ଢାକା,୨୫।୧୧: ନଭେମ୍ବର ୨୬ରୁ ପାକିସ୍ତାନ ଏବଂ ବାଂଲାଦେଶ ମଧ୍ୟରେ ୨ଟି ଟେଷ୍ଟ ମ୍ୟାଚ ଖେଳାଯିବ। ଏହାପୂର୍ବରୁ ବାଂଲାଦେଶର ତାରକା ଖେଳାଳି ତଥା ଟି-୨୦ ଅଧିନାୟକ ମହମୁଦୁଲ୍ଲା ଟେଷ୍ଟ କ୍ରିକେଟରୁ ଅବସର ନେଇଛନ୍ତି। ବାଂଲାଦେଶ କ୍ରିକେଟ ବୋର୍ଡ ଏହା ନିଶ୍ଚିତ କରିଛି। ମହମୁଦୁଲ୍ଲା ଚଳିତ ବର୍ଷ ଜିମ୍ବାୱେ ବିପକ୍ଷ ମ୍ୟାଚରୁ ଟେଷ୍ଟ କ୍ରିକେଟକୁ ଫେରିଥିଲେ।
ତାଙ୍କ ଟେଷ୍ଟ କ୍ୟାରିୟରର ସର୍ବୋତ୍ତମ ଇନିଂସ ଥିଲା ୧୫୦ ରନ। ତାଙ୍କ ଇନିଂସ ଆଧାରରେ ବାଂଲାଦେଶ ୨୨୦ ରନ ଜିତିଥିଲା। ମହମୁଦୁଲ୍ଲା କହିଛନ୍ତି ଯେ ମୁଁ ସବୁବେଳେ ଉଚ୍ଚତାକୁ ଯିବାକୁ ଚିନ୍ତା କରେ ଏବଂ ମୋର ବିଶ୍ୱାସ ଯେ ମୋର ଟେଷ୍ଟ କ୍ୟାରିୟରକୁ ବିଦାୟ ଦେବା ପାଇଁ ଏହା ହେଉଛି ଉପଯୁକ୍ତ ସମୟ। ଟେଷ୍ଟ ଦଳକୁ ଫେରିବାରେ ମୋତେ ସମର୍ଥନ କରିଥିବାରୁ ମୁଁ ବୋର୍ଡର ଚେୟାରମ୍ୟାନଙ୍କୁ ଧନ୍ୟବାଦ ଦେବାକୁ ଚାହେଁ। ମୋତେ ସବୁବେଳେ ଉତ୍ସାହିତ କରିବା ଏବଂ ମୋ ଉପରେ ବିଶ୍ୱାସ କରିଥିବାରୁ ମୁଁ ମୋର ସାଥୀ ଖେଳାଳି ଏବଂ ସହାୟକ କର୍ମଚାରୀମାନଙ୍କୁ ଧନ୍ୟବାଦ ଦେଉଛି । ବାଂଲାଦେଶ ପାଇଁ ଟେଷ୍ଟ କ୍ରିକେଟ ଖେଳିବା ଏକ ଗୌରବର ବିଷୟ ବୋଲି ସେ କହିଛନ୍ତି।
୩୫ ବର୍ଷୀୟ ମହମୁଦୁଲ୍ଲା ମଧ୍ୟ ସ୍ପଷ୍ଟ କରିଛନ୍ତି ଯେ ସେ ଦିନିକିଆ ଏବଂ ଟି-୨୦ କ୍ରିକେଟ ଖେଳିବେ। ସେ କହିଛନ୍ତି ଯେ ମୁଁ ଟେଷ୍ଟରୁ ଅବସର ନେଉଛି, କିନ୍ତୁ ମୁଁ ତଥାପି ଅନ୍ତର୍ଜାତୀୟ ଟି -୨୦ ଏବଂ ଦିନିକିଆ କ୍ରିକେଟ ଖେଳିବା ଜାରି ରଖିବି। ମହମୁଦୁଲ୍ଲା ୨୦୦୯ରେ ବୋଲର ଭାବରେ ଟେଷ୍ଟ କ୍ୟାରିୟର ଆରମ୍ଭ କରିଥିଲେ ଏବଂ ୱେଷ୍ଟଇଣ୍ଡିଜ ବିପକ୍ଷରେ ୮ ଉଇକେଟ ନେଇଥିଲେ ଏବଂ ବ୍ୟାଟ୍ସମ୍ୟାନ ଭାବରେ କ୍ୟାରିୟର ଶେଷ କରିଥିଲେ।
