ମୁମ୍ବାଇ: ଗତ ବର୍ଷ ଅର୍ଥାତ୍ ୨୦୨୧ ଚଳଚ୍ଚିତ୍ର ଜଗତ ପାଇଁ ଏତେଟା ଭଲ ନ ଥିଲା । ବର୍ଷର ଶେଷ ବେଳକୁ ସିନେମା ହଲ୍ ଗୁଡିକ ଖୋଲିବା ଆରମ୍ଭ ହୋଇଥିବା ବେଳେ ପୁଣିଥରେ ଏହା ବନ୍ଦ ହେବା ଏଣ୍ଟରଟେନମେଣ୍ଟ ଦୁନିଆ ପାଇଁ ଆହୁରି କ୍ଷତି ବୋଲି କୁହାଯାଉଛି । କରୋନା ମହାମାରୀ ଯୋଗୁ ପୁଣିଥରେ ବନ୍ଦ ହେଲାଣି ସିନେମା ହଲ୍ । ତେବେ ୨୦୨୧ରେ କେତେଜଣ ଷ୍ଟାର କିଡ ବଲିଉଡରେ ଡେବ୍ୟୁ କରିଥିବା ବେଳେ ଚଳିତ ବର୍ଷ ବି କେତେଜଣ ବଲିଉଡ୍ରେ ଡେବ୍ୟୁ କରିବାକୁ ଯାଉଥିବା ଜଣାପଡିଛି ।
ସୁହାନା ଖାଁ: ଗଣ ମାଧ୍ୟମର ସୂଚନା ଅନୁଯାୟୀ, ବଲିଉଡ ବାଦଶ।।ହା ଶାହାରୁଖ ଖାଁଙ୍କ ଲାଡଲି ସୁହାନା ଖାଁ ଖୁବଶୀଘ୍ର ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ସୁହାନା ପପୁଲାର ଆମେରିକାନ କମିକ୍ସ ସିରିଜ ଦ ଆର୍ଚିସର ନେଟଫ୍ଲିକ୍ସ ଭର୍ସନରେ ଡେବ୍ୟୁ କରିବେ ।
ଆର୍ଚିସ ଏକ ମଲ୍ଟି ଷ୍ଟାରର ସିରିଜ ହେବ । ଯେଉଁଥିରେ ବଲିଉଡର କେତେଜଣ ଷ୍ଟାର କିଡ୍ ଫିଲ୍ମ ଦୁନିଆରେ ଏଣ୍ଟ୍ରି ମାରିବେ । ଅନ୍ୟ ଜଣେ ହେଉଛନ୍ତି ବୋନି କପୁର ଓ ଶ୍ରୀଦେବୀଙ୍କ ଲାଡଲି ଖୁସି କପୁର । ‘ଦ ଆର୍ଚିସ’ରେ ଅଗସ୍ତ୍ୟ ନନ୍ଦା ବି ଅଭିନୟ କରିବେ ବୋଲି ଶୁଣିବାକୁ ମିଳିଛି । ଯଦି ଏହି ସିରିଜରେ ୩ ନାମୀ ଚେହେରା ଆସିବେ ତେବେ ବଲିଉଡରେ ୩ ଖାନଦାନର ଷ୍ଟାର ଏକାଠି ଧୁମ୍ ମଚାଇବେ ।
ଶନାୟା କପୁର: ଶୁଣିବାକୁ ମିଳିଛି କି ଧର୍ମା ପ୍ରଡକସନ ବ୍ୟାନରରେ ନିର୍ମିତ ଫିଲ୍ମରେ ସଞ୍ଜୟ କପୁରଙ୍କ ଲାଡଲି ଶନାୟା କପୁର ଡେବ୍ୟୁ କରିବାକୁ ଯାଉଛନ୍ତି । ଯଦିଓ ଅଫିସିୟାଲି ଏହା ଘୋଷଣା କରାଯାଇ ନାହିଁ ହେଲେ ସୂଚନା ମିଳିଛି କି ଶନାୟା ଜୁଲାଇ ୨୦୨୧ରେ ଏହାର ଶୁଟିଂ ଆରମ୍ଭ କରି ସାରିଛନ୍ତି ।
ପଲକ ତିୱାରି: ଟେଲିଭିଜନ ଦୁନିଆର ଏକ ପରିଚିତ ଚେହେରା ଶ୍ୱେତା ତିୱାରି । ଏଥର ତାଙ୍କ ଝିଅ ପଲକ ତିୱାରୀ ବି ଚଳିତ ବର୍ଷ ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି । ନିକଟରେ ରିଲିଜ ହୋଇଥିବା ପଲକଙ୍କର ମ୍ୟୁଜିକ ଆଲବମ ବିଜଲିକୁ ନେଇ ସେ ଥିଲେ ଚର୍ଚ୍ଚାରେ । ଏଥର ପଲକ ବଲିଉଡ ଅଭିନେତା ବିବେକ ଓବରୟଙ୍କ ସହ ‘ରୋଜି:ଦ ସୌଫରନ ଚାପ୍ଟର’ରେ ଡେବ୍ୟୁ କରିବେ ।
