ନୂଆଦିଲ୍ଲୀ,୧୪।୮: ପ୍ରତିଦିନ ସୁପ୍ରିମକୋର୍ଟକୁ ଭିନ୍ନ ଭିନ୍ନ ପ୍ରକାରର ମାମଲା ଆସେ। ନିକଟରେ ସେମିତି ଏକ ଏକ ମାମଲା ସାମ୍ନାକୁ ଆସିଛି। ସୁପ୍ରିମକୋର୍ଟର ଜଣେ ଓକିଲଙ୍କ ଉପରେ କୋର୍ଟ ୧୦୦ ଟଙ୍କା ଜରିମାନା ଆଦାୟ କରିଛନ୍ତି। ତା’ପରେ ଓକିଲଙ୍କ ସହଯୋଗୀମାନେ ମିଶି ୫୦-୫୦ପଇସା ୨୦୦ ମୁଦ୍ରା ସଂଗ୍ରହ କରି ଜରିମାନା ଜମା କରିଥିଲେ। ସୁପ୍ରିମକୋର୍ଟର ଓକିଲଙ୍କ ଉପରେ ଲଗାଯାଇଥିବା ଜରିମାନାକୁ ବିରୋଧ କରି ଏଭଳି ନିଷ୍ପତ୍ତି ନିଆଯାଇଥିଲା ବୋଲି ଓକିଲମାନେ କହିଛନ୍ତି। ସୁପ୍ରିମକୋର୍ଟର ଓକିଲ ରିପକ କଂସଲ ରେଜିଷ୍ଟ୍ରି ଉପରେ ଅଭିଯୋଗ କରିଛନ୍ତି ଯେ ପ୍ରଥମେ ପ୍ରଭାବଶାଳୀ ବ୍ୟକ୍ତିଙ୍କ ମାମଲା ଶୁଣାଣି ତାଲିକାର ଆରମ୍ଭରରେ ରହୁଛି ଅନ୍ୟ ଓକିଲ ତଥା ଲୋକଙ୍କ ମାମଲା ବହୁ ପଛରେ ରହିଛି। ସୁପ୍ରିମକୋର୍ଟରେ ଦାଖଲ ହୋଇଥିବା ଆବେଦନରେ କଂସଲ କହିଛନ୍ତି ଯେ ସୁପ୍ରିମକୋର୍ଟର ବିଭାଗୀୟ ଅଧିକାରୀ କିମ୍ବା ରେଜିଷ୍ଟ୍ରି କ୍ରମାଗତ ଭାବରେ ବଡ ତଥା ପ୍ରଭାବଶାଳୀଙ୍କ ମାମଲା ଆଗ ଦେଖାଯାଉଛି। ଏହି ଆବେଦନରେ କୁହାଯାଇଛି ଯେ ଏହିପରି ଭାବରେ ବଡ ଆଇନଜୀବୀଙ୍କ ମାମଲା ତାଲିକାରେ ପ୍ରଥମ ସ୍ଥାନ ଅଧିକାର କରିଥାଏ, ଯାହା ନ୍ୟାୟ ପାଇବା ପାଇଁ ସମାନ ସୁଯୋଗର ବିରୋଧୀ।
ଏହି ମାମଲାର ଶୁଣାଣି ବେଳେ ଜଜ ଜଷ୍ଟିସ ଅରୁଣ ମିଶ୍ର, ଜଷ୍ଟିସ ଏସ ଅବଦୁଲ ନାଜିର ଏବଂ ଜଷ୍ଟିସ ଏମଆର ଶାହା ରିପାକ କାନସାଲଙ୍କ ଆବେଦନକୁ ଖାରଜ କରି ୧୦୦ ଟଙ୍କା ଜରିମାନା କରିଛନ୍ତି। ଏହି ମାମଲାର ଶୁଣାଣି କରି କୋର୍ଟ କହିଛନ୍ତି ଯେ. ରେଜିଷ୍ଟ୍ରିର ସମସ୍ତ ସଦସ୍ୟ ସମସ୍ତଙ୍କ ଜୀବନକୁ ସହଜ କରିବା ପାଇଁ ଦିନରାତି କାର୍ଯ୍ୟ କରୁଛନ୍ତି ଏବଂ ଆପଣଙ୍କ ଆବେଦନ ସେମାନଙ୍କୁ ନିରୁତ୍ସାହିତ କରୁଛି। ଅଦାଲତ କହିଛନ୍ତି ଯେ ରେଜିଷ୍ଟ୍ରି ଆମ ଅଧୀନରେ ନୁହେଁ, ସେମାନେ ବହୁ ପରିମାଣରେ ସୁପ୍ରିମକୋର୍ଟର ଅଂଶ ଅଟନ୍ତି।
