ନୂଆଦିଲ୍ଲୀ, ୨୨।୮ : ସୁପ୍ରିମକୋର୍ଟ ଅଲ୍ ଇଣ୍ଡିଆ ଫୁଟବଲ ଫେଡ଼େରେଶନ (ଏଆଇଏଫଏଫ) ନିର୍ବାଚନକୁ ଏକ ସପ୍ତାହ ସ୍ଥଗିତ ରଖିଛନ୍ତି। ଫିଫା ଏଆଇଏଫଏଫକୁ ନିଲମ୍ବିତ କରିଥିବାରୁ କେନ୍ଦ୍ର ଏବଂ ଏଆଇଏଫଏଫ ପକ୍ଷରୁ କୁହାଯାଇଛି ଏହା ଦ୍ୱାରା ୧୭ ବିଶ୍ୱକପର ମହିଳା ଦଳଙ୍କୁ ପ୍ରଭାବିତ କରିବ। ଭାରତୀୟ ଖେଳାଳିମାନେ କୌଣସି ଅନ୍ତର୍ଜାତୀୟ ଟୁର୍ନାମେଣ୍ଟରେ ଅଂଶଗ୍ରହଣ କରିପାରିବେ ନାହିଁ।
ସୋଲିସିଟର ଜେନେରାଲ କୋର୍ଟଙ୍କ ସମ୍ମୁଖରେ ହାଜର ହୋଇ କହିଛନ୍ତି ଯେ ଏଆଇଏଫଏଫର ପ୍ରଶାସନ ଏକ ନିର୍ବାଚିତ ସଂସ୍ଥା ଦ୍ୱାରା ପରିଚାଳିତ ହେବା ଉଚିତ। ଏଆଇଏଫଏଫ କାର୍ଯ୍ୟନିର୍ବାହୀ ପରିଷଦକୁ ଆଗାମୀ ନିର୍ବାଚନ ପାଇଁ ଇଲେକ୍ଟୋରାଲ କଲେଜ ଏବଂ ରାଜ୍ୟ / ୟୁନିଅନ ଟେରିଟୋରି ଆସୋସିଏଶନ ସଦସ୍ୟମାନଙ୍କୁ ନେଇ ଗଠିତ। ସ୍ବାଧୀନ ନିର୍ବାଚନ କମିଟି ନୂତନ କାର୍ଯ୍ୟନିର୍ବାହୀ କମିଟି ପାଇଁ ନିର୍ବାଚନର ତଦାରଖ କରିବା ଉଚିତ ବୋଲି ସେ କହିଛନ୍ତି।
ସୁପ୍ରିମକୋର୍ଟ ଶୁଣାଣିରେ କହିଛନ୍ତି ଯେ ଆମେ ନିର୍ବାଚନକୁ ଏକ ସପ୍ତାହ ପର୍ଯ୍ୟନ୍ତ ସେପ୍ଟେମ୍ବର ୫ ତାରିଖକୁ ସ୍ଥଗିତ ରଖିବୁ। ଏହି ନିଷ୍ପତ୍ତି ଉପରେ ସୁପ୍ରିମକୋର୍ଟରେ ଏକ ପୁନର୍ବିଚାର ଆବେଦନ କରାଯାଇଥିଲା। ଯେଉଁଥିରେ ଶୀଘ୍ର ଶୁଣାଣି ପାଇଁ ଦାବି କରାଯାଇଥିଲା। ଏହାକୁ ତାଲିକାଭୁକ୍ତ କରିବେ ବୋଲି ପ୍ରଧାନ ବିଚାରପତି ଏନଭି ରମନା କହିଛନ୍ତି। ଭୁଟିଆଙ୍କ ଆଇନଜୀବୀ ଏଆଇଏଫଏଫ ପାଇଁ ଏକ ନୂତନ ସମ୍ବିଧାନ ଏବଂ ବିଶିଷ୍ଟ କ୍ରୀଡ଼ାବିତ୍ଙ୍କ ୩୬ ସଦସ୍ୟ ବିଶିଷ୍ଟ ନିର୍ବାଚନ ମଣ୍ଡଳି ସପକ୍ଷରେ ଯୁକ୍ତି ବାଢ଼ିଥିଲେ। ସମ୍ବିଧାନର ଡ୍ରାଫ୍ଟ ଚୂଡ଼ାନ୍ତ କରିବାକୁ ଭୁଟିଆ ସୁପ୍ରିମକୋର୍ଟଙ୍କୁ ଅନୁରୋଧ କରିଛନ୍ତି।
