ବିନା ଅନୁମତିରେ ଛୁଟି ରହିବା ପଡ଼ିଲା ମହଙ୍ଗା: ନିଲମ୍ବିତ ହେଲେ ଶିକ୍ଷକ

 ନବରଙ୍ଗପୁର,୧୩।୨(ସଦାଶିବ ପ୍ରହରାଜ): ସରକାରୀ ନିଯୁକ୍ତି ଆଇନ ଓ ବ୍ୟବସ୍ଥାକୁ ଅଣଦେଖା। ଚାକିରୀରେ ଥାଇ ବିନା ଉପରିସ୍ଥ ଅଧିକାରୀଙ୍କ ଅନୁମତିରେ ଛୁଟିରେ ରହିବା ସହ ନିୟମିତ ବିଏଡ୍‌ ପଢୁଛନ୍ତି। ଏକ ବର୍ଷରୁ ଊର୍ଦ୍ଧ୍ୱ ବିଦ୍ୟାଳୟରେ ଅନୁପସ୍ଥିତ ରହିଲେ। ଫଳରେ ପିଲାଙ୍କ ଶିକ୍ଷା ଅଧିକାର କ୍ଷୁର୍ଣ୍ଣ ହେଲା। ସିଆରସିସି, ଏବିଇଓ ଏବଂ ବିଇଓ ସମସ୍ତେ ବିଦ୍ୟାଳୟ ପରିଚାଳନା, ପାଠପଢ଼ା, ଶିକ୍ଷକଙ୍କ ଛୁଟି ଓ ଅନୁମତି ଆଦି ଜାଣିବା ଜରୁରୀ। କିନ୍ତୁ ଏହି ନିୟମ ଖିଲାପ କରିବା ଅଭିଯୋଗରେ ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ହିର୍ଲି ଉନ୍ନୀତ ପ୍ରାଥମିକ ବିଦ୍ୟାଳୟ ଶିକ୍ଷକ ଚରଣ ସିଂ ହରିଜନଙ୍କୁ ନିଲମ୍ବିତ କରାଯାଇଛି।
ସୂଚନାନୁଯାୟୀ, ଶିକ୍ଷକ ଚରଣ ସିଂ ହରିଜନ ୨୦୨୩ ଜୁଲାଇ ୨୭ରୁ ବିନା ଛୁଟିରେ ରହିଛନ୍ତି। ସେ ଡାବୁଗାଁ ନିର୍ବାଚନ ମଣ୍ଡଳୀର ବୁଥ ନମ୍ବର ୨୨୩ର ବିଏଲଓ ଭାବେ ମଧ୍ୟ ନିୟୋଜିତ। ସେ ଭବାନୀପାଟଣାରେ ନିୟମିତ ବିଏଡ୍‌ କରୁଛନ୍ତି। ଏ ନେଇ ସେ ବିଇଓ, ଡିଇଓ ଏବଂ ବିଦ୍ୟାଳୟ ଓ ଗଣଶିକ୍ଷା ବିଭାଗର ଅନୁମତି ମଧ୍ୟ ନେଇନାହାନ୍ତି।
ବିନା ଅନୁମତି ଓ ଛୁଟିରେ ଜଣେ ଶିକ୍ଷକ କିଭଳି ବିଏଡ୍‌ କରିବାକୁ ଗଲେ ତାହାକୁ ନେଇ ବୁଦ୍ଧିଜୀବୀ ପ୍ରଶ୍ନ କରିଛନ୍ତି। ଯଦି ସେ ବିଏଡ୍‌ ପାଇଁ ପରୀକ୍ଷା ଦେଇ ଚୟନ ହୋଇ ଜଏନ କରିଛନ୍ତି ତଥାପି ମଧ୍ୟ ପ୍ରଶାସନିକ ଅନୁମତି ନେଇ ନାହାନ୍ତି। ଯାହା  ସରକାରୀ ନିଯୁକ୍ତି ଆଇନକୁ  ଅଣଦେଖା କରୁଥିବା ଅଭିଯୋଗ ହୋଇଛି। ବିଦ୍ୟାଳୟରେ ପିଲାମାନଙ୍କୁ ଗୁଣାତ୍ମକ ଶିକ୍ଷା ଦେବା ଛାତ୍ରୀଛାତ୍ରଙ୍କ କର୍ତ୍ତବ୍ୟ। କିନ୍ତୁ ଶିକ୍ଷକ ଜଣଙ୍କ ବିନା ଅନୁମତିରେ ବିଏଡ୍‌ କରିବା ଦ୍ୱାରା ପିଲାଙ୍କ ପଢ଼ାରେ କ୍ଷତି