ନୂଆଦିଲ୍ଲୀ, ୩ ।୩: ଗୁଜରାଟର ୮୧ ମ୍ୟୁନିସିପାଲିଟି, ୩୧ ଜିଲା ପଞ୍ଚାୟତ ଏବଂ ୨୩୧ ତାଲୁକ ପଞ୍ଚାୟତରେ ହୋଇଥିବା ନିର୍ବାଚନର ମଙ୍ଗଳବାର ଭୋଟଗଣନା କରାଯାଇଛି। ସମସ୍ତ ନିର୍ବାଚନରେ ଭାଜପାକୁ ବିପୁଳ ବିଜୟ ମିଳିଛି। ପ୍ରମୁଖ ପ୍ରତିଦ୍ୱନ୍ଦ୍ୱୀ କଂଗ୍ରେସ ଖରାପ ପ୍ରଦର୍ଶନ କରିଥିବାବେଳେ ଆମ୍ ଆଦମୀ ପାର୍ଟି (ଏଏପି)କୁ ଅପେକ୍ଷାକୃତ ଭଲ ଫଳାଫଳ ମିଳିଛି। ମୋଟ ୮,୪୭୪ ଆସନ ମଧ୍ୟରୁ ୮୨୩୫ଟିରେ ନିର୍ବାଚନ ହୋଇଥିଲା। ବଳକା ସିଟ୍ରେ ପ୍ରତିଯୋଗୀ ଅପ୍ରତିଦ୍ୱନ୍ଦ୍ୱୀ ରହିଥିଲେ। ନିର୍ବାଚନ ଅନୁଷ୍ଠିତ ହୋଇଥିବା ୨୭୨୧ଟି ଆସନ ପାଇଁ ଭୋଟ ଗଣତି ହୋଇଛି। ମୋଟ ୨୦୮୫ ସିଟ୍ରେ ଭାଜପା ଏବଂ କଂଗ୍ରେସ ୬୦୨ ଆସନରେ ଆଗୁଆ ରହିଛି।
ମ୍ୟୁନିସିପାଲିଟି ମଧ୍ୟରୁ ଭାଜପା ୭୫, କଂଗ୍ରେସ ୪ ଏବଂ ୨ଟିରେ ଅନ୍ୟ ଦଳ ଆଗୁଆ ରହିଛି। ସମସ୍ତ ୩୧ ଜିଲା ପଞ୍ଚାୟତରେ ମଧ୍ୟ ଭାଜପା ଆଗରେ ରହିଛି। ୧୯୬ ତାଲୁକ ପଞ୍ଚାୟତରେ ଭାଜପା ଏବଂ ୩୩ ତାଲୁକ ପଞ୍ଚାୟତରେ କଂଗ୍ରେସ ଅଗ୍ରଣୀ ରହିଛି।