ଅଲ ଇଣ୍ଡିଆ ଫୁଟବଲ ଫେଡେରେଶନ ବିବାଦ ଉପରେ କେନ୍ଦ୍ର ସରକାର ପ୍ରଶାସକ କମିଟି କୋଏର କାର୍ଯ୍ୟକାଳ ଶେଷ କରିବାକୁ ସୁପ୍ରିମକୋର୍ଟଙ୍କୁ ଅନୁରୋଧ କରିଛନ୍ତି। ଏହା ସହିତ ଯଥାଶୀଘ୍ର ଏଆଇଏଫଏଫର ପୁନଃନିର୍ବାଚନ ପାଇଁ ଦାବି କରିଥିଲେ। ସୁପ୍ରିମକୋର୍ଟରେ ଦାଖଲ ହୋଇଥିବା ଆବେଦନରେ କୁହାଯାଇଛି ଯେ ଏଆଇଏଫଏଫର ନିର୍ବାଚିତ ସଂସ୍ଥା ଏହାର ତଦାରଖ କରିବା ଉଚିତ ଏବଂ କୋଏର ହସ୍ତକ୍ଷେପ ବନ୍ଦ ହେବା ଜରୁରୀ।
ଫିଫା ସହିତ କେନ୍ଦ୍ରର ଆଲୋଚନାକୁ ଆଧାର କରି କେନ୍ଦ୍ର ଅନୁରୋଧ କରିଛି ଯେ ଏଆଇଏଫଏଫ ଏକ ଉପଯୁକ୍ତ ନିର୍ବାଚିତ ସଂସ୍ଥା ଦ୍ୱାରା ପରିଚାଳନା କରାଯାଉ। କୌଣସି କ୍ଷେତ୍ରରେ ଏହା ତୃତୀୟ ପକ୍ଷ ଦ୍ୱାରା ପରିଚାଳିତ ହେବା ଉଚିତ ନୁହେଁ। ଭୋଟର ତାଲିକାରେ କେବଳଏଆଇଏଫଏଫର ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ସଦସ୍ୟ ସଙ୍ଗଠନର ପ୍ରତିନିଧୀମାନେ ଅନ୍ତର୍ଭୂକ୍ତ ହେବା ଉଚିତ ଏବଂ କ୍ରୀଡ଼ାବିତମାନଙ୍କୁ ଅନ୍ତର୍ଭୁକ୍ତ କରିବା ଉଚିତ ନୁହେଁ ।
ଏକ ନୂତନ କାର୍ଯ୍ୟନିର୍ବାହୀ କମିଟି ପାଇଁ ନିର୍ବାଚନ କରିବା ପାଇଁ ସାଧାରଣ ସଭା ଦ୍ୱାରା ଏକ ସ୍ବାଧୀନ ନିର୍ବାଚନ କମିଟି ଦ୍ୱାରା ହେଉ। ଏଆଇଏଫଏଫ ଏବଂ ଏଏଫସିର ଆବଶ୍ୟକତା ଅନୁଯାୟୀ ଏଆଇଏଫଏଫ ସମ୍ବିଧାନରେ ସଂଶୋଧନ କରାଯିବା ଉଚିତ। ଏଆଇଏଫଏଫ ଚାହୁଁଛି କୋଏର ଭୂମିକା ଅଗଷ୍ଟ ୨୩ ରେ ଶେଷ ହେବା ସହ ନିର୍ବାଚନ ଶୀଘ୍ର ହେଉ। ଯାହାଫଳରେ ନବ ନିର୍ବାଚିତ ସଂସ୍ଥା ଏଆଇଏଫଏଫ ଏବଂ ଫିଫାର କାର୍ଯ୍ୟ ପରିଚାଳନା କରିପାରିବ ଏବଂ ନିଲମ୍ବନ ପ୍ରତ୍ୟାହାର ହୋଇପାରିବ।
କୋଏର ସମ୍ବିଧାନର ପୂର୍ବ ଆଦେଶରେ ପରିବର୍ତ୍ତନ ଆଣିବାକୁ କ୍ରୀଡ଼ା ମନ୍ତ୍ରଣାଳୟ ସୁପ୍ରିମକୋର୍ଟଙ୍କୁ କହିଛନ୍ତି। ଭାରତୀୟ ଫୁଟବଲ ପ୍ରଶାସନକୁ ନେଇ ଫିଫା ଚିନ୍ତା ପ୍ରକଟ କରିଛି। ଏଆଇଏଫଏଫର ନିଲମ୍ବନ ଭାରତୀୟ ଫୁଟବଲ ଏବଂ ଖେଳାଳିଙ୍କ ପାଇଁ ବିପଦଜନକ ପରିଣାମ ଦେଇଛି କାରଣ ଫିଫା ତୃତୀୟ ପକ୍ଷର ହସ୍ତକ୍ଷେପ ଗ୍ରହଣ କରିବାକୁ ମନା କରିଦେଇଛି। ଭାରତ ସରକାରଙ୍କ ସହ ଯୋଗାଯୋଗରେ ଫିଫା କହିଛି ଯେ ଖେଳଗୁଡିକ କେବଳ ଉପଯୁକ୍ତ ନିର୍ବାଚିତ ସଂସ୍ଥା ଦ୍ୱାରା ପରିଚାଳିତ ହେବ।
