ନୂଆଦିଲ୍ଲୀ,୮ା୮: ଚାଇନାର ଶାସକ କମ୍ୟୁନିଷ୍ଟ ପାର୍ଟି ଅଫ୍ ଚାଇନା (ସିପିସି) ସହ କଂଗ୍ରେସର ଚୁକ୍ତିକୁ ନେଇ ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ) ଦ୍ୱାରା ତଦନ୍ତ କରାଯାଉ ବୋଲି ଏକ ଜନସ୍ବାର୍ଥ ମାମଲା(ପିଆଇଏଲ୍) ସୁପ୍ରିମକୋର୍ଟରେ ଦାଏର ହୋଇଥିଲା। ସର୍ବୋଚ୍ଚ ଅଦାଲତ ଶୁକ୍ରବାର ଏହାର ଶୁଣାଣି କରିବାକୁ ମନା କରିଦେଇଛନ୍ତି।
ଆବେଦନକାରୀ ଶଶାଙ୍କ ଶେଖର ଝା ଓ ଖବରଦାତା ସାଭିଓ ରୋଡ୍ରିଗୁଏସ୍ଙ୍କ ପକ୍ଷରୁ ବରିଷ୍ଠ ଓକିଲ ମହେଶ ଜେଠମାଲାନି ଏହି ପିଆଇଏଲ୍ ଦାଖଲ କରିଥିଲେ। ୨୦୦୮ରେ ବେଜିଂଠାରେ କଂଗ୍ରେସ ଏବଂ ସିପିସି ମଧ୍ୟରେ ଉଚ୍ଚସ୍ତରୀୟ ସୂଚନା ଓ ସହଯୋଗ ଆଦାନପ୍ରଦାନ ନିମନ୍ତେ ଏକ ଚୁକ୍ତି ସ୍ବାକ୍ଷର ହୋଇଥିଲା। ଭାରତର ଏକ ରାଜନୈତିକ ଦଳ ଚାଇନାର ଏକମାତ୍ର ରାଜନୈତିକ ଦଳ ସହ ଚୁକ୍ତି ସ୍ବାକ୍ଷର କରିବା ଜାତୀୟ ନିରାପତ୍ତା ସହ ଜଡ଼ିତ ଏକ ପ୍ରସଙ୍ଗ। ଦେଶର ସୁରକ୍ଷା ସହ ସାଲିସ୍ କରାଯାଇ ପାରିବ ନାହିଁ। ତେଣୁ ଏନ୍ଆଇଏ ଦ୍ୱାରା ଏହାର ତଦନ୍ତ କରାଯାଉ ବୋଲି ମହେଶ ଯୁକ୍ତି ବାଢ଼ିଥିଲେ। ଭିଡିଓ କନ୍ଫରେନ୍ସ ଜରିଆରେ ଶୁକ୍ରବାର ଶୁଣାଣି ବେଳେ ପ୍ରଧାନ ବିଚାରପତି (ସିଜେଆଇ) ଏସ୍.ଏ. ବୋବ୍ଡେଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ମହେଶଙ୍କୁ ଉକ୍ତ ପିଟିଶନ ପ୍ରତ୍ୟାହାର କରି ହାଇକୋର୍ଟଙ୍କ ଦ୍ୱାରସ୍ଥ ହେବାକୁ କହିଥିଲେ। ଆପଣ ଯାହା ସବୁ ଚାହୁଁଛନ୍ତି, ହାଇକୋର୍ଟ ପ୍ରଦାନ କରିପାରିବେ।
ଶାସକ-ବିରୋଧୀ ମୁହଁ।ମୁହିଁ
ଏଥିପାଇଁ ହାଇକୋର୍ଟ ହିଁ ଉପଯୁକ୍ତ। ତୃତୀୟତଃ ଆମେ ମଧ୍ୟ ହାଇକୋର୍ଟଙ୍କ ରାୟର ସୁବିଧା ପାଇପାରିବୁ ବୋଲି ଜଷ୍ଟିସ୍ ଏ.ଏସ୍. ବୋପାନ୍ନା ଏବଂ ଭି. ରାମସୁବ୍ରମଣ୍ୟମ୍ଙ୍କୁ ନେଇ ଗଠିତ ଖଣ୍ଡପୀଠ ପ୍ରକାଶ କରିଥିଲେ।
ଚାଇନା ଓ ଏହାର କେତେକ ଫାର୍ମ ସହ ସମ୍ପର୍କକୁ ନେଇ ଶୁକ୍ରବାର ଶାସକ ଭାଜପା ଏବଂ ବିରୋଧୀ କଂଗ୍ରେସ ମୁହଁାମୁହିଁ ହୋଇଛନ୍ତି। ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଓ ଦଳର ନେତା ରାହୁଲ ଗାନ୍ଧୀଙ୍କୁ ଏନେଇ ସ୍ପଷ୍ଟୀକରଣ ମାଗିଛନ୍ତି। କଂଗ୍ରେସ ଦଳ ଚାଇନା ସରକାର ସହ କିପରି ଏମ୍ଓୟୁରେ ସ୍ବାକ୍ଷର କଲା ବୋଲି ସୁପ୍ରିମକୋର୍ଟ ବିସ୍ମୟ ପ୍ରକାଶ କରିଛନ୍ତି। ରାହୁଲ ଗାନ୍ଧୀ ଫାଉଣ୍ଡେଶନ (ଆର୍ଜିଏଫ୍) ଚାନ୍ଦା ବଦଳରେ ଚାଇନା ପାଇଁ ଭାରତୀୟ ବଜାରକୁ ଖୋଲିଦେଇଥିଲା କି, ଯଦ୍ଦ୍ବାରା ଭାରତୀୟ ବ୍ୟବସାୟ ପ୍ରଭାବିତ ହୋଇଥିଲା ବୋଲି ନଡ୍ଡା ପ୍ରଶ୍ନ କରିଛନ୍ତି। ଏହାସହ ଉକ୍ତ ବୁଝାମଣାପତ୍ରରେ ସ୍ବାକ୍ଷର କରିଥିବା ସୋନିଆ ଓ ତାଙ୍କ ପୁଅ ରାହୁଲ ଏହା ସ୍ପଷ୍ଟ କରନ୍ତୁ ବୋଲି ସେ ଦାବି କରିଛନ୍ତି। ଏହାର ଜବାବରେ କଂଗ୍ରେସ ମୁଖପାତ୍ର ପବନ ଖେରା କହିଛନ୍ତି, ଭାଜପା ନିର୍ବାଚନ ସମୟରେ ଚାଇନା କମ୍ପାନୀଗୁଡ଼ିକୁ ବ୍ୟବହାର କରିଥିଲା। ଏଥିଯୋଗୁ କୋଟି କୋଟି ଭାରତୀୟଙ୍କ ବ୍ୟକ୍ତିଗତ ଗୋପନୀୟ ତଥ୍ୟ ସହ ସାଲିସ କରାଯାଇଥିବ। ଶାସକ ଦଳ ଚାଇନାର ପିପୁଲ୍ସ ଲିବରେଶନ ଆର୍ମି (ପିଏଲ୍ଏ) ସହ ଜଡ଼ିତ ଏକ କମ୍ପାନୀକୁ ଭାରତୀୟ ନିର୍ବାଚନରେ କାହିଁକି ସାମିଲ କରିବାକୁ ବାଧ୍ୟ ହୋଇଥିଲା ବୋଲି ଖେରା ପ୍ରଶ୍ନ କରିଛନ୍ତି।