ହୋଇଛି। ଘଟଣା ସମ୍ପର୍କରେ ଡିଇଓ ଛତ୍ରପତି ସାହୁ ଜାଣି ଏଡିଇଓ ରେଶମଲାଲ ନାୟକଙ୍କୁ ତଦନ୍ତ ନିର୍ଦ୍ଦେଶ ଦେଇଥିଲେ। ଏଡିଇଓ ନାୟକ ତଦନ୍ତ ରିପୋର୍ଟ ଦେଲେଯେ, ଶିକ୍ଷକ ଚରଣ ସିଂ ୨୦୨୩ ଜୁଲାଇ ୨୭ରୁ ବିନା ଛୁଟି ଓ ବିନା ଅନୁମତିରେ ବିଏଡ୍‌ କରୁଛନ୍ତି। ଦରମା ପାଉନଥିଲେ ମଧ୍ୟ ୨୦୨୩ ଜୁଲାଇ ମାସର ଦରମା ପାଇଛନ୍ତି।
ଡାବୁଗାଁ ନିର୍ବାଚନ ମଣ୍ଡଳୀର ବୁଥ୍‌ ନମ୍ବର ୨୨୩ର ବିଏଲ୍‌ଓ ଦାୟିତ୍ୱରେ ରହିଛନ୍ତି। ଏଡିଇଓଙ୍କ ଏହି ରିପୋର୍ଟ ପରେ ଡିଇଓ ଶିକ୍ଷକ ଚରଣ ସିଂ ହରିଜନଙ୍କୁ ନିଲମ୍ବିତ କରିବାକୁ ପାପଡ଼ାହାଣ୍ଡି ବିଇଓ ସୌମେନ୍ଦ୍ର ଭୌମିକଙ୍କୁ ନିର୍ଦ୍ଦେଶ ଦେଇଥିଲେ। ବିଇଓ ୬ ତାରିଖରେ ଚିଠି ନମ୍ବର ୨୪୧ରେ ଶିକ୍ଷକଙ୍କୁ ନିଲମ୍ବିତ କରିଛନ୍ତି।
ଏନେଇ ଜିଲା ନିର୍ବାଚନ ବିଭାଗରେ ପଚାରିବା ପରେ ଚରଣ ସିଂ ବିଏଲ୍‌ଓ ଦାୟିତ୍ୱରେ ଥିବା ଯୋଗୁ ୬୦ ପ୍ରତିଶତ ଭାବେ ୪୨୦୦ ଟଙ୍କା ସହାୟତା ପାଇଛନ୍ତି। ଆଉ ୪୦ ପ୍ରତିଶତ ୨୮୦୦ ଟଙ୍କା ଆକାଉଣ୍ଟକୁ ଯିବ ବୋଲି ଜଣାପଡିଛି। ଶିକ୍ଷକ ଜଣଙ୍କ ସ୍କୁଲରେ ଅନୁପସ୍ଥିତ ରହୁଥିବାବେଳେ ବିଏଲଓ ଦାୟିତ୍ୱରେ ରହି କିଭଳି ନିର୍ବାଚନ ସଂକ୍ରାନ୍ତୀୟ କାର୍ଯ୍ୟ ତୁଲାଇଲେ ତାହା ତଦନ୍ତ ସାପେକ୍ଷ ବୋଲି ବୁଦ୍ଧିଜୀବୀ କହିଛନ୍ତି।
ନିୟାମାନୁଯାୟୀ ବିଇଓ ବିଏଲ୍‌ଓ ନିଯୁକ୍ତ କରି ବିଡିଓଙ୍କୁ ନାମ ପ୍ରଦାନ କରନ୍ତି। ବିଡିଓ ତାହାକୁ ଇଆର୍‌ଓଙ୍କୁ ପଠାଇଥାନ୍ତି। ଉକ୍ତ ତାଲିକା ଜିଲା ନିର୍ବାଚନ ବିଭାଗକୁ ଆସିବା ପରେ ନିର୍ବାଚନ କମିଶନରଙ୍କ ନିର୍ଦ୍ଦେଶ କ୍ରମେ ବିଏଲ୍‌ଓ ପ୍ରାପ୍ୟ ପାଇଥାନ୍ତି। ଦୀର୍ଘ ଦେଢ଼ ବର୍ଷ ହେବ ବିଦ୍ୟାଳୟକୁ ଆସୁ ନ ଥିବା ଶିକ୍ଷକ କିଭଳି ବିଏଲ୍‌ଓ ଦାୟିତ୍ୱ ତୁଲାଇଲେ। ସିଆର୍‌ସିସି, ଏବିଇଓ, ବିଇଓ ଏ ସମ୍ପର୍କରେ କିଭଳି ଜାଣି ପାରିଲେ ନାହିଁ ଏହି ସବୁର ତଦନ୍ତ କରିବାକୁ ବୁଦ୍ଧିଜୀବୀ ଦାବି କରିଛନ୍ତି।

