ମ୍ୟାଡ୍ରିଡ,୭।୯: ୟୁରୋପରେ ଥିବା ଏକ ଟେଲିସ୍କୋପ ସୂର୍ଯ୍ୟଙ୍କର ବର୍ତ୍ତମାନ ପର୍ଯ୍ୟନ୍ତ ନିଆଯାଇଥିବା ସବୁଠାରୁ ସ୍ବଚ୍ଛ ଚବି ଉଠାଇବାରେ ସଫଳ ହୋଇଥିବା କୁହାଯାଉଛି। ସୂର୍ଯ୍ୟଙ୍କର ଉକ୍ତ ଛବିଟି ଯେତିକି ଆଶ୍ଚର୍ଯ୍ୟକର ଲାଗୁଛି ସେତିକି ଭୟ ମଧ୍ୟ ଜାତ କରୁଛି। ସ୍ପେନ ମହାକାଶରେ ନଜର ରଖୁଥିବା ଜର୍ମାନୀର ବୈଜ୍ଞାନିକମାନେ ଗ୍ରେଗୋର ଟେଲିସ୍କୋପ ମାଧ୍ୟମରେ ସୂର୍ଯ୍ୟଙ୍କର ଏହି ହାଇ ରିଜୋଲ୍ୟୁଶନ ଫଟୋ ଉଠାଇଥିବା କୁହାଯାଉଛି। ଏହି ଟେଲିସ୍କୋପ ଟାଇଡେ ଅବଜରଭେଟୋରୀରେ ଲଗାଯାଇଛି। ଲିବନିଜ ଇନଷ୍ଟିଚ୍ୟୁଟ ଫର୍ ସୋଲାର ଫିଜିକ୍ସ(କେଆଇଏସ୍)ର ବୈଜ୍ଞାନିକମାନେ ଏହି ଟେଲିସ୍କୋପର ଲେନ୍ସକୁ ପୁଣିଥରେ ଡିଜାଇନ କରିଛନ୍ତି। ଯେଉଁଥିରେ ଅଦ୍ଭୁତ ଫଟୋ ଉଠାଯାଇ ପାରୁଛି। ଏବେ ଏହି ଫଟୋ ଜରିଆରେ ବୈଜ୍ଞାନିକ ଚୁମ୍ବକୀୟ ଶକ୍ତି, ବାୟୁମଣ୍ଡଳୀୟ ବିକ୍ଷୋଭ ଓ ସନ ସେଟ୍ରକୁ ନେଇ ଅଧିକ ଅଧ୍ୟୟନ କରିପାରିବେ। ବୈଜ୍ଞାନିକମାନେ ଆହୁରି ମଧ୍ୟ କହିଛନ୍ତି ଗ୍ରେଗୋର ଟେଲିସ୍କୋପ ମାଧ୍ୟମରେ ଏବେ ସୂର୍ଯ୍ୟଙ୍କର ଏମିତି ଫଟୋ ଉଠାଯାଇ ପାରିବ ଯେମିତିକି ଏହାକୁ ୪୮ କିଲୋମିଟର ଦୂର ମଧ୍ୟରେ ଦେଖିହେବ। ଏହି ଫଟୋରୁ ଏବେ ବୈଜ୍ଞାନିକମାନଙ୍କୁ ବହୁ ତଥ୍ୟ ମିଳିପାରିବ ବୋଲି ଅନୁମାନ କରାଯାଉଛି। ଏହି ପେଆଜେକ୍ଟର ମୁଖ୍ୟ ଥିବା ଡାକ୍ତର ଲୁସିୟାକେତଲଇଣ୍ଟ କହିଛନ୍ତି ଏହା ବହୁତ ରୋମାଚକର ଓ ବେଶ୍ କଠିନ ପ୍ରୋଜେକ୍ଟ। ମାତ୍ର ବର୍ଷକ ଭିତରେ ଟେଲିସ୍କୋପର ମେଶିନ, ଲେନ୍ସ ଓ ଅନ୍ୟ ଇଲୋକ୍ଟ୍ରନିକ୍ସ ଉପକରଣକୁ ବଦଳାଇ ଦିଆଯାଇଛି। ବୈଜ୍ଞାନିକମାନେ ଏବେ ଜାଣିପାରିବେ କେଉଁ ପ୍ରକାରର ଉପଗ୍ରହକୁ ସୂର୍ଯ୍ୟଙ୍କଠାରୁ ବଞ୍ଚାଇ ରଖିହେବ।
