ଚେନ୍ନାଇ: ମେଗାଷ୍ଟାର ସୂର୍ଯ୍ୟାଙ୍କ ଫିଲ୍ମକୁ ତାଙ୍କ ପ୍ରଶଂସକ ବଡ ଉତ୍ସୁକତାର ସହ ଅପେକ୍ଷା ରଖିଥାଆନ୍ତି। ତାଙ୍କ ଅପକମିଂ ମୁଭି ‘କାଂଗୁଭା’କୁ ବି ବେଶ କିଛିଦିନ ହେବ ଦର୍ଶକେ ଅପେକ୍ଷା କରି ରହିଛନ୍ତି। ଏବେ ଏହାର ଟିଜର ରିଲିଜ କରି ମେକର୍ସ ତାଙ୍କ ଫ୍ୟାନଙ୍କ ଅପେକ୍ଷାକୁ ଆହୁରି ବଢାଇ ଦେଇଛନ୍ତି। ଗ୍ରୀନ କେ.ଇ. ଜ୍ଞାନଭେଲରାଜା ଷ୍ଟୁଡିଓ ୟୁଭି କ୍ରିଏଶନ୍ସ ଭାମସି-ପ୍ରମୋଦଙ୍କ ସହଯୋଗରେ ଏହି ମୁଭିର ନିର୍ମାଣ କରାଯାଇଛି। ଶିବା ଏହାର ନିର୍ଦ୍ଦେଶନା ଦେଇଛନ୍ତି। ତେବେ ସୂର୍ଯ୍ୟାଙ୍କ ଜନ୍ମଦିନର ଶୁଭ ଅବସରରେ ଫ୍ୟାନ୍ସଙ୍କୁ ଏହି ମୁଭିର ପ୍ରଥମ ଝଲକ ଦେଖାଯାଇଛି।
ଫିଲ୍ମର ଟିଜର ରିଲିଜ ହେବା ପରେ ଫିଲ୍ମକୁ ନେଇ ଦର୍ଶକଙ୍କ ଉତ୍କଣ୍ଠା ବଢି ଯାଇଛି। ଦୁଇ ମିନିଟର ଏହି ଟିଜର ଖୁବ ଏକ୍ସାଇଟିଂ ହୋଇଛି। ଏହି ମୁଭିରେ ସୂର୍ଯ୍ୟାଙ୍କ ବ୍ୟତୀତ ଦିଶା ପାଟନି, ଯୋଗୀ ବାବୁ, କିଙ୍ଗସଲେ, କୋଭଇ ସରଲା, ଆନନ୍ଦ ରାଜଙ୍କ ଭଳି କଳାକାର ସେମାନଙ୍କ ଆକ୍ଟିଂର ଜଲଓ୍ବା ଦେଖାଇବେ। ଟିଜରରେ ଏକ ଅଞ୍ଚଳ ନଜର ଆସୁଛି, ଯେଉଁଠାରେ ଡାର୍କ ଲାଇଟ ଅଛି ଓ ବହୁତ ଗୁଡିଏ ମୃତଦେହ ଦେଖାଯାଉଛି। ଏଇଠି ଅଭିନେତାଙ୍କ ମୁହଁରେ ଏକ ମୁଖା ଦେଖାଯାଉଛି। ଟିଜରଟି ରିଲିଜ ହେବା ପରେ ପରେ ୟୁଟ୍ୟୁବରେ ଟ୍ରେଣ୍ଡ କରିଛି। ଏବେ ପର୍ଯ୍ୟନ୍ତ ଏହାକୁ ୫ ମିଲିୟନରୁ ଅଧିକ ଥର ଦେଖା ସରିଲାଣି।