Enter your email to get our daily news in your inbox.

All Right Reserved By Dharitri.Com

ବିନା ଦର୍ଶକରେ ଖେଳାଯିବ PSL ମ୍ୟାଚ୍, ଏହି କାରଣରୁ ନିଆଗଲା ବଡ଼ ନିଷ୍ପତ୍ତି

ନୂଆଦିଲ୍ଲୀ,୨୨।୩: ପାକିସ୍ତାନ ସୁପର ଲିଗ୍ (PSL)ର ନୂତନ ସିଜିନ୍ ମାର୍ଚ୍ଚ ୨୬ ରେ ଆରମ୍ଭ ହେବାକୁ ଯାଉଛି । ସିଜିନ୍ ଆରମ୍ଭ ହେବା ପୂର୍ବରୁ, PCB ଟୁର୍ଣ୍ଣାମେଣ୍ଟ…

ସରକାରୀ ଜମି ଜବରଦଖଲ, ଚୌରଗଡ଼ିଆ ଗ୍ରାମରେ ତୀବ୍ର ଜନଅସନ୍ତୋଷ

ବଞ୍ଚୋ,୨୨।୩(ପ୍ରଦୋଷ କୁମାର ବିଶ୍ୱାଳ ): କେନ୍ଦୁଝର ଜିଲା ଆନନ୍ଦପୁର ଉପଖଣ୍ଡ ଚୋରଗାଡ଼ିଆ ଗ୍ରାମରେ ସରକାରୀ ଜମି ଜବରଦଖଲକୁ ନେଇ ଜନଅସନ୍ତୋଷ ଦେଖାଦେଇଛି । ଗ୍ରାମବାସୀଙ୍କ ଅଭିଯୋଗ ଅନୁସାରେ,…

