ଭୁବନେଶ୍ୱର,୪।୧୦:ବ୍ୟାଙ୍କ ଅଫ୍ ଇଣ୍ଡିଆ (ବିଓଆଇ)ର ଭୁବନେଶ୍ୱର ଅଞ୍ଚଳ ପକ୍ଷରୁ ସ୍ବଚ୍ଛ ଭାରତ ଅଭିଯାନ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ବିଓଆଇର ଆଞ୍ଚଳିକ ପ୍ରବନ୍ଧକ ଏସ୍ ମଳୟ ଦାସ, ଉପ-ଆଞ୍ଚଳିକ ପ୍ରବନ୍ଧକ ଅଶୋକ କୁମାର ଜେନାଙ୍କ ସମେତ ଆଞ୍ଚଳିକ କାର୍ଯ୍ୟାଳୟର ଅନ୍ୟ ଅଧିକାରୀ ଓ କର୍ମଚାରୀମାନେ ଅଂଶଗ୍ରହଣ କରିଥିଲେ। ବିଶେଷ କରି ବ୍ୟାଙ୍କର କର୍ମଚାରୀମାନେ ଆଞ୍ଚଳିକ କାର୍ଯ୍ୟାଳୟ ପରିସର ନିକଟବର୍ତ୍ତୀ ଅଞ୍ଚଳଗୁଡିକ ସଫାସୁତରା କରିବା ସହ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ‘ସ୍ବଚ୍ଛତା ହିଁ ସୁରକ୍ଷା’ ଉପରେ ଏକ ମୋଟର ସାଇକେଲ ରାଲିର ମଧ୍ୟ ଆୟୋଜନ କରାଯାଇଥିଲା। ଏହି ପରିପ୍ରେକ୍ଷୀରେ ଆଞ୍ଚଳିକ ପ୍ରବନ୍ଧକ ଏବଂ ଉପ-ଆଞ୍ଚଳିକ ପ୍ରବନ୍ଧକ ବିଏମ୍ସିର ସଫେଇ କର୍ମଚାରୀମାନଙ୍କୁ ଟି-ଶାର୍ଟ ଓ ଖାଦ୍ୟ ବଣ୍ଟନ କରିଥିଲେ। ଏପରିକି ସହରରେ ସ୍ବଚ୍ଛତା ବଜାୟ ରଖିଥିବାରୁ ସଫେଇ କର୍ମଚାରୀମାନଙ୍କ ଉଦ୍ୟମକୁ ବ୍ୟାଙ୍କ କର୍ତ୍ତୃପକ୍ଷ ପ୍ରଶଂସା କରିଥିଲେ।
