ୟୁଏଇ,୨୨।୯: ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ ପୂର୍ବରୁ ସନରାଇଜର୍ସ ହାଇଦ୍ରାବାଦର ଜଣେ ଖେଳାଳି କରୋନା ପଜିଟିଭ ବୋଲି ଜଣାପଡିଛି। ଫଳରେ ତାଙ୍କ ସଂସ୍ପର୍ଶରେ ଆସିଥିବା ୬ ଖେଲାଳିଙ୍କୁ ଆସୋଲେସନରେ ରହିବାକୁ ନିର୍ଦ୍ଦେଶ ଦିଆଯାଇଛି। ଆଜି ସନ୍ଧ୍ୟା ୭.୩୦ରୁ ଦୁବାଇରେ ଦିଲ୍ଲୀ ଏବଂ ହାଇଦ୍ରାବାଦ ମଧ୍ୟରେ ଆଇପିଏଲର ୩୩ତମ ମ୍ୟାଚ ଖେଳାଯିବ। ଜଣେ ଖେଲାଳି କରୋନା ପଜିଟିଭ୍ ଚିହ୍ନଟ ହେବା ପରେ ଉଭୟ ଦଳର ଖେଳାଳିଙ୍କ ଆର୍ଟି-ପିସିଆର୍ ଟେଷ୍ଟ କରାଯାଇଛି। ଫଳାଫଳ ଅଳ୍ପ ସମୟ ମଧ୍ୟରେ ଆସିବ, ଯାହା ପରେ ମ୍ୟାଚ ଶେଷ ହେବା ପରେ ନିଷ୍ପତ୍ତି ନିଆଯିବ। ସନରାଇଜର୍ସ ହାଇଦ୍ରାବାଦର ଦଳର ଦ୍ରୁତ ବୋଲର ଟି ନଟରାଜନ ଆରଟି-ପିସିଆର୍ ଟେଷ୍ଟରେ କରୋନା ପଜିଟିଭ ହୋଇଛନ୍ତି ବୋଲି କୁହାଯାଉଛି। ତେବେ ଏନେଇ କୌଣସି ସ୍ପଷ୍ଟ ସୂଚନା ଆସିନାହିଁ।
ଅଲରାଉଣ୍ଡର ବିଜୟ ଶଙ୍କର, ଦଳର ମ୍ୟାନେଜର ବିଜୟ କୁମାର, ଫିଜିଓଥେରାପିଷ୍ଟ ଶ୍ୟାମ ସୁନ୍ଦରଜୀ, ଡା.ଅଞ୍ଜନା ଭାନନ, ଲଜିଷ୍ଟିକ୍ସ ମ୍ୟାନେଜର ତୁଷାର ଖେଡକର ଏବଂ ନେଟ ବୋଲର ପେରିୟସ ଗଣେଶନଙ୍କ ସହ ନଟରାଜନ ସଂସ୍ପର୍ଶରେ ଆସିଥିଲେ।