ବାଇକ୍‌ ଦୁର୍ଘଟଣାରେ ଚାଲିଗଲା ଯୁବତୀ, ଯୁବକଙ୍କ ଜୀବନ

ମୁନିଗୁଡ଼ା,୨୨।୩: ରାୟଗଡ଼ା ଜିଲା ବିଷମକଟକ ଥାନା ଚାଟିକଣାଠାରେ ରବିବାର ଏକ ଦୁର୍ଘଟଣା ଘଟିଛି। ଦୁର୍ଘଟଣାରେ ଜଣେ ଯୁବତୀ ଏବଂ ଯୁବକଙ୍କ ମୃତ୍ୟୁ ଘଟିଛି। ହେଲେ ସେମାନଙ୍କ ପରିଚୟ…

ଇରାନ ସହ ଯୁଦ୍ଧ ମଧ୍ୟରେ ବଡ଼ ବୟାନ ଦେଲେ ଟ୍ରମ୍ପ! ଜାଣନ୍ତୁ ତେହରାନକୁ ନେଇ କ’ଣ କହିଲେ

ଓ୍ବାଶିଂଟନ,୨୨।୩: ଇରାନ ସହିତ ଚାଲିଥିବା ବିବାଦ ମଧ୍ୟରେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ ସୋସିଆଲରେ ଏକ ପୋଷ୍ଟରେ ଦେଶ ସମ୍ପର୍କରେ ଏକ…

ବିଶ୍ୱ ଜଳ ଦିବସ ସମାରୋହ ୨୦୨୬ ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ, ବଡ଼ ଘୋଷଣା କରି…..

ଭୁବନେଶ୍ବର,୨୨।୩: ରାଜ୍ୟ ସ୍ତରୀୟ ବିଶ୍ୱ ଜଳ ଦିବସ ସମାରୋହ ୨୦୨୬ ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଲୋକସେବା ଭବନ କନଭେନଶନ ସେଣ୍ଟର ଠାରେ…

ମନ୍ଦିରରୁ ରୂପା ଅଳଙ୍କାର ନେଇଗଲେ ଦୁର୍ବୃତ୍ତ, ପୋଲିସ….

ଛତ୍ରପୁର,୨୨।୩(ଦିଲ୍ଲୀପ ସାମଲ): ଗଞ୍ଜାମ ଜିଲା ଚମଖଣ୍ଡି ଥାନା ଅଧୀନ ମାଣ୍ଡିଆପଲ୍ଲୀରେ ଥିବା ସିରିଡ଼ି ସାଇ ବାବା ମନ୍ଦିରରୁ ଚୋରି । କେହି ଦୁର୍ବୃତ୍ତ ମନ୍ଦିରରୁ ରୂପା ଚୋରି…

ଛାତିଥରା କାହାଣୀ, ପ୍ରେମିକ ସହ ମିଶି ଶାଶୁଙ୍କୁ ହତ୍ୟା କଲେ ୪୪ ବର୍ଷୀୟ ବୋହୂ

ଲକ୍ଷ୍ନୌ,୨୨।୩: ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌରେ, ଜଣେ ୬୫ବର୍ଷୀୟା ମହିଳାଙ୍କୁ ତାଙ୍କ ନିଜ ଘର ଭିତରେ ଗଳାକାଟି ହତ୍ୟା କରାଯାଇଥିବା ନେଇ ଅଭିଯୋଗ ହୋଇଛି । ଲକ୍ଷ୍ନୌ…

ଯାତ୍ରୀବହୀ ବସ୍‌ ଦୁର୍ଘଟଣାଗ୍ରସ୍ତ: ୪ ଆହତ

ବାଲେଶ୍ୱର୨୨।୩(ବାଞ୍ଛାନିଧି ଦେ): ବାଲେଶ୍ୱର ୧୬ ନଂ ଜାତୀୟ ରାଜପଥର ବସ୍ତା ଥାନା ଭେଲୋରା ଛକ ନିକଟରେ ରବିବାର ଏକ ଯାତ୍ରୀବାହି ବସ ଦୁର୍ଘଟଣାଗ୍ରସ୍ତ ହୋଇଛି l ଫଳରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala

Model This Week

ପିଲାଙ୍କ ଧରିତ୍ରୀ

Why Dharitri