଛି’ର ଶୁଭ ମହୁରତ ଅନୁଷ୍ଠିତ ହୋଇଯାଇଛି। ମହୁରତ କାର୍ଯ୍ୟକ୍ରମରେ ସମ୍ଭାବନା ପରିବାର ମୁଖ୍ୟ ସୌମ୍ୟଶଙ୍କର ଚକ୍ର (ରାଜା), ସିଟିଜି ଗ୍ରୁପ ଅଧ୍ୟକ୍ଷ ଡକ୍ଟର ରାଜେନ୍ଦ୍ର ପଲେଇ, ଘଣା ହସ୍ପିଟାଲ ମୁଖ୍ୟ ଡକ୍ଟର ସଞ୍ଜୀବ ଘଣା, ଓଲିଉଡ ଅଭିନେତା ଚିତ୍ତରଞ୍ଜନ ବିଶ୍ବାଳ, ବିନୟ ପଟ୍ଟନାୟକ, ପାର୍ଥ ମିଶ୍ର, ନିର୍ମଳ ଚନ୍ଦ୍ର ବାରିକ, ଦେବବ୍ରତ ପାଢୀ, ଚିତ୍ରଶିଳ୍ପୀ ଭୁବନ ମୋହନ ତ୍ରିପାଠୀ, ଡ୍ରାମା ସ୍କୁଲ ମୁଖ୍ୟ ଡକ୍ଟର ଗଣପତି, ପ୍ରୟାସ ପରିବାର ମୁଖ୍ୟ ଚଣ୍ଡୀପ୍ରସାଦ ପଟ୍ଟନାୟକ, ଭରସା ପରିବାର ମୁଖ୍ୟ ଲମ୍ବୋଦର ମହାନ୍ତ, କେନ୍ଦୁଝର ଖବର ସମ୍ପାଦକ ଦେବୀଶଂକର ଦାଶ, ରକ୍ତଦାତା ରାଜେଶ କୁମାର ରଣା, ରେଡିଓ ଜୁହାର ସଞ୍ଚାଳକ ସୁଶ୍ରୀ ସଙ୍ଗୀତା ଦେଓ ପ୍ରମୁଖ ଉପସ୍ଥିତ ଥିଲେ। ପ୍ରୟାସ ପରିବାର ନିବେଦିତ ଏହି କ୍ଷୁଦ୍ର ଚଳଚ୍ଚିତ୍ରର କାହାଣୀ ଜନଜାତିଙ୍କ ଜୀବନ ଉପରେ ଆଧାରିତ ହୋଇଥିବା ବେଳେ ଅଙ୍କିତ ମହାପାତ୍ର ଏହାର ନିର୍ଦ୍ଦେଶନା ଦେଉଛନ୍ତି ଓ ଏହାର ବିଭିନ୍ନ ଭୂମିକାରେ ଲିପି, ଖୁସି, ଦୀପା, ସତ୍ୟ, ଦିବ୍ୟାଂଶୁ, ଟୁଟୁ, ଜ୍ୟୋତି, ରାଜେଶ ଓ ସୁଶ୍ରୀ ଅଭିନୟ କରୁଛନ୍ତି। ବଣଜଙ୍ଗଲ ଘେରା କେନ୍ଦୁଝରର ଆଖପାଖ ଅଞ୍ଚଳରେ ଫିଲ୍ମର ସୁଟିଂ କରାଯିବ ବୋଲି ଜଣାପଡିଛି ।
