ମଧ୍ୟପ୍ରଦେଶର ଜବଲପୁର ସହରରେ ଏମିତି କିଛି ରହସ୍ୟ ଲୁଚି ରହିଛି, ଯାହା ଜାଣିଲେ ଆଶ୍ଚର୍ଯ୍ୟ ହେବେ। ଏଠାରେ ଥିବା ନର୍ମଦା ନଦୀ ସବୁଠୁ ସୁନ୍ଦର। କୁହାଯାଏ, ଏଠାରେ ହିଁ ସବୁଠୁ ପୁରୁଣା ପଥର ଚଟାଣ ରହିଛି। ଯାହାକି ଭୂମିକମ୍ପ ହେଲେ ମଧ୍ୟ ହଲି ନ ଥାଏ।
ମଧ୍ୟପ୍ରଦେଶର ଜବଲପୁରର ମଦନ ମହଲର ପାହାଡ଼ିଆ ଅଞ୍ଚଳରେ ଏପରି ପଥର ଦେଖିବାକୁ ମିଳିଥାଏ। ଏହି ଦୃଶ୍ୟ ଦେଖିଲେ ଯେ କେହି ଆଶ୍ଚର୍ଯ୍ୟ ହୋଇଯିବ। ଦୁଇଟି ପଥର ଚଟାଣ ମଧ୍ୟରେ ଏମିତି ଭାରସାମ୍ୟ ରହିଥାଏ, ଯେତେବଡ଼ ଭୂକମ୍ପ ହେଲେ ମଧ୍ୟ ଏହା ଦୋହଲି ନ ଥାଏ। ଲୋକେ ଏହାକୁ ପ୍ରକୃତିର ଚମତ୍କାର କହିଥାନ୍ତି। ହଜାର ବର୍ଷ ପୂର୍ବରୁ ଏହି ପଥର ଚଟାଣ ଆପେ ଆପେ ଯୋଡ଼ି ହୋଇଯାଇଥିଲା। ଏହି ଦୁଇ ଚଟାଣର ଭାରସାମ୍ୟ ଦେଖି ଏହାକୁ ‘ବାଲାନ୍ସ ରକ୍’ ବୋଲି କହିଥାନ୍ତି ଲୋକେ। ଏହାକୁ ଦେଖିବା ପାଇଁ ଦେଶ ବିଦେଶରୁ ହଜାର ହଜାର ପର୍ଯ୍ୟଟକ ଆସିଥାନ୍ତି। ବିଜ୍ଞାନ ଭାଷାରେ ଏହି ପଥର ଗ୍ରାନାଇଟ୍ ଅଟେ।
ଭୂତତ୍ତ୍ୱବିତ୍ ପ୍ରଫେସର ଡି.କେ ଦେବଲିଆ କୁହନ୍ତି, ଏହି ଦୁଇ ଚଟାଣକୁ କେନ୍ଦ୍ରୀୟ ଗୁରୁତ୍ୱାକର୍ଷଣ ବଳ ଯୋଡ଼ି କରି ରଖିଛି। ଯାହା ପଡ଼ିବାକୁ ଦିଏ ନାହିଁ। ଏପରିକି ଜବଲପୁରରେ ୧୯୯୭ରେ ହୋଇଥିବା ଭୂକମ୍ପରେ ମଧ୍ୟ ଏହି ଚଟାଣ ଦୋହଲି ନ ଥିଲା। ଯେଉଁ ଭୂମିକମ୍ପର ତୀବ୍ରତା ରିକ୍ଟର ସ୍କେଲ୍ରେ ଥିଲା ୬.୩। ସାମାନ୍ୟ ପଥରକୁ ବି ଏହା ବିଗାଡ଼ି ନ ଥିଲା।
