ନୂଆଦିଲ୍ଲୀ,୮।୧୨: ପ୍ରତ୍ୟେକ ମହିଳା ଏବଂ କିଶୋରୀ ମାନଙ୍କ ଯୌନ ଇଛା ଉପରେ କୋଲକାତା ହାଇକୋର୍ଟ ଦେଇଥିବା ବୟାନକୁ ଗମ୍ଭିରାତାର ସହିତ ନେଇଛନ୍ତି ସୁପ୍ରିମକୋର୍ଟ। ହାଇକୋର୍ଟ ତାଙ୍କର ଏହି ବୟାନରେ କହିଥିଲେ କି ”ଝିଅମାନେ ସେମାନଙ୍କର ଯୌନ ଇଛା ଉପରେ ରଖନ୍ତୁ, କାରଣ ସମାଜ ଆଖିରେ ଯେତେବେଳେ ଗୋଟିଏ ଝିଅ ଦୁଇ ମିନିଟର ସୁଖ ପାଇଁ ପ୍ରସ୍ତୁତ ହୋଇଯାଏ ସେତେବେଳେ ସେ ହାର ମାନିଯାଏ।”
ଏବେ ସୁପ୍ରିମକୋର୍ଟ ଏହି ମାମାମଲାରେ ସଜ୍ଞାନ ନେଇ କହିଛନ୍ତି ଏହି ମନ୍ତବ୍ୟ ଆପତ୍ତିଜନକ ଏବଂ ଅନୁଚିତ ଅଟେ, ଯାହା ସମ୍ବିଧାନର ଧାରା ୨୧ ଅନୁଯାୟୀ ନାବାଳିକା ମାନଙ୍କର ଅଧିକାରକୁ ଉଲଂଘନ କରୁଛି। ଏଭଳି ମାମଲାରେ ବିଚାରପତିମାନେ ବ୍ୟକ୍ତିଗତ ମତାମତ ଦେବାରୁ ନିବୃତ ରହିବା ଉଚିତ। ଏହି ମାମଲାର ଶୁଣାଣୀରେ ଅନେକ ଆପତ୍ତିଜନକ ଶବ୍ଦ ବ୍ୟବହାର କରାଯାଇଥିବା ସୁପ୍ରିମକୋର୍ଟ କହିଛନ୍ତି।
ଏଥି ସହିତ ମାମଲାରେ ସୁପ୍ରିମକୋର୍ଟ ପୀଡିତା ଏବଂ ପଶ୍ଚିମବଙ୍ଗ ରାଜ୍ୟ ସରକାରଙ୍କୁ ନୋଟିସ କରିଛନ୍ତି। ଜାନୁୟାରୀ 4 ପର୍ଯ୍ୟନ୍ତ ନୋଟିସର ଉତ୍ତର ଦେବାକୁ କହି ବିଚାରପତି ଅଭୟ ଏସ ଓକ ଏବଂ ଜଷ୍ଟିସ ପଙ୍କଜ ମିତ୍ତଲଙ୍କ ଖଣ୍ଡପୀଠ ମନ୍ତବ୍ୟ ଦେଇ କହିଛନ୍ତି ଯେ ଏଭଳି ମାମଲାରେ ବିଚାରପତିମାନେ ସେମାନଙ୍କର ବ୍ୟକ୍ତିଗତ ମତ ପ୍ରକାଶ କରିବା ଉଚିତ ନୁହେଁ। ଏପରି ଆଦେଶ କିଶୋରମାନଙ୍କ ଅଧିକାରର ଉଲ୍ଲଂଘନ। ଅଭିଯୁକ୍ତକୁ ନିର୍ଦ୍ଦୋଷରେ ଖଲାସ କରିବା ଆଦେଶ ପଛରେ ପୋସ୍କୋ ଆଇନ ସମ୍ବନ୍ଧୀୟ କୌଣସି କାରଣ ଦିଆଯାଇ ନାହିଁ। ଏପରିକି ପ୍ରଥମ ଦୋଷରେ ଦୋଷୀକୁ ନିର୍ଦ୍ଦୋଷରେ ଖଲାସ କରିବା ଠିକ୍ ନୁହେଁ। ସୁପ୍ରିମକୋର୍ଟ ରେଜିଷ୍ଟ୍ରିକୁ ମଧ୍ୟ ହାଇକୋର୍ଟଙ୍କ ଆଦେଶର ନକଲ ମାଗିବାକୁ କହିଥିଲେ। କୋର୍ଟ ମଧ୍ୟ ବରିଷ୍ଠ ଆଡଭୋକେଟ୍ ମାଧବୀ ଡିଭାନ୍ଙ୍କୁ ଆମିକସ୍ କ୍ୟୁରି ଭାବରେ ନିଯୁକ୍ତ କରିଛନ୍ତି।
