ନୂଆଦିଲ୍ଲୀ,୨୯।୭: ଟି -୨୦ ବିଶ୍ୱକପ ୨୦୨୪ ସମ୍ବନ୍ଧରେ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିଛି। ମିଡିଆ ରିପୋର୍ଟ ଅନୁଯାୟୀ, ଆସନ୍ତା ବର୍ଷ ଖେଳାଯିବାକୁ ଥିବା ଟି -୨୦ ବିଶ୍ୱକପ ଜୁନରେ ଖେଳାଯାଇପାରେ। ଏହି ଟୁର୍ନାମେଣ୍ଟରେ ମୋଟ ୨୦ଟି ଦଳ ଅଂଶଗ୍ରହଣ କରିବେ। ଏହାପୂର୍ବରୁ ୨୦୨୨ରେ ଖେଳାଯାଇଥିବା ବିଶ୍ୱକପରେ ଇଂଲଣ୍ଡ ଦଳ ଫାଇନାଲରେ ପାକିସ୍ତାନକୁ ପରାସ୍ତ କରି ଚାମ୍ପିୟନ ହୋଇଥିଲା। ସେହିପରି ଟିମ ଇଣ୍ଡିଆକୁ ସେମିଫାଇନାଲରୁ ବାହାରି ଯାଇଥିଲା।
ରିପୋର୍ଟ ଅନୁଯାୟୀ, ୨୦୨୪ ଟି -୨୦ ବିଶ୍ୱକପ ଜୁନ ୪ରୁ ୩୦ପର୍ଯ୍ୟନ୍ତ ଖେଳାଯାଇପାରେ। ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ୱେଷ୍ଟଇଣ୍ଡିଜ ଏବଂ ଆମେରିକା ବିଶ୍ୱକପ ଆୟୋଜନ କରିବେ। ୧୦ଟି ସ୍ଥାନରେ ବିଶ୍ୱକପ ଖେଳାଯିବ। ଆଇସିସି ଏହି ସପ୍ତାହରେ ଆମେରିକାର କେତେକ ମନୋନୀତ ସ୍ଥାନ ଯାଞ୍ଚ କରିଛି। ଆମେରିକା ଏକ ବିଶ୍ୱସ୍ତରୀୟ ଟୁର୍ନାମେଣ୍ଟ ଆୟୋଜନ କରିବାରେ ଏହା ପ୍ରଥମ ହେବ।
୨୦ଟି ଟିମ ଟୁର୍ନାମେଣ୍ଟରେ ସାମିଲ ହେବେ। ଯେଉଁଥିରେ ଏହି ସପ୍ତାହରେ ଆୟର୍ଲାଣ୍ଡ, ସ୍କଟଲ୍ୟାଣ୍ଡ ଏବଂ ପାପୁଆ ନ୍ୟୁ ଗିନି ସହିତ ଆଇସିସିର ଆଞ୍ଚଳିକ ଯୋଗ୍ୟତା ମାଧ୍ୟମରେ ୨୦ ଟିମ ବିଶ୍ୱକପ ପାଇଁ ଯୋଗ୍ୟତା ହାସଲ କରିଛନ୍ତି। ଏହା ବ୍ୟତୀତ ଏବେ ପର୍ଯ୍ୟନ୍ତ ଅଷ୍ଟ୍ରେଲିଆ, ଇଂଲଣ୍ଡ, ଭାରତ, ନେଦରଲ୍ୟାଣ୍ଡ, ନ୍ୟୁଜିଲ୍ୟାଣ୍ଡ, ପାକିସ୍ଥାନ, ଦକ୍ଷିଣ ଆଫ୍ରିକା, ଶ୍ରୀଲଙ୍କା, ଆଫଗାନିସ୍ତାନ, ବାଂଲାଦେଶ, ୱେଷ୍ଟଇଣ୍ଡିଜ ଏବଂ ଆମେରିକାର ଦଳ ଯୋଗ୍ୟତା ହାସଲ କରିଛନ୍ତି।
ଆଞ୍ଚଳିକ ଯୋଗ୍ୟତା ପର୍ଯ୍ୟାୟ ପୂର୍ବରୁ ୧୨ ଟି ଦଳ ବିଶ୍ୱକପ ପାଇଁ ଯୋଗ୍ୟତା ହାସଲ କରିସାରିଛନ୍ତି। ଏଥିରେ ହୋଷ୍ଟ ୱେଷ୍ଟଇଣ୍ଡିଜ ଏବଂ ଆମେରିକା ଅନ୍ତର୍ଭୁକ୍ତ। ଏହା ବ୍ୟତୀତ, ଟି -୨୦ ବିଶ୍ୱକପ ୨୦୨୨ର ଶ୍ରେଷ୍ଠ ୮ ଦଳ ହେଉଛି- ଅଷ୍ଟ୍ରେଲିଆ, ଇଂଲଣ୍ଡ, ଭାରତ, ନେଦରଲ୍ୟାଣ୍ଡ, ନ୍ୟୁଜିଲ୍ୟାଣ୍ଡ, ପାକିସ୍ଥାନ, ଦକ୍ଷିଣ ଆଫ୍ରିକା ଏବଂ ଶ୍ରୀଲଙ୍କା। ଯେଉଁଠାରେ ଆଫଗାନିସ୍ତାନ ଏବଂ ବାଂଲାଦେଶ ଟି -୨୦ ଅନ୍ତର୍ଜାତୀୟ ମାନ୍ୟତା ଆଧାରରେ ଯୋଗ୍ୟତା ହାସଲ କରିଛନ୍ତି।
