ଆବଶ୍ୟକ ସାମଗ୍ରୀ: ସୁଜି- ୧ କପ୍, ମଇଦା- ୧/୪ କପ୍, ଘୋଳ ଦହି- ୧/୨ କପ୍, ବେକିଂ ପାଉଡ଼ର ୧/୨ ଛୋଟ ଚାମଚ, ଚିମୁଟାଏ ଅରେଞ୍ଜ ଫୁଡ୍ କଲର, ଚିନି- ୧.୫ କପ୍, ୧ ଚାମଚ ଲେମ୍ବୁ ରସ, ୪ଟି ଗୁଜୁରାତିର ଗୁଣ୍ଡ, ଛାଣିବା ପାଇଁ ତେଲ।
ପ୍ରସ୍ତୁତି ପ୍ରଣାଳୀ: ଏକ ପାତ୍ରରେ ସୁଜି, ମଇଦା, ଫୁଡ୍ କଲର, ଦହିକୁ ଭଲ ଭାବେ ମିଶାଇ ଦିଅନ୍ତୁ। ସେଥିରେ ୩/୪ କପ୍ ପାଣି ମିଶାଇ ବହଳିଆ ପେଷ୍ଟ କରିଦିଅନ୍ତୁ। ଏହାକୁ ଘୋଡ଼ାଇ ୨୫ମିନିଟ୍ରୁ ଅଧଘଣ୍ଟା ପର୍ଯ୍ୟନ୍ତ ଛାଡ଼ି ଦିଅନ୍ତୁ।
ଅନ୍ୟ ଏକ ପାତ୍ର ଚୁଲାରେ ବସାଇ ସେଥିରେ ଚିନି ଏବଂ ୨.୫ କପ୍ ପାଣି ଦେଇ ଫୁଟାନ୍ତୁ। ଏହାକୁ ଧୀରେ ଧୀରେ ଗୋଳାନ୍ତୁ। ମିଶ୍ରଣ ବହଳିଆ ହୋଇଗଲେ ଏକ ଚାମଚ୍ରେ କାଢି ଥଣ୍ଡା କରନ୍ତୁ ଏବଂ ଦୁଇଟି ଟିପ ସାହାଯ୍ୟରେ ଦେଖନ୍ତୁ ଯଦି ଏହା ଅଠାଳିଆ ଲାଗୁଛି ତେବେ ଚୁଲା ବନ୍ଦ କରିଦିଅନ୍ତୁ। ଏଥିରେ ଗୁଜୁରାତି ଗୁଣ୍ଡ ଏବଂ ଲେମ୍ବୁ ରସ ପକାଇ ଭଲ ଭାବେ ମିଶାଇ ଦିଅନ୍ତୁ।
ମିଶ୍ରଣ ଫୁଲି ଯିବା ପରେ ସେଥିରେ ବେକିଂ ପାଉଡର ପକାଇ ମିଶାଇ ଦିଅନ୍ତୁ। କପଡ଼ାରେ ଏକ କୋନ୍ ପ୍ରସ୍ତୁତ କରି ସେଥିରେ ଏହି ମିଶ୍ରଣକୁ ପୁରାନ୍ତୁ। କୋନ୍ ତଳେ ଛୋଟ କଣା କରନ୍ତୁ। ଏକ କଡ଼େଇରେ ଛାଣିବା ଲାଗି ତେଲ କିମ୍ବା ଘିଅ ଗରମ କରନ୍ତୁ। ଗରମ ହେବା ପରେ ସେଥିରେ ଧୀରେ ଧୀରେ ଜିଲାପି ମିଶ୍ରଣକୁ ଗୋଲ ଗୋଲ କରି ପକାନ୍ତୁ। ଏହାର ରଙ୍ଗ ହାଲୁକା ବ୍ରାଉନ ହେଲେ ଛାଣି ପୂର୍ବରୁ ପ୍ରସ୍ତୁତ କରିଥିବା ସିରାରେ ପକାନ୍ତୁ। ପ୍ରସ୍ତୁତ ହୋଇଗଲା ଗରମ ଗରମ ଜଲେବି। ଏହାକୁ ପ୍ଲେଟ୍ରେ କାଢ଼ି ସର୍ଭ କରନ୍ତୁ।
